DANIELA 2:23 - Buka Helaga (Hiri Motu) 1993

²³ Dirava e, oi dekenai lau hanamoa, bona oi dekenai lau matauraia danu. Oi be lauegu sene taudia edia Dirava. Oi ese aonega bona goada lau dekenai oi henia. Oi ese lauegu guriguri oi haere henia vadaeni, bona king dekenai do ai hamaoroa gauna, be ai dekenai oi hedinaraia vadaeni.”

DANIELA 2:23 Iomraidhean Croise

GENESE 18:17

Bona Lohiabada be sibona lalona dekenai ia gwau, “Dohore lau karaia kara lau hunia diba lasi Aberahamo dekenai.

GENESE 31:42

Lauegu tamana ena Dirava, Aberahamo ena Dirava, bona Isako ia gari henia Diravana, bema ia durua lasi lau dekenai, harihari lau be mai kohu lasi lau do oi lulua. To Dirava ese lauegu hekwarahi bona lauegu imana ena gaukara ia itaia vadaeni, vadaeni hanuaboi ia hereva henia oi dekenai.”

1 KING TAUDIA 18:36

Adorahi boubou henia negana ia ginidae neganai, peroveta tauna Elia be boubou patana badinai ia gini, ia guriguri, ia gwau, “Lohiabada e, Aberahamo bona Isako bona Iakobo edia Dirava e, hari dina do oi hedinaraia momokani oi be Israela ena Dirava, bona lau, oiemu hesiai tauna, ese inai kara oiemu oda dekenai lau karaia noho.

1 KING TAUDIA 8:57

Lohiabada, iseda Dirava, be ita danu ia noho, iseda sene taudia danu ia noho hegeregerena, ia ese ita do ia rakatania lasi, ita do ia negea lasi.

1 SIVARAI 29:10

Unai dainai, Davida ese hebou taudia ibounai edia vairanai Lohiabada ia hanamoa, ia gwau, “Lohiabada e, aiemai sene taudia edia Dirava, ai ese oi do ai hanamoa ela bona hanaihanai.

1 SIVARAI 29:13

Aiemai Dirava, harihari ai ese oi dekenai ai tanikiu henia, bona oiemu ladana namo herea momokani ai hanamoa noho.”

2 SIVARAI 20:6

ia guriguri, ia gwau, “Lohiabada e, aiemai sene taudia edia Dirava, oi be guba ena Dirava, bona oi ese bese idauidau edia basileia ibounai oi biagua noho. Oiemu siahu bona goada be bada herea dainai, tau ta ese oi ia koua diba lasi.

SALAMO 21:2

Oi ese iena kudouna ena ura oi henia vadaeni. Iena noinoi gauna, be oi ese oi henia vadaeni.

SALAMO 21:4

Ia ese oi dekenai mauri ia noia, bona oi ese ia dekenai oi henia. Iena mauri dinadia, be oi ese do oi halataia, ela bona hanaihanai.

SALAMO 25:14

Lohiabada idia gari henia taudia, be Lohiabada ese idia dekenai, iena hunia gaudia ia hadibaia noho. Lohiabada ese danu idia dekenai, iena gwauhamata taravatuna ena anina ia hadibaia noho.

SALAMO 50:14

To lau ura momokani gauna be emui tanikiu, emui boubou gauna korikori be unai. Lau, Siahu Ibounai Dirava dekenai umui karaia vadaeni gwauhamata, edia anina ibounai do umui henia haorea.

ESODO 3:15

Dirava ia hereva lou Mose dekenai, ia gwau, “Israela taudia dekenai dohore oi hamaoroa, oi gwau, ‘Lohiabada, umui emui sene taudia edia Dirava, Aberahamo ena Dirava, Isako ena Dirava, Iakobo ena Dirava ese ia siaia lau umui dekenai.’ Lauegu ladana be inai, ia lao hanaihanai, gabeai ia mai nega ibounai lalonai inai bamona lauegu ladana dohore umui gwauraia.

AONEGA HEREVADIA 21:22

Tuari biaguna mai aonega danu ese, goada taudia edia hanua ia halusia diba. Edia ruma aukana, idia abidadama henia noho gauna ia veria diho diba.

AONEGA HEREVADIA 24:5

Aonega tauna ese goada tauna ia hereaia noho, bona diba namona tauna ese, tauanina goada tauna ia hereaia noho.

AONEGA HEREVADIA 8:14

Lau ese palani lau karaia noho, bona inai palani be lau karaia haorea. Lau be mai egu aonega bona mai egu siahu.

HADIBAIA TAUNA 7:19

Aonega ese aonega tauna ia hagoadaia noho, vadaeni iena goada ese hanua lohia taudia 12 edia goada ia hereaia noho.

HADIBAIA TAUNA 9:16

Unai neganai lau gwau, “Aonega ena namo ese goada ena namo ia hereaia noho.” Momokani, unai ogogami tauna ena aonega be idia ese idia negea, bona iena hereva idia kamonai henia noho lasi.

HADIBAIA TAUNA 9:18

Aonega ena namo ese tuari gaudia edia namo ia hereaia noho. To bema tau tamona ese kara dika ia karaia neganai, ia ese kara namodia momo ia hadikaia diba.

ISAIA 12:1

Unai dina dekenai, inai bamona do umui gwau: “Lohiabada e, lau ese oi do lau hanamoa, badina oi badu lau dekenai, to oiemu badu oi hadokoa, bona hari oi ese lau oi hagoadaia noho.

IEREMIA 33:3

Do oi boiboi lau dekenai, vadaeni lau ese oi dekenai do lau haere, bona gau badadia, hunia gaudia, oi do diba lasi gaudia, be oi dekenai do lau hamaoroa.

DANIELA 1:17

Dirava ese unai taudia 4 dekenai aonega namona ia henia, bona aonega davaria dalana danu idia diba momokani. Ma Daniela dekenai Dirava ese aonega ia henia, vadaeni mata hanai bona nihi edia anina ia gwauraia diba.

DANIELA 2:18

Idia ia hamaoroa goada, guba ena Dirava do idia noia, do ia bogahisihisi idia dekenai, bona unai hunia gauna do ia hadibaia, vadaeni Babulonia ena aonega taudia danu do idia mase hebou lasi.

AMOSA 3:7

Momokani, kara ibounai Lohiabada Dirava ia ura karaia gwauraia neganai, ia ese iena hesiai taudia, peroveta taudia ia hamaorodia guna.

MATAIO 11:25

Unai neganai Iesu ia gwau, “Egu Tamana e, guba bona tanobada ena Lohia, lau hanamoa oi, badina be inai gaudia aonega taudia bona diba momo taudia dekena amo oi hunia vadaeni, to natudia matamata dekenai oi hedinaraia vadaeni.

LUKA 10:21

Unai neganai Iesu be Lauma Helaga ese ia abia dainai ia moale bada, ia gwau, “Egu Tamana e, guba bona tanobada ena lohia, lau hanamoa oi dekenai, badina be inai gaudia aonega taudia bona diba taudia dekena amo oi hunia vadaeni, to memero maragidia dekenai oi hedinaraia vadaeni. Egu Tamana e, oiemu laloa namona dainai unai bamona oi karaia.

IOANE 11:41

Vadaeni idia ese nadi idia kokia, Iesu ese iena matana dekenai guba ia itaia, ia guriguri, ia gwau, “Egu Tamana e, lau hanamoa oi, badina be oi ese lau oi kamonai henia noho.

IOANE 15:15

Harihari ia lao, umui be hesiai taudia do lau gwauraia lasi, badina hesiai tauna be iena biaguna ena kara ia diba lasi. To umui be lauegu turana do lau gwauraia, badina be lauegu Tamana dekena amo lau kamonai herevadia ibounai umui dekenai lau hamaoroa vadaeni.

APOKALUPO 1:1

Inai buka ena hereva be Iesu Keriso ese ia hedinaraia gauna. Dirava ese Iesu dekenai ia hedinaraia, badina ia ura Iesu ese kahirakahira do idia vara gaudia be iena hesiai taudia dekenai do ia hedinaraia. Vadaeni Keriso ese iena aneru iena hesiai tauna Ioane dekenai ia siaia, inai gaudia do ia hamaoroa totona.

APOKALUPO 5:5

Vadaeni, badana tauna ta ese lau dekenai ia hereva henia, ia gwau, “Oi tai lasi. Oi itaia! Iuda iduhuna ena Laiona, Davida ena natuna badana, ese kwalimu ia abia vadaeni. Ia ese unai koua toana 7 ia makohia diba, bona buka ia kehoa diba.”