DANIELA 2:22 - Buka Helaga (Hiri Motu) 1993

²² Dobu bona hunia gaudia be ia ese ia hedinaraia, bona dibura dekenai idia hunia noho gaudia ia diba, bona diari ese ia hagegea noho.

DANIELA 2:22 Iomraidhean Croise

GENESE 41:16

Iosepa ese Farao dekenai ia haere henia, ia gwau, “Lau be lasi, to Dirava ese Farao dekenai do ia haere henia, maino herevana dekenai.”

IOBU 12:22

Dirava ese dobu gabudia edia hunia gaudia ia kehoa hedinaraia, bona dibura masemase gabudia ia hadiaria noho.

IOBU 26:6

Badina Dirava ese mase taudia ia itaia namonamo. Hel ena kahana ibounai, be Dirava ese ia itaia namonamo noho, bona unuseni noho taudia idia hunia diba lasi.

SALAMO 104:2

Oi sibona dekenai diari oi atoa, dabua bamona. Oi ese guba bona hisiu oi karaia, tau ta ese palai ruma ia haginia bamona,

SALAMO 25:14

Lohiabada idia gari henia taudia, be Lohiabada ese idia dekenai, iena hunia gaudia ia hadibaia noho. Lohiabada ese danu idia dekenai, iena gwauhamata taravatuna ena anina ia hadibaia noho.

SALAMO 36:9

Badina oi be mauri ibounai ena badina, bona oiemu diari dainai, ai ese diari ai itaia noho.

HADIBAIA TAUNA 8:1

Aonega tauna sibona ese, idia vara noho karadia edia anina ia diba. Aonega ese, tau ena vairana auka ia kokia, bona aonega ese, kiri namona be iena uduna dekenai ia atoa.

ISAIA 41:22

Iniseni do umui mai, bona gabeai dahaka do idia vara do umui gwauraia, vadaeni do idia vara neganai, ai be do ai daradara lasi. Nega gunadia dekenai idia vara karadia, be ai dekenai do umui herevalaia, bona edia anina danu ai dekenai do umui hadibaia.

ISAIA 41:26

Umui daika ese ia peroveta, ia gwau inai kara be do ia vara, vadaeni ai ese ia do ai hamaoroa diba, ia be maoro? Lasi, umui ta ese hereva ta umui gwauraia lasi. Tau ta lasi ese emui hereva ta ia kamonai.

ISAIA 42:9

Lau ese do idia vara gaudia be umui dekenai lau hadibaia guna, bona inai gaudia be idia vara vadaeni. Harihari be gau matamata, gabeai do idia vara gaudia, be umui dekenai do lau hamaoroa, idia do vara lasi neganai.”

ISAIA 45:7

Diari lau karaia noho, bona dibura lau havaraia noho. Namo lau karaia noho, bona dika danu lau havaraia noho. Lau be Lohiabada, inai kara ibounai lau karaia noho.

IEREMIA 23:24

Tau ta ese lau dekena amo ia hunia diba lasi, nega ibounai lau itaia noho. Badina be lau Lohiabada be guba ena kahana ibounai bona tanobada ena kahana ibounai dekenai lau noho.

IEREMIA 33:3

Do oi boiboi lau dekenai, vadaeni lau ese oi dekenai do lau haere, bona gau badadia, hunia gaudia, oi do diba lasi gaudia, be oi dekenai do lau hamaoroa.

DANIELA 2:11

“King badana e, inai oi tahua auka gauna be auka momokani, dirava sibona idia karaia diba. Bona unai dirava be idia noho lasi taunimanima dekenai.”

DANIELA 2:19

Unai hanuaboi lalonai, mata hanai ta dekenai Dirava ese unai hunia gauna be Daniela dekenai ia hedinaraia. Unai dainai Daniela ese guba ena Dirava ia hanamoa henia, ia gwau,

DANIELA 2:47

King ese Daniela ia hereva henia, ia gwau, “Momokani, momokani, lau diba oiemu Dirava be dirava ibounai edia Dirava, hereadae momokani, bona king ibounai edia Lohiabada. Ia be hunia gaudia hedinaraia Diravana, badina oi ese inai hunia gauna oi hedinaraia momokani vadaeni.”

DANIELA 5:11

Oiemu basileia dekenai tau ta ia noho, dirava helagadia edia lauma ia noho ia dekenai. Oiemu tamana ia king neganai, inai tau ese aonega namo herea ia hedinaraia. Unai dainai ia be aonega bada taudia bona hoa karaia taudia, bona meamea taudia ibounai edia lohia, oiemu tamana ese ia halaoa.

DANIELA 5:14

“Lau kamonai dirava edia lauma ia noho oi dekenai, bona oiemu aonega bona diba be ia bada herea momokani.

MATAIO 13:13

Inai dainai parabole dekena amo lau hereva idia dekenai, vadaeni edia matana idia negea, to do idia itaia diba lasi. Bona idia kamonai gwauraia, to do idia kamonai diba lasi, bona edia lalona be do ia kehoa diba lasi.

IOANE 1:9

Inai be Diari momokani, taunimanima ibounai hadiaria totona ia mai tanobada dekenai.

IOANE 21:17

Iesu ese nega ihatoina ma ia nanadaia, ia gwau, “Simona Iona e, oi ura henia lau dekenai, a?” Petero ena lalona ia hisihisi, badina be nega toi ia dekenai Iesu ia nanadaia, ia gwau, “Oi ura henia lau dekenai, a?” Unai dainai, ia ese ia haere, ia gwau, “Lohiabada e, oi be gau ibounai oi diba, oi diba vadaeni lau ura henia oi dekenai!” Iesu ia gwau, “Egu mamoe do oi ubua.

IOANE 8:12

Vadaeni Iesu ia haroro lou idia dekenai, ia gwau, “Lau be tanobada ena diari. Lauegu murina dekenai do ia raka tauna be dibura lalonai do ia loaloa lasi, to mauri ena diari do ia abia.”

1 KORINTO 4:5

Unai dainai tau ta do umui gwauraia kerere haraga lasi. Naria ela bona Lohiabada do ia mai. Ia ese dibura lalonai idia hunia gaudia be diari lalonai do ia hedinaraia, ma ia ese taunimanima edia hunia laloa do ia hedinaraia. Bona unai neganai tau ibounai ese Dirava ena hanamoa hereva do idia abia, edia kara hegeregerena.

EFESO 3:5

Nega gunadia lalonai Dirava ese taunimanima dekenai inai hunia hereva ia hadibaia lasi. To harihari Dirava ese iena Lauma Helaga dekena amo, iena aposetolo bona peroveta helaga taudia dekenai inai hunia hereva ia hedinaraia vadaeni.

DEUTERONOMI 29:28

Iena badu ena siahu dekena amo Lohiabada ese inai bese taudia edia tano dekena amo ia kokia, bona idia ia lulua lao, idau tano dekenai do idia noho, hari inai dina dekenai idia noho gabuna.’

1 TIMOTEO 6:16

Ia sibona ia mase diba lasi, ia sibona diaridiari bada dekenai ia noho, bona ia kahirakahira ita lao diba lasi. Tau ta lasi ese Dirava ia itaia vadaeni, bona ta ese vaira neganai do ia itaia diba lasi. Iena ladana badana do ita matauraia, badina iena siahu do ia noho, ela bona hanaihanai. Amen.

HEBERU 4:13

Gau ta Dirava dekena amo ita hunia diba lasi. Dirava ese ia karaia gaudia ibounai nega ibounai ia itaia noho. Idia be hanaihanai iena matana edia vairanai idia noho. Bona Dirava ese danu iseda kara do ia kota henia.

IAMESI 1:17

Gau namodia ibounai, bona harihari gaudia namodia momokani ibounai, be Dirava dekena amo idia diho mai. Dirava ese diari ibounai ia karaia, bona nega haida idia ese edia toana idia senisia, nega haida mai edia dibura nega. To Dirava ese iena kara ia senisia lasi, ia diari hanaihanai, bona ia be mai ena dibura sisina lasi.

1 IOANE 1:5

Inai hereva be Dirava ena Natuna dekena amo ai kamonai, bona umui dekenai ai hamaoroa: Dirava be diari, bona dibura sisina sibona ia dekenai ia noho lasi.