DANIELA 2:18 - Buka Helaga (Hiri Motu) 1993

¹⁸ Idia ia hamaoroa goada, guba ena Dirava do idia noia, do ia bogahisihisi idia dekenai, bona unai hunia gauna do ia hadibaia, vadaeni Babulonia ena aonega taudia danu do idia mase hebou lasi.

DANIELA 2:18 Iomraidhean Croise

GENESE 18:28

To sedira kara maoromaoro taudia be 50 lasi, 45 sibona. Bema 5 sibona be lasi, hanua ibounai do oi hadikaia ore, a?” Lohiabada ia gwau, “Bema kara maoromaoro taudia 45 lau davaria, hanua do lau hadikaia ore lasi.”

SALAMO 136:26

Guba ena Dirava do ita tanikiu henia be namo. Iena lalokau bona bogahisihisi do idia noho hanaihanai.

SALAMO 50:15

Hisihisi bona hekwarahi idia ginidae neganai, lau dekenai do umui boiboi, bona lau ese umui do lau hamauria, vadaeni umui ese lau do umui hanamoa bada.”

SALAMO 91:15

Bema idia ese lau idia boiboi henia neganai, lau ese idia dekenai do lau haere. Hisihisi idia davaria neganai, lau ese idia dekenai do lau noho. Lau ese idia do lau hamauria, bona taunimanima edia mataurai idia dekenai do lau henia.

ISAIA 37:4

Sedira Lohiabada, oiemu Dirava, ese Rabesake, Asuria ena king ese ia siaia tauna ena hereva ia kamonai vadaeni. Mauri Dirava ia hadikaia totona hereva dika ia gwauraia vadaeni. Sedira Lohiabada, oiemu Dirava, ese unai ia kamonai vadaeni hereva ena davana do ia henia. Unai dainai iseda taunimanima, idia do noho taudia, dainai mani Dirava do oi noia.’ ”

IEREMIA 33:3

Do oi boiboi lau dekenai, vadaeni lau ese oi dekenai do lau haere, bona gau badadia, hunia gaudia, oi do diba lasi gaudia, be oi dekenai do lau hamaoroa.

ESEKIELA 36:37

Lohiabada Dirava ma ia hereva, ia gwau, “Bema Israela bese taudia ese lau idia noia, edia bese do lau habadaia totona, lau ese edia noinoi do lau kamonai. Vadaeni idia be momo herea do idia lao, mamoe idia momo herea bamona.

DANIELA 2:23

Dirava e, oi dekenai lau hanamoa, bona oi dekenai lau matauraia danu. Oi be lauegu sene taudia edia Dirava. Oi ese aonega bona goada lau dekenai oi henia. Oi ese lauegu guriguri oi haere henia vadaeni, bona king dekenai do ai hamaoroa gauna, be ai dekenai oi hedinaraia vadaeni.”

DANIELA 3:17

“Bema unai bamona oi karaia neganai, aiemai Dirava ese inai lahi siahu herea dekena amo ia hamauria diba ai, bona king e, oiemu imana dekena amo do ia hamauria ai.

DANIELA 4:26

“To idia gwau, ‘Au badina ena ramuna be do ia noho tano lalonai.’ Ena anina be, oiemu basileia be do ia noho. Bona bema diba do oi abia, bona oi hamomokania, Dirava tamona sibona ese gau ibounai ia biagua noho neganai, oiemu basileia ma do oi abia lou.

IONA 1:9

Iona ia haere, ia gwau, “Lau be Heberu tauna. Lau ese Lohiabada, guba ena Dirava lau tomadiho henia noho. Ia ese tano bona davara ia karaia.”

MALAKI 3:18

Unai neganai lauegu kara ena idau do umui itaia lou, kara maoromaoro taudia dekenai edena bamona do lau karaia, bona kara dika taudia dekenai edena bamona do lau karaia. Oibe, do umui itaia Dirava ena gaukara idia karaia, bona iena gaukara idia karaia lasi taudia dekenai, dahaka do ia vara.”

MATAIO 18:12

“Umui be dahaka umui laloa? Bema tau ta ena mamoe be 100, to tamona bema ia boio neganai, ia be 99 do ia rakatania lasi, ia boio gauna ororo dekenai do ia tahua lasi, a?

MATAIO 18:19

“Umui lau hamaoroa momokani, bema tanobada dekenai umui rua emui laloa do idia tamona, vadaeni mai emui laloa tamona gau ta totona do umui noinoi hebou, egu Tamana guba dekenai ia noho ese unai bamona do ia karaia umui dekenai.

APOSETOLO EDIA KARA 12:4

Ia dogoatao neganai, dibura ruma lalonai ia koua, bona ia henia tuari orea 4 dekenai (orea ta be tuari taudia 4), idia gimaia totona. Heroda ia laloa be Pasova murinai, Petero be hanua taudia edia kota vairanai do ia hakaua lao.

ROMA 15:30

Egu varavara taudia e, umui dekenai lau noinoi, iseda Lohiabada Iesu Keriso dainai, bona Lauma Helaga ese ia henia lalokauna dainai, lau danu totona Dirava dekenai do umui guriguri goadagoada.

2 PETERO 2:9

Bema hisihisi bona metau Dirava badinaia taudia dekenai idia noho neganai, Lohiabada ese inai hisihisi dekena amo idia ia hamauria diba. Dirava ese danu kara dika taudia ia guia diba, ela bona Kota Bada Dinana ia ginidae.

1 SAMUELA 17:37

Davida ma ia gwau, “Lohiabada ese laiona bona bea dekena amo lau ia hamauria vadaeni. Lau diba momokani, Lohiabada ese inai Pilistia tauna danu, iena imana dekena amo lau do ia hamauria.” Vadaeni Saulo ese Davida ia hamaoroa, ia gwau, “Vadaeni, oi lao, bona Lohiabada ese oi dekenai do ia noho.”