DANIELA 2:12 - Buka Helaga (Hiri Motu) 1993

¹² Unai hereva dainai Nebukanesa ia badu dikadika, vadaeni hereva ia atoa, Babulonia lalonai idia noho aonega taudia ibounai do idia alaia mase.

DANIELA 2:12 Iomraidhean Croise

IOBU 5:2

Momokani, sibona ena badu ese kavakava tauna ia hamasea noho, bona sibona ena mama ese aonega lasi tauna ia alaia noho.

SALAMO 76:10

Momokani taunimanima edia badu ese oi ia hanamoa noho, bona oiemu badu ia ore murinai do mauri noho taudia ese, oi do idia tomadiho henia.

AONEGA HEREVADIA 16:14

Aonega tauna ese, iena king do ia hamoalea noho be namo, badina bema king ia badu neganai, sedira tau ta do ia mase.

AONEGA HEREVADIA 19:12

King ena badu be laiona ena boiboi bamona, to iena lalona namona be medu namo herea bamona.

AONEGA HEREVADIA 20:2

King ena badu do oi gari henia, ia boiboi noho laiona dekenai oi gari henia hegeregerena. Bema oi habadua neganai, oiemu mauri be ia ore.

AONEGA HEREVADIA 29:22

Badu tauna ese heai ia havaraia noho, bona badu momo tauna ese, kara dika momo ia havaraia noho.

DANIELA 2:24

Unai dainai Daniela ia lao Arioka dekenai, tauna unai king ese ia oda henia Babulonia ena aonega taudia do ia hamasea. Daniela ese Arioka ia hamaoroa, ia gwau, “Unai taudia do oi alaia lasi. Mani emu kara lau do oi hakaua lao king dekenai, vadaeni nihi ena anina do lau hamaoroa.”

DANIELA 2:5

Vadaeni king ese unai meamea taudia dekenai ia hereva, ia gwau, “Umui lau hamaoroa momokani inai, bema inai nihi bona iena anina danu umui hedinaraia diba lasi neganai, emui tauanina do lau utua maragimaragi, bona umui emui ruma ibounai be do lau hadikaia, momoru do idia lao.

DANIELA 3:13

Nebukanesa ia badu dikadika, bona oda hereva ia atoa, Sataraka bona Misaka bona Abetenigo do idia mailaia. Vadaeni unai tau toi idia mailaia Nebukanesa dekenai.

DANIELA 3:19

Unai hereva dekenai Nebukanesa ia badu dikadika momokani, bona iena vairana toana ia idau Sataraka bona Misaka bona Abetenigo dekenai, vadaeni lahi naria taudia ia hamaoroa, unai lahi ena siahu ma do idia habadaia nega 7, guna idia hasiahua bamona lasi.

DANIELA 5:19

“Unai mataurai ia henia dainai bese bona gado ibounai taudia ese oiemu tamana dekenai idia gari henia, bona iena vairana dekenai idia heudeheude. Bema ia ura tau ta ia alaia, be ia alaia, bema ia ura tau ta ia mauri noho, be ia ese dala ia karaia. Iena ura hegeregere ia ese tau ta ia abia isi, o tau ta ia atoa diho.

MATAIO 2:16

Heroda be ia diba aonega taudia ese idia koia, vadaeni ia badu dikadika. Vadaeni tuari taudia ia siaia, lagani rua idia do abia lasi memero ibounai Betelehema dekenai, bona Betelehema ena badibadina tano dekenai, idia alaia mase. Badina be aonega taudia be guna idia hamaoroa, lagani rua ia lao vadaeni hisiu ia hedinarai.

MATAIO 5:22

To lau ese lau hamaoroa umui, iena tadikakana do ia badu henia tauna be dohore kota biaguna ese do ia kota henia, bona iena tadikakana do ia hereva dika henia tauna be Kaunsolo taudia edia vairana dekenai do ia lao. Bona iena tadikakana be kavakava anina lasi do ia gwauraia tauna, be lahi ia araia gabuna dekenai do ia lao.