DANIELA 2:11 - Buka Helaga (Hiri Motu) 1993

¹¹ “King badana e, inai oi tahua auka gauna be auka momokani, dirava sibona idia karaia diba. Bona unai dirava be idia noho lasi taunimanima dekenai.”

DANIELA 2:11 Iomraidhean Croise

GENESE 41:39

Vadaeni Farao ese Iosepa dekenai ia hereva, ia gwau, “Dirava ese inai dala ibounai oi dekenai ia hedinaraia vadaeni, bona tau ta lasi mai ena diba bona mai ena aonega oi hegeregere.

GENESE 41:8

Daba ia rere, iena kudouna ia gari dikadika. Vadaeni iena hereva ia siaia lao, Aigupito dekenai puripuri taudia ibounai bona aonega taudia ibounai ia boiridia. Vadaeni Farao ese iena nihi idia dekenai ia hamaoroa, to idia ibounai be nihi edia anina idia gwauraia diba lasi.

1 KING TAUDIA 8:27

“To Dirava be momokani tanobada dekenai ia noho diba, a? Guba, bona guba ena ataiai momokani be hegeregere lasi oiemu noho gabuna. Unai dainai inai dubu, lau ese lau haginia gauna be maragi, edena bamona do oi noholaia diba?

2 SIVARAI 6:18

“To Dirava e, oi be momokani tanobada dekenai, taunimanima edia huana dekenai oi noho diba, a? Guba, bona guba ena ataiai momokani be hegeregere lasi oiemu noho gabuna. Unai dainai inai dubu, lau ese lau haginia gauna be maragi, edena bamona do oi noholaia diba?

SALAMO 132:14

Ia gwau, “Inai hanua dekenai do lau noho ela bona hanaihanai, badina be inai gabu lau ura henia momokani.

SALAMO 68:18

Iena ororo badadia dekenai ia daekau lao, bona ia ese ia abia mauri tuari taudia momo ia hakaudia daekau. Dagedage taudia momo dekena amo harihari gaudia ia abia noho. Unai ororo dekenai Lohiabada Dirava be do ia noho.

ESODO 29:45

Lau be Israela taudia edia huanai do lau noho, bona lau be edia Dirava do lau lao.

ESODO 8:19

Vadaeni inai meamea taudia ese Farao dekenai idia hamaoroa, idia gwau, “Inai kara be Dirava ena imana kwakikwakina korikori ese ia karaia.” To Farao ena lalona be ia auka, ia kamonai lasi Mose bona Arona dekenai, Lohiabada ese ia gwauraia vadaeni bamona.

ISAIA 47:12

Oiemu puripuri bona oiemu meamea karadia do oi karaia noho, oiemu kekeni dinadia dekena amo oi karaia goada gaudia. Bona sedira edia anina do idia vara, sedira taunimanima haida do oi hagaria.

ISAIA 57:15

Lau be ataiai, bona lau be Helaga Diravana. Lau be noho hanaihanai Diravana, egu ladana be helaga. Bona egu noho gabuna be ataiai bona helaga. To lau be, edia lalona idia giroa, bona edia lalodia idia manau taudia danu lau noho. Lau Dirava ese, iena lalona ia manau tauna ena lauma do lau hagoadaia lou. Bona iena lalona ia giroa tauna, be lau ese iena kudouna do lau hamatamataia lou.

ISAIA 8:18

Lau Isaia inai, lau bona egu natuna, Lohiabada ese lau dekenai ia henia memero danu inai. Siahu Ibounai Lohiabada, iena terona be Siona Ororo dekenai Diravana, ese ai ia siaia, Israela taudia dekenai toa do ai lao totona.

DANIELA 4:4

“Lau Nebukanesa be lauegu ruma badana dekenai lau noho namo herea, mai moale bona mai kwalimu danu.

DANIELA 5:11

Oiemu basileia dekenai tau ta ia noho, dirava helagadia edia lauma ia noho ia dekenai. Oiemu tamana ia king neganai, inai tau ese aonega namo herea ia hedinaraia. Unai dainai ia be aonega bada taudia bona hoa karaia taudia, bona meamea taudia ibounai edia lohia, oiemu tamana ese ia halaoa.

IOELA 3:21

To Iuda bona Ierusalema dekenai, be taunimanima do idia noho hanaihanai, bona lau Lohiabada, be Siona Ororo dekenai do lau noho.”

NUMERA 35:34

“Umui noho tanona do umui hamiroa lasi, badina lau be Lohiabada, bona lau be Israela taudia edia huana dekenai lau noho.”

MATAIO 19:26

Iesu ese idia dekenai ia itaia, ia gwau, “Taunimanima ese do idia karaia diba lasi, to Dirava ese gau ibounai be ia karaia diba.”

IOANE 1:14

Inai Hereva be taunimanima ena tauanina dekenai ia halaoa, bona iseda huanai ia noho. Iena hairai danu ita itaia. Inai hairai be Dirava ese ia henia, badina ia be Dirava ena Natuna tamona sibona. Bogahisihisi kara bona hereva momokani dekenai ia honu momokani.

IOANE 14:17

hereva momokani Laumana unai. Tanobada taudia be ia idia abia dae diba lasi, badina be ia idia itaia lasi, bona ia idia diba lasi. To umui be umui diba, badina ia be umui dekenai ia noho, bona emui lalona dekenai do ia noho.

IOANE 14:23

Iesu ia haere, ia gwau, “Lau ia lalokau henia tauna ese lauegu hereva do ia badinaia, vadaeni egu Tamana ese do ia lalokau henia, bona ai ruaosi be ia dekenai do ai lao, ia dekenai do ai noho.

2 KORINTO 6:16

Dirava ena dubu helaga bona kaivakuku be edena bamona idia hakapua tamona diba? Badina ita be Mauri Dirava ena dubu helaga! Dirava ese inai bamona ia hereva, ia gwau: “Lau be lauegu bese taudia danu do lau noho, bona idia edia huanai do lau raka. Bona lau be edia Dirava do lau lao, bona idia be lauegu bese taudia do lau halaodia.”

APOKALUPO 21:3

Gado ta lau kamonai, helai gabuna badana dekena amo ia mai, ia hereva badabada, ia gwau, “Harihari Dirava ena noho gabuna be taunimanima edia huanai do ia noho, bona idia be iena bese taudia do idia lao. Dirava be idia danu do ia noho, bona ia be edia Dirava do ia lao.