DANIELA 12:9 - Buka Helaga (Hiri Motu) 1993

⁹ Unai tau ia haere, ia gwau, “Daniela, vadaeni, oi lao, badina inai hereva ena anina be do hunia bamona ia lao, ela bona dokona negana ia ginidae.

DANIELA 12:9 Iomraidhean Croise

ISAIA 29:11

Inai mata hanai ibounai ena anina be umui dekena amo ia hunia vadaeni. Ia be ia koua vadaeni buka ena hereva bamona umui dekenai. Unai dainai bema duahia ia diba tauna ta dekenai inai buka umui henia, umui gwau, “Inai buka do oi duahia” neganai, ia be do ia gwau, “Lau duahia diba lasi, badina ia be koua momokani.”

ISAIA 8:16

Lauegu diba tahua taudia e, umui ese lauegu hadibaia hereva, Dirava ese lau dekenai ia henia gaudia do umui naria bona hunia.

DANIELA 10:14

Hari lau mai badina korikori be, dokona neganai oiemu bese taudia dekenai do idia vara gaudia do lau hedinaraia totona. Badina inai mata hanai ena anina be vaira nega daudau do ia vara.”

DANIELA 11:40

“Dokona neganai Aigupito ena king ese Suria do ia tuari henia, vadaeni Suria kahana ena king ese mai siahu danu unai tuari do ia haloua, guba bada ia toa bamona. Unai tuari dekenai be kariota bona hosi bona kada momo herea do ia gaukaralaia.

DANIELA 12:4

“To oi Daniela, inai peroveta herevana do oi hunia noho, bona inai buka do oi koua momokani, do ia noho ela bona dokona negana ia ginidae. Unai neganai taunimanima momo do idia heau lao, heau mai, bona aonega do ia bada herea.”

DANIELA 12:8

Ia gwauraia herevana lau kamonai, to unai hereva ena anina be lau diba lasi. Unai dainai lau nanadaia, “Lauegu lohia e, inai gaudia dekena amo be dahaka do ia vara?”

DANIELA 8:26

Inai dina 2,300 ena mata hanai oi dekenai ia hedinaraia gauna do ia momokani, to taunimanima dekenai do oi hedinaraia lasi, badina nega daudau ia noho ela bona do ia vara momokani.”

APOKALUPO 10:4

Inai guba boiboi idia hereva neganai, lau ese edia hereva lau torea gwauraia. To gado ta guba dekena amo lau kamonai, ia gwau, “Inai guba boiboi ena hereva do oi torea lasi. Do oi hunia noho.”