DANIELA 12:8 - Buka Helaga (Hiri Motu) 1993

⁸ Ia gwauraia herevana lau kamonai, to unai hereva ena anina be lau diba lasi. Unai dainai lau nanadaia, “Lauegu lohia e, inai gaudia dekena amo be dahaka do ia vara?”

DANIELA 12:8 Iomraidhean Croise

DANIELA 10:14

Hari lau mai badina korikori be, dokona neganai oiemu bese taudia dekenai do idia vara gaudia do lau hedinaraia totona. Badina inai mata hanai ena anina be vaira nega daudau do ia vara.”

DANIELA 12:6

Unai tau ruaosi ese dabua aukana ia karaia tauna idia itaia, sinavai ranu ena ataiai ia gini noho. Idia ta ese unai tau ia nanadaia, ia gwau, “Ela bona edena neganai inai hoa bona gari gaudia do idia doko?”

DANIELA 12:7

Dabua aukana ia karaia tauna be iena imana ruaosi ia abia isi momokani, guba dekenai ia duduia bamona, bona Noho Hanaihanai Dirava ena ladana dekenai ia gwauhamata. Iena hereva lau kamonai, ia gwau, “Inai gari bona hoa karadia be do idia vara noho ela bona lagani 3 1/2 idia ore. Dirava ena helaga taudia edia siahu idia hadikaia karana do ia ore neganai, inai gau ibounai do idia vara haorea.”

DANIELA 12:9

Unai tau ia haere, ia gwau, “Daniela, vadaeni, oi lao, badina inai hereva ena anina be do hunia bamona ia lao, ela bona dokona negana ia ginidae.

DANIELA 8:13

Unai neganai lau kamonai aneru ta ese aneru ma ta ia nanadaia, ia gwau, “Inai mata hanai dekenai ia vara kara, dina ibounai boubou totona gauna, be do ia noho ela bona edena negai? Unai kara dika rohoroho ese dina ibounai boubou henia gauna ena gabu ia abia, bona guba ena taudia, bona Dubu Helaga do ia moia diho ela bona edena negai?”

LUKA 18:34

Unai hereva ibounai ena anina be idia diba lasi. Idia kamonai, to edia lalona be idia kehoa lasi. Iesu ese ia gwauraia herevadia edia anina, be idia davaria lasi.

IOANE 12:16

Iena diba tahua taudia be unai hereva ena anina idia diba lasi unai neganai, to Iesu ese iena hairaina ia abia murinai idia laloa vadaeni, idia gwau, “Inai bamona hereva be guna idia torea vadaeni Buka Helaga lalonai Iesu totona, bona idia vara momokani.”

APOSETOLO EDIA KARA 1:7

Idia dekenai Iesu ia gwau, “Egu Tamana sibona ena siahu dekenai ia laloa dina bona nega, umui be diba lasi.

1 PETERO 1:11

Keriso ena Lauma be unai peroveta taudia edia lalona dekenai ia noho. Lauma ese idia ia hadibaia, Keriso ese hisihisi do ia abia, gabeai hairai bada do ia abia. Bona idia ese inai henanadai idia nanadaia, idia gwau, “Keriso edena negai do ia mai?” Ma idia henanadai, idia gwau, “Keriso ena mai neganai dahaka do ia vara?”