DANIELA 12:6 - Buka Helaga (Hiri Motu) 1993

⁶ Unai tau ruaosi ese dabua aukana ia karaia tauna idia itaia, sinavai ranu ena ataiai ia gini noho. Idia ta ese unai tau ia nanadaia, ia gwau, “Ela bona edena neganai inai hoa bona gari gaudia do idia doko?”

DANIELA 12:6 Iomraidhean Croise

SALAMO 74:9

Aiemai toa helagadia be idia boio vadaeni. Aiemai peroveta tauna ta be lasi, bona inai nega dika ena daudau be tau ta ia diba lasi.

ESEKIELA 9:2

Vadaeni lau itaia, tau ibounai 6 be Dubu Helaga ena magu iduara, mirigini kahana gauna, ena kahana dekena amo idia mai, ta ta be mai edia tuari kaia imadia dekenai. Ma tau ta danu idia danu ia mai, ia be dabua aukana ia karaia, bona mai ena torea peni bona pepa danu. Vadaeni idia be boubou patana, auri laboralabora gauna, ena badibadinai idia gini.

DANIELA 12:5

Vadaeni lau, Daniela, lau itaia tau rua idia gini noho, ta be sinavai inai kahana ia gini, ma ta be sinavai unai kahana ia gini.

DANIELA 12:8

Ia gwauraia herevana lau kamonai, to unai hereva ena anina be lau diba lasi. Unai dainai lau nanadaia, “Lauegu lohia e, inai gaudia dekena amo be dahaka do ia vara?”

DANIELA 8:13

Unai neganai lau kamonai aneru ta ese aneru ma ta ia nanadaia, ia gwau, “Inai mata hanai dekenai ia vara kara, dina ibounai boubou totona gauna, be do ia noho ela bona edena negai? Unai kara dika rohoroho ese dina ibounai boubou henia gauna ena gabu ia abia, bona guba ena taudia, bona Dubu Helaga do ia moia diho ela bona edena negai?”

DANIELA 8:16

Ma tau ta ena gadona lau kamonai, Ulai Sinavai unai kahana dekena amo ia boiboi mai, ia gwau, “Gaberiela e, unai mata hanai ena anina unai tauna dekenai do oi hadibaia.”

MATAIO 24:3

Iesu be Olive Ororo dekenai ia helai, vadaeni iena diba tahua taudia ia dekenai idia lao, hunia dala dekenai idia hereva henia, idia gwau, “Mani oi hamaoroa ai dekenai, oiemu hereva gauna edena negai do idia vara? Do oi giroa mai, bona tanobada dokona danu, ena toana be dahaka?”

MAREKO 13:4

“Mani oi hamaoroa ai dekenai, inai gau ibounai edena negai do idia vara? Do idia mai kahirakahira toana be dahaka?”

EFESO 3:10

Oibe, guna ia hunia, to hari Dirava ese gaukara badana ekalesia dekenai ia henia. Inai gaukara be, ekalesia ese Dirava ena aonega idauidau, be guba ena lohia taudia, bona guba ena siahu taudia dekenai do ia hedinaraia.

1 PETERO 1:12

Dirava ese idia dekenai ia hedinaraia, edia gaukara be idia edia namo totona idia karaia lasi. Lasi, to umui emui namo totona unai gaukara idia karaia. Oibe, idia edia hereva, be harihari Sivarai Namona ena haroro taudia ese umui dekenai idia haroro henia vadaeni. Lauma Helaga guba dekena amo Dirava ese ia siaia diho dainai, unai Sivarai Namona idia harorolaia noho. Inai kara bona Sivarai Namona, be aneru danu idia ura dikadika do idia itaia bona diba.

APOKALUPO 15:6

Unai aneru 7, hisihisi havaraia gaudia 7 idia dogoatao anerudia be dubu helaga dekena amo idia raka mai. Idia ese davana bada dabua goevagoevadia, bona kurokuro momokani idia karaia. Golo beleta be edia kemena dekenai idia kwatua.

APOKALUPO 19:14

Guba ena tuari oreadia be ia murinai idia lao. Hosi kurokurodia latanai idia guia, bona davana bada dabuadia, goevagoeva bona kurokuro, idia karaia.

APOKALUPO 6:10

Inai lauma idia boiboi goadagoada, idia gwau, “Siahu Ibounai Lohiabadana, helaga bona momokani, edena negai tanobada taudia do oi kota henia, edia davana do oi henia, aiemai rarana dainai?”