DANIELA 12:4 - Buka Helaga (Hiri Motu) 1993

⁴ “To oi Daniela, inai peroveta herevana do oi hunia noho, bona inai buka do oi koua momokani, do ia noho ela bona dokona negana ia ginidae. Unai neganai taunimanima momo do idia heau lao, heau mai, bona aonega do ia bada herea.”

DANIELA 12:4 Iomraidhean Croise

ISAIA 11:9

Siona, Dirava ena ororo helagana dekenai, dika ta, o hadikaia gauna ta do ia noho lasi. Badina be tanobada ibounai, be Lohiabada ena diba maoro dekena amo do ia honu momokani, davara be ranu dekenai ia honu bamona.

ISAIA 29:11

Inai mata hanai ibounai ena anina be umui dekena amo ia hunia vadaeni. Ia be ia koua vadaeni buka ena hereva bamona umui dekenai. Unai dainai bema duahia ia diba tauna ta dekenai inai buka umui henia, umui gwau, “Inai buka do oi duahia” neganai, ia be do ia gwau, “Lau duahia diba lasi, badina ia be koua momokani.”

ISAIA 30:26

Unai neganai danu, hua ena diari be dina ena diari hegeregerena do ia lao, bona dina ena diari be nega 7 dekenai Dirava ese do ia habadaia, dina 7 ena diari hegeregerena. Inai bamona do ia vara, be Lohiabada ese iena bese taudia dekenai ia henia berodia do ia kumia, bona idia do ia hanamoa neganai.

ISAIA 32:3

Unai neganai idia itaia diba taudia be edia matana do idia koua lasi, bona idia kamonai diba taudia ese do idia kamonai.

ISAIA 8:16

Lauegu diba tahua taudia e, umui ese lauegu hadibaia hereva, Dirava ese lau dekenai ia henia gaudia do umui naria bona hunia.

IEREMIA 5:1

Ierusalema taudia e, emui ariara dekenai, do umui heau lao, heau mai! Do umui itaia, bona do umui laloa. Ariara bona hoihoi gabudia dekenai do umui tahua, to tau namona ta do umui davaria diba, a? Kara maoromaoro bona Dirava ia badinaia momokani tauna ta, be umui davaria, a? Bema unai bamona tauna ta umui davaria diba, Lohiabada ese Ierusalema ena dika do ia gwauatao.

DANIELA 10:1

Sairasi ia Parasa ena king lagani namba 3 neganai hereva ta Dirava ese ia hedinaraia Daniela dekenai, iena ladana ta be Belitisasa. Inai hereva be momokani, bona ia be tuari bona nega dika herevana. Inai hereva ena anina be Daniela ese ia abia, badina mata hanai dekenai iena anina ia davaria.

DANIELA 10:14

Hari lau mai badina korikori be, dokona neganai oiemu bese taudia dekenai do idia vara gaudia do lau hedinaraia totona. Badina inai mata hanai ena anina be vaira nega daudau do ia vara.”

DANIELA 10:21

Lau mai ena badina be, Hereva Momokani Bukana dekenai ia torea gauna ena anina do lau hamaoroa oi dekenai. To inai gaudia karaia totona lau ia durua tauna ta be lasi, Mikaela sibona ese lau ia durua, ia be oiemu lohia.”

DANIELA 11:33

“Unai neganai gunalaia taudia mai edia aonega ese do idia toreisi, taunimanima momo do idia durua, bona laloa kehoa do idia henidia. To tuari taudia ese nega sisina lalonai, inai aonega taudia haida kaia dekenai do idia alaia mase, ma haida be lahi dekenai do idia gabua mase. Ma unai tuari taudia ese unai aonega taudia haida edia kohu do idia henaoa, bona dibura ruma lalonai do idia koua.

DANIELA 11:40

“Dokona neganai Aigupito ena king ese Suria do ia tuari henia, vadaeni Suria kahana ena king ese mai siahu danu unai tuari do ia haloua, guba bada ia toa bamona. Unai tuari dekenai be kariota bona hosi bona kada momo herea do ia gaukaralaia.

DANIELA 12:13

“To oi, Daniela, oi haheauka noho ela bona oiemu mauri dokona. Do oi laga-ani, to nega dokona dekenai be do oi toreisi, bona oiemu gaukara davana namona do oi abia.”

DANIELA 12:5

Vadaeni lau, Daniela, lau itaia tau rua idia gini noho, ta be sinavai inai kahana ia gini, ma ta be sinavai unai kahana ia gini.

DANIELA 12:9

Unai tau ia haere, ia gwau, “Daniela, vadaeni, oi lao, badina inai hereva ena anina be do hunia bamona ia lao, ela bona dokona negana ia ginidae.

DANIELA 8:17

Gaberiela ia mai, lauegu badinai ia gini. Lau gari dikadika dainai lau moru diho tano dekenai. Ia hereva lau dekenai, ia gwau, “Oi be taunimanima sibona, to unai mata hanai ena anina do oi laloa namonamo. Unai be dokona neganai do ia vara gaudia ia herevalaia.”

DANIELA 8:19

Ia gwau, “Dirava ena badu dinana ia ore neganai dahaka dohore ia vara be oi dekenai lau hedinaraia noho inai, badina unai mata hanai ese dokona negana gaudia ia herevalaia.

DANIELA 8:26

Inai dina 2,300 ena mata hanai oi dekenai ia hedinaraia gauna do ia momokani, to taunimanima dekenai do oi hedinaraia lasi, badina nega daudau ia noho ela bona do ia vara momokani.”

MATAIO 24:14

Basileia ena Sivarai Namona be tanobada ibounai dekenai do idia harorolaia. Vadaeni unai murinai, dokona be do ia ginidae.”

ROMA 10:18

To lau henanadai, lau gwau, “Momokani inai Sivarai Namona idia kamonai lasi, a? Lasi, idia kamonai vadaeni, Buka Helaga ia torea bamona, ia gwau: ‘Edia gadona ena sivarai, be tanobada ibounai dekenai idia gwauraia loaloa, bona edia hereva, be tanobada ena dokona momokani dekenai idia lao.’ ”

APOKALUPO 10:4

Inai guba boiboi idia hereva neganai, lau ese edia hereva lau torea gwauraia. To gado ta guba dekena amo lau kamonai, ia gwau, “Inai guba boiboi ena hereva do oi torea lasi. Do oi hunia noho.”

APOKALUPO 22:10

Ma lau ia hamaoroa, ia gwau, “Inai buka ena peroveta hereva do oi hunia lasi, badina be Dirava ese inai kara do ia karaia ena nega be kahirakahira.

APOKALUPO 5:1

Buka ta lau itaia. Ia be helai gabuna badana latanai ia helai Diravana ena imana idibana ese ia dogoatao noho. Inai buka be mai toretore lalona kahanai, bona murimuri kahanai, bona ia be koua momokani, koua toana ibounai be 7.