DANIELA 12:2 - Buka Helaga (Hiri Motu) 1993

² Tano kahuna lalonai idia mahuta noho taudia momo do idia toreisi, bona haida be mauri hanaihanai do idia abia, to haida be noho hanaihanai hemaraina do idia davaria.

DANIELA 12:2 Iomraidhean Croise

AONEGA HEREVADIA 12:8

Bema oi be mai aonega danu neganai, taunimanima ese oi do idia hanamoa, to bema oi be kavakava neganai, taunimanima ese oi do idia negea.

ISAIA 26:19

To aiemai mase taudia be do idia mauri lou, edia tauanidia be do idia toreisi lou. Guria gabudia dekenai idia mahuta noho taudia, be do idia noga, bona mai moale danu ane do idia abia. Badina be hanuaboi ena paripari ese, tano ia hagoadaia lou bamona, Lohiabada ese mase vadaeni taudia do ia hamauria lou.

ISAIA 66:24

“Bona unuseni dekena amo idia raka lao neganai, idia ese lau dekenai idia dagedage henia taudia edia mase tauanidia do idia itaia. Badina be biluga be do idia mase lasi, bona unai tauanidia ia gabua noho lahi be do ia bodo lasi. Bona taunimanima ibounai ese do idia itadia neganai, mai badu danu do idia lalodia.”

IEREMIA 20:11

To oi Lohiabada ese lau oi durua noho. Oi be goada bona mai oiemu siahu, bona unai taudia, lau idia hahisia noho taudia, be do idia moru. Hemarai bada do idia abia ela bona hanaihanai, badina be idia kwalimu diba lasi, bona unai hemarai be taunimanima ese, do idia laloaboio lasi ela bona hanaihanai.

ESEKIELA 37:12

Unai dainai lauegu bese taudia Israela dekenai do oi peroveta, do oi gwau lau Lohiabada Dirava ese edia guria gabudia do lau kehoa. Emui mase gabudia dekena amo umui do lau abia isi, murimuri dekenai do umui mai, bona emui tano korikori Israela dekenai umui do lau atoa lou.

HOSEA 13:14

Mase gabuna ena siahu dekena amo Israela taudia do lau veria mauri, a? Mase dekena amo idia do lau hamauria, a? Mase e, oiemu hisihisi be edeseni? Mase gabuna e, taunimanima hadikaia ena siahu do oi mailaia! Unai bese taudia totona, bogahisihisi do lau laloa lou lasi.

MATAIO 25:46

Unai dainai, idia be davana ia dika hanaihanai gabuna dekenai do idia lao. To kara maoromaoro taudia be mauri hanaihanai gabuna dekenai do idia lao.”

APOSETOLO EDIA KARA 24:15

“Lau be mai egu abidadama Dirava dekenai, inai lau idia samania taudia hegeregere. Aiemai abidadama be inai: Mase taudia dohore idia toreisi lou, kara maoromaoro taudia, bona kara maoromaoro lasi taudia danu.

APOSETOLO EDIA KARA 7:60

Bona ia tui diho, ia boiboi, ia gwau, “Lohiabada e, inai kara dika ena davana oi henidia lasi!” Unai bamona ia hereva, vadaeni ia mase.

ROMA 9:21

Uro karaia tauna ia siahu lasi, a, uro karaia tano do ia gaukaralaia iena ura hegeregerena? Bona bema ia ura neganai, uro rua do ia karaia raro tamona dekena amo. Uro ta be dina ibounai idia iusilaia gauna, ma ta be aria neganai sibona gauna.

1 TESALONIKA 4:14

Badina be ita abidadama henia gauna be inai: Iesu ia mase, ma ia toreisi lou. Unai dainai ita Keristani taudia ita mase neganai, ita danu do ita toreisi lou. Dirava ese ita do ia hamauria lou, vadaeni Iesu danu do ita noho.

APOKALUPO 20:12

Bona mase taudia, ladana bada taudia bona ladana maragi taudia be lau itaia, helai gabuna badana ena vairanai idia gini. Vadaeni Dirava ese buka haida ia kehoa, bona buka ma ta ia kehoa, mauri bukana. Bona mase taudia be Dirava ese ia kota henia, edia kara buka lalonai ia torea hegeregerena.