DANIELA 12:12 - Buka Helaga (Hiri Motu) 1993

¹² Do idia naria noho namonamo, ia lao bona dina 1335 idia ore taudia be moale bona namo do idia davaria.

DANIELA 12:12 Iomraidhean Croise

ISAIA 30:18

To momokani, Lohiabada ese umui ia rakatania lasi, umui totona ia naria noho, umui dekenai do ia bogahisihisi totona. Inai bamona ia karaia, badina iena kara be maoromaoro nega ibounai. Momokani, Lohiabada dekenai idia abidadama henia taudia ese namo do idia davaria!

ESEKIELA 4:6

“Unai oi karaia haorea neganai, oiemu ohena idibana dekenai do oi hekure, bona dina 40 lalonai Iuda edia dika davana totona do oi hisihisi. Badina be lagani 40 lalonai lau ese Iuda edia kerere davana do lau henidia.

DANIELA 8:14

Vadaeni unai aneru ia haere, ia gwau, “Ela bona dina 2,300 ia ore, unai neganai Dubu Helaga do idia hagoevaia lou.”

ROMA 11:15

Badina be ia ese Iuda taudia ia negea dainai, Dirava be tanobada bese ibounai danu ia maino karaia. Vadaeni Dirava ese Iuda taudia do ia abia lou neganai, be dahaka do ia vara? Mase dekena amo mauri do ia vara, ani?

APOKALUPO 11:2

Dubu helaga ena ariara, murimuri magu ese ia hagegea gauna, be do oi hahetoho karaia lasi. Badina unai gabu be Dirava diba lasi taudia edia. Idia ese hanua helagana dekenai do idia mai, edia aena dekena amo do idia moia, hua 42 lalonai.

APOKALUPO 12:6

Unai neganai unai hahine be taunimanima idia noho lasi gabuna dekenai ia heau lao, Dirava ese ia karaia hegaegae gabuna dekenai ia noho. Unuseni be dina 1260 lalonai unai hahine do idia ubua bona naria.

APOKALUPO 13:5

Dirava ese ia koua lasi dainai, unai dagedage gauna ese iena uduna dekenai Dirava hadikaia hereva momo herea ia gwauraia. Unai bamona siahu ia abia dainai, unai dagedage gauna ese tanobada ia gunalaia hua 42 lalonai. tanobada ia gunalaia hua 42 lalonai.

APOKALUPO 20:4

Inai murinai helai gabudia haida lau itaia, bona idia latanai helai taudia danu lau itaia. Unai taudia dekenai Dirava ese kota biaguna ena siahu ia henia. Bona taunimanima momo edia laumadia lau itaia. Inai taudia be edia kwaradia idia utua oho, badina be Iesu ena hereva momokani, bona Dirava ena hereva idia gwauraia dainai. Idia ese dagedage gauna o iena laulauna idia tomadiho henia lasi. Bona dagedage gauna ena maka edia baguna dekenai o edia imana dekenai, idia abia lasi. Idia be mase dekena amo idia mauri lou, vadaeni Keriso danu lohia siahu idia abia, ela bona lagani 1000 idia ore.