DANIELA 12:1 - Buka Helaga (Hiri Motu) 1993

¹ Ma dabua aukana ia karaia tauna ia gwau, “Unai neganai Mikaela do ia toreisi. Ia be lohia aneru badana, oiemu bese taudia ia gimaia tauna. Unai neganai nega dika bada herea do ia vara. Matamana negana ia mai bona hari ia lao bona unai nega, be nega dika ta unai bamona do ia vara lasi. Bona unai neganai, oiemu bese taudia ese mauri do idia davaria, Dirava ena buka lalonai edia ladana idia torea vadaeni taudia ibounai.

DANIELA 12:1 Iomraidhean Croise

SALAMO 56:8

Lohiabada e, egu laloa hekwarahi oi diba. Egu matana ena ranu be oiemu kavabu dekenai do oi udaia. Oiemu buka lalonai idia torea vadaeni, ani?

SALAMO 69:28

Edia ladana be mauri taudia edia buka, dekena amo do oi kokia, bona edia ladana be, kara maoromaoro taudia edia ladana danu do oi haboua lasi.

ISAIA 4:3

Siona dekenai do noho taudia, Ierusalema idia rakatania lasi taudia be helaga do idia gwauraidia. Taudia be unai, Dirava ese mauri totona ia abia hidi, bona edia ladadia ia torea vadaeni.

ISAIA 9:7

Iena King siahuna, be do ia bada daekau lao, bona iena basileia be nega ibounai, mai maino danu do ia noho. Ia ese Davida ena king siahuna do ia abia, bona ia ese Davida ena basileia, do ia haginia bona naria noho, mai kota maoromaorona, bona kara momokani danu, hari ela bona hanaihanai. Inai kara be Siahu Ibounai Lohiabada ese do ia karaia momokani.

IEREMIA 30:10

Lohiabada ma ia gwau, “Egu hesiai taudia, Iakobo besena, do umui gari lasi! Israela taudia e, do umui gari bada lasi! Lau ese daudau gabuna dekena amo, umui do lau hamauria momokani. Emui natudia danu edia hesiai mai guia danu, dekena amo do lau hamauridia. Umui be emui gabu korikori dekenai do umui giroa mai lou, bona maino dekenai do umui noho. Do umui noho namo, bona tau ta ese umui do ia hagaria lasi.

IEREMIA 30:7

Madi, unai dina be do ia dika bada momokani! Ia hegeregerena ta be do ia vara lasi. Unai dina be egu bese taudia, Iakobo, edia hisihisi dinana. To idia be unai hisihisi dekena amo do idia mauri.”

ESEKIELA 13:9

Lau Lohiabada Dirava ese umui peroveta taudia emui dika davana do lau henia, badina umui mata hanai koikoi, bona peroveta hereva momokani lasi umui gwauraia noho. Umui be egu bese taudia edia hebou badadia lalonai do umui vareai lasi, bona emui ladadia be Israela taudia korikori edia ladadia danu do idia torea lasi, bona umui ese emui tano Israela dekenai do umui giroa lou lasi. Unai neganai do umui diba lau be Lohiabada Dirava.

ESEKIELA 34:24

Lau Lohiabada, be edia Dirava do lau lao, bona lauegu hesiai tauna Davida bamona, be edia King do ia lao. Lau inai Lohiabada, lau hereva vadaeni.

ESEKIELA 5:9

Emui kara dikadia be dika rohoroho momokani dainai, lau ese Ierusalema dekenai nega gunana ta dekenai lau karaia lasi matakani, bona gabeai negana ta do lau karaia lou lasi matakani do lau henia.

DANIELA 10:13

“Parasa basileia ena aneru lohia badana ese dina 21 lalonai lauegu dala ia koua. Unai neganai Mikaela, aneru badana ta, ia mai, lau do ia durua totona, badina lau sibona idia rakatania, lau sibona be Parasa ena king dekenai lau noho.

DANIELA 10:21

Lau mai ena badina be, Hereva Momokani Bukana dekenai ia torea gauna ena anina do lau hamaoroa oi dekenai. To inai gaudia karaia totona lau ia durua tauna ta be lasi, Mikaela sibona ese lau ia durua, ia be oiemu lohia.”

DANIELA 11:45

Vadaeni davara badana ena kone, bona ororo helagana, Dubu Helaga ia noho gabuna edia huanai, unai Suria king ese iena palai ruma namo herea do ia haginia. Unai neganai iena mase negana do ia ginidae, bona tau ta ese do ia durua lasi.”

DANIELA 7:10

“Unai Tau ena terona dekena amo be lahi ia mai, sinavai ena ranu bamona ia heau lao. Taunimanima momo herea ese unai Tau ena hesiai gaukara idia karaia, bona milioni momo ese iena vairana dekenai idia gini. Kota badana ena nega ia ginidae, bona buka danu idia kehoa.

DANIELA 9:12

“Guna oi sisiba henia do oi karaia gaudia, be oi karaia vadaeni ai dekenai, bona aiemai lohia taudia dekenai. Ierusalema dekenai oi siaia panisi ese hanua ibounai idia davaria panisi ia hanaia momokani.

IOELA 2:2

Inai dina be do ia dibura momokani, bona ori korema momokani ese guba do idia koua. Inai be kwadi orea bada herea, tuari orea badana bamona idia mai noho. Edia toana be, dibura ese ororo ia koua noho bamona. Guna be inai bamona kara nega ta ia vara lasi, bona gabeai danu inai bamona kara, be do ia vara lou lasi.

MALAKI 3:16

Gabeai Lohiabada dekenai idia gari henia taudia ese idia ta ta dekenai idia herevahereva, bona Lohiabada ese edia hereva ia kamonai. Vadaeni Lohiabada ese guba dekenai oda ia gwauraia, bona buka ta lalonai be Lohiabada idia gari henia taudia, bona Lohiabada idia matauraia noho taudia edia ladana idia torea.

MATAIO 24:21

Badina be unai dinadia lalonai hisihisi bada herea do idia vara, Dirava ese tanobada ia karaia nega dekena amo hisihisi unai bamona idia vara lasi ia mai bona harihari, gabeai danu unai bamona ta do ia vara lou lasi.

MAREKO 13:19

Badina unai neganai be nega dika bada, idaunegai Dirava ese tanobada ia karaia ia mai bona harihari, dika unai bamona be lasi, gabeai danu dika unai bamona do ia vara lou lasi.

LUKA 10:20

Gau tamona, lauma dikadia ese umui dekenai idia kamonai henia, be do umui moalelaia lasi, to inai sibona mo do umui moalelaia: Umui emui ladana be guba dekenai ia torea vadaeni.”

ROMA 11:15

Badina be ia ese Iuda taudia ia negea dainai, Dirava be tanobada bese ibounai danu ia maino karaia. Vadaeni Dirava ese Iuda taudia do ia abia lou neganai, be dahaka do ia vara? Mase dekena amo mauri do ia vara, ani?

ROMA 11:26

Bona Dirava ese inai bamona dala dekenai Israela ibounai do ia hamauria, Buka Helaga ia torea hegeregerena, ia gwau: “Hamauria Tauna Siona lalona dekena amo do ia toreisi. Ia ese Iakobo bese taudia edia kara dika do ia kokia.

EFESO 1:21

Keriso ese guba ena lohia taudia ibounai, gunalaia taudia ibounai, gavana taudia ibounai, bona siahu taudia ibounai ia ese idia ia hereaia. Iena ladana ese danu, ladana ibounai inai tanobada mauri lalonai bona gabeai maurina lalonai danu ia hereaia momokani.

FILIPI 4:3

Oi danu, lauegu durua tauna namona e, inai hahine ruaosi oi durua be namo, badina idia ese lau danu idia gaukara hebou Sivarai Namona totona. Klemento bona lau danu idia gaukara hebou taudia haida danu ese lau idia durua. Idia edia ladana be Dirava ena mauri buka lalonai idia torea vadaeni.

IUDA 1:9

Gunaguna, Mikaela, aneru badana momokani be Satani danu idia hepapahuahu. Idia ruaosi, daika ese Mose ena tauanina do ia abia, idia hepapahuahulaia. Unai neganai Mikaela ia hekokoroku lasi, ia ese Satani ia gwau henia lasi. Inai bamona sibona ia hereva, ia gwau, “Lohiabada ese oi do ia gwau henia.”

APOKALUPO 1:5

bona Iesu Keriso dekena amo danu. Ia be Dirava ena hereva ia gwauraia maoromaoro tauna namona. Ia be mase dekena amo ia toreisi lou vara guna tauna. Ia be tanobada ena king ibounai edia biaguna. Ia ese ita ia lalokau henia, bona iena rarana dekena amo iseda kara dika ia huria ore vadaeni.

APOKALUPO 12:7

Vadaeni guba dekenai tuari ia vara. Mikaela mai ena aneru momo danu ese huala idia tuari henia. Huala mai ena aneru momo danu ese Mikaela idia tuari henia.

APOKALUPO 13:8

Tanobada noho taudia ibounai, edia ladana be mauri buka dekenai idia torea lasi taudia ese, unai dagedage gauna do idia tomadiho henia. Inai mauri buka be Mamoe ena Natuna ena. Tanobada ia do karaia lasi neganai, Dirava ia diba unai Mamoe ena Natuna be do idia alaia mase.

APOKALUPO 17:14

Idia ese Mamoe ena Natuna do idia tuari henia, to Mamoe ena Natuna be do ia kwalimu. Badina be inai: Ia be lohia ibounai edia Lohia, bona king ibounai edia King. Iena kwalimu, be Mamoe ena Natuna idia badinaia taudia, bona ia idia abidadama henia taudia ese danu do idia abia nega tamona, idia be ia ese ia abia hidi vadaeni taudia.”

APOKALUPO 20:12

Bona mase taudia, ladana bada taudia bona ladana maragi taudia be lau itaia, helai gabuna badana ena vairanai idia gini. Vadaeni Dirava ese buka haida ia kehoa, bona buka ma ta ia kehoa, mauri bukana. Bona mase taudia be Dirava ese ia kota henia, edia kara buka lalonai ia torea hegeregerena.

APOKALUPO 20:15

Bona bema tau ta ena ladana be mauri bukana lalonai ia torea lasi neganai, Kota Biaguna ese unai tau be lahi gohuna lalonai ia negea diho.

APOKALUPO 3:5

Kwalimu taudia ese dabua kurokuro unai bamona do idia karaia, bona edia ladana danu be mauri buka dekena amo do lau kokia lasi. To egu Tamana ena vairanai, bona iena aneru edia vairanai, edia ladana be do lau gwauraia.

APOKALUPO 7:14

Vadaeni lau haere, lau gwau, “Tau badana e, oi diba, to lau diba lasi.” Ma ia ese lau ia hamaoroa, ia gwau, “Inai taudia be dagedage taudia ese idia hisihisi henia bada herea. To unai dagedage idia hanaia vadaeni, mai mauri danu. Bona idia ese edia dabua idia huria vadaeni Mamoe ena Natuna ena rarana lalonai, vadaeni edia dabua be kurokuro bona goeva momokani.