DANIELA 11:4 - Buka Helaga (Hiri Motu) 1993

⁴ To iena siahu ia bada momokani neganai, iena basileia do ia parara, bona do idia haria kahana 4 dekenai, to iena natuna ese iena gabu do idia abia lasi. Iena gabu be haida ese do idia abia, to edia siahu be iena siahu danu do idia hegeregere lasi.

DANIELA 11:4 Iomraidhean Croise

SALAMO 39:6

Taunimanima idia loaloa noho, dina ena laulau sibona bamona. Edia hekwarahi bona edia gaukara be anina lasi. Idia ese kohu idia haboua, to idia diba lasi taudia ese unai kohu do idia abia.

HADIBAIA TAUNA 4:8

Tau ta be mai ena turana ta lasi, natuna ta lasi, tadikakana danu lasi. To ia ese iena hekwarahi ia hadokoa lasi, bona iena kohu ena bada be hegeregere lasi ia dekenai. Daika totona inai hekwarahi mai moale lasi ia karaia noho? Inai danu be anina lasi, bona mai ena lalohisihisi danu.

IEREMIA 12:15

Iuda taudia lau kokia murinai, lau ese idia dekenai ma do lau bogahisihisi henia lou. Bona lau ese unai basileia idauidau bona bese ta ta do lau mailaia lou, edia tano ta ta dekenai ma do idia noho.

IEREMIA 12:17

To bema basileia ta ese lau do ia kamonai henia lasi, lau ese unai basileia do lau kokia momokani, bona do lau hadikaia ore. Lau inai Lohiabada, lau hereva vadaeni.”

IEREMIA 18:7

Sedira nega ta lau ese bese ta, o basileia ta lau herevalaia, lau gwau do lau kokia, do lau makohia maragimaragi, o do lau hadikaia ore.

IEREMIA 31:40

Unai koura ibounai, mase taudia idia guria, bona momoru idia negea gabuna, bona Kiderona Sinavai maragina ena tano ia lao bona Hosi idia vareai Iduarana, dina ia daekau kahanai. Inai gabu ibounai be helaga, lau Lohiabada egu. Inai hanua be do idia veria diho lou lasi, bona do idia hadikaia lou lasi.”

IEREMIA 45:4

“To lau Lohiabada ese lau haginia vadaeni gauna lau veria diho noho, bona lau ese lau hadoa gauna be lau kokia noho. Inai bamona do lau karaia inai tano ena kahana ibounai dekenai.

IEREMIA 49:36

Bona lau ese lai ibounai 4 do lau hatoreisia, idia be guba ena kahana 4 dekena amo do idia toa, Elama do idia hadikaia. Inai lai ese Elama taudia do idia lulua lao gabu ibounai dekenai, bona Elama taudia be bese ibounai edia huanai do idia heau lao.

ESEKIELA 37:9

Dirava be lau dekenai ia hereva, ia gwau, “Tanobada tauna e, lai dekenai do oi peroveta, lai do oi hamaoroa, Lohiabada Dirava ese ia oda henia, kahana ibounai dekena amo do oi hodaia mai, inai mase turiadia dekenai do oi vareai, vadaeni mauri idia davaria.”

DANIELA 7:2

Daniela ia gwau, “Hanuaboi lalonai mata hanai dekena amo lau itaia, guba ena lai 4 idia toa goada herea, vadaeni davara ia hurehure bada.

DANIELA 7:6

“Lau itaia noho neganai boroma dagedage ma ta lau itaia. Iena toana be lepadi bamona. Iena doruna dekenai be hanina 4 idia noho, manu hanina bamona. Lepadi ena kwarana be 4. Siahu bada ia abia, do ia lohia totona.

DANIELA 7:8

“Lau itaia noho neganai, doa maragina ta be unai doa 10 edia huanai dekena amo ia tubu daekau. Inai doa maragina ese unai doa 10 dekena amo toi ia kokia oho. Unai doa maragina be mai ena matana, taunimanima ena matana bamona, bona mai ena uduna, bona inai uduna dekena amo hekokoroku herevadia ia gwauraia.

DANIELA 8:22

“Unai doa 4, doa ginigunana, mahokia gauna dekena amo idia tubu daekau gaudia be bese 4 edia toana, unai Helene basileia dekena amo do idia tubu daekau, to do idia goada lasi unai doa ginigunana bamona.

DANIELA 8:8

Unai nanigosi tau ia toreisi goada herea, to iena goada ia bada herea neganai, iena doana badana ia makohia. Makohia gabuna dekenai be doa badadia 4 idia tubu, ta ta be idau gabu idau gabu dekenai idia duduia lao.

SEKARAIA 2:6

Lohiabada ese iena bese taudia ia hamaoroa, ia gwau, “Guna lau ese umui lau lulua lao gabu idauidau dekenai. To hari, umui hesiai mai guia danu taudia e, Babulonia dekena amo do umui heau mauri, bona Ierusalema dekenai do umui giroa mai.

SEKARAIA 6:5

Aneru ia haere, “Inai hosi be guba ena lauma 4, idia be harihari sibona tanobada ena kahana ibounai ena Lohiabada idia rakatania, bona ia dekena amo idia mai noho inai.

MATAIO 12:25

Iesu be idia edia laloa ia diba, vadaeni ia gwau, “Basileia ta sibona bema ia hapararaia, orea ta ese orea ta idia heatu henia dainai, unai basileia do ia dika. Unai bamona danu hanua ta o iduhu ta sibona bema ia hapararaia, ia be do ia gini diba lasi.

LUKA 12:20

To Dirava ese ia hereva henia ia dekenai, ia gwau, ‘Kavakava tauna! Hari hanuaboi oiemu laumana oi dekena amo do lau kokia, vadaeni inai oi haboua kohudia be daika ese do ia abia?’

APOKALUPO 7:1

Vadaeni aneru 4 lau itaia, tanobada ena kona 4 dekenai idia gini. Idia ese lai 4 edia toa dalana idia koua. Vadaeni lai ta be tanobada dekenai, o davara dekenai ia toa lasi, o au ta ena rauna ia hamarerea lasi.