DANIELA 11:3 - Buka Helaga (Hiri Motu) 1993

³ “Unai neganai king goadana ta do ia toreisi. Iena siahu do ia bada herea momokani, bona iena ura hegeregere do ia karaia.

DANIELA 11:3 Iomraidhean Croise

DANIELA 11:16

Unai dainai unai Suria tuari taudia be edia ura hegeregere do idia karaia, unai tano taudia ese idia koudia diba lasi. Hairai bada herea tanona danu do idia abia, bona unai tano do idia biagua momokani.

DANIELA 11:36

“Unai Suria king ese iena ura hegeregere do ia karaia. Sibona do ia habadaia dikadika, do ia gwau ia ese dirava ibounai ia hereaia. Ia ese dirava ibounai edia Dirava dekenai danu do ia hereva dika momo. Unai bamona ia karaia lao diba, ela bona unai nega, Dirava ese ia gwauraia vadaeni negana. Badina be Dirava ese ia gwauraia gaudia be do idia vara.

DANIELA 4:35

Inai tanobada besedia ibounai, be gau ta lasi bamona Dirava ena vairanai. Guba ena aneru orea ibounai, be iena siahu henunai idia noho, bona tanobada taudia danu be unai bamona. Tau ta ese Dirava ena kara ia koua diba lasi, o inai bamona ia hereva henia diba lasi, ‘Oi be dahaka oi karaia?’

DANIELA 5:19

“Unai mataurai ia henia dainai bese bona gado ibounai taudia ese oiemu tamana dekenai idia gari henia, bona iena vairana dekenai idia heudeheude. Bema ia ura tau ta ia alaia, be ia alaia, bema ia ura tau ta ia mauri noho, be ia ese dala ia karaia. Iena ura hegeregere ia ese tau ta ia abia isi, o tau ta ia atoa diho.

DANIELA 7:6

“Lau itaia noho neganai boroma dagedage ma ta lau itaia. Iena toana be lepadi bamona. Iena doruna dekenai be hanina 4 idia noho, manu hanina bamona. Lepadi ena kwarana be 4. Siahu bada ia abia, do ia lohia totona.

DANIELA 8:21

“Unai nanigosi tau be Helene basileia ena toana, bona unai doa badana iena matana rua huanai ia noho gauna be Helene ena king ginigunana ena toana.

EFESO 1:11

Gau ibounai be Dirava ese ia karaia, iena palani hegeregerena. Bona ia ese ai Iuda taudia ia abia hidi, iena bese korikori do ai lao, bona Keriso danu do ai hakapua. Inai be Dirava ena palani, tanobada ia karaia hamatamaia neganai ia laloa gauna.

HEBERU 2:4

Dirava ese danu hoa bona toa karadia dekena amo inai hamauria ia hamomokania. Ia ese siahu karadia idauidau ia hedinaraia, bona Lauma Helaga ena harihari gaudia, be abidadama taudia dekenai Dirava ese ia henia, iena ura hegeregerena.

IAMESI 1:18

Ia sibona ena ura dainai, Dirava ese iena hereva momokani dekena amo, ita dekenai mauri matamata ia henia, vadaeni iena vara guna natuna taudia ita lao. Momokani, Dirava ia karaia taudia ibounai edia huanai, ita be iena vara guna natuna taudia.