DANIELA 11:10 - Buka Helaga (Hiri Motu) 1993

¹⁰ “To Suria king ena natuna tau do idia toreisi, do idia hegaegae tuari totona, tuari orea bada herea do idia haboua. Do idia toreisi, bona abata badana bamona do idia lao Aigupito king ena tuari maguna dekenai do idia vareai.

DANIELA 11:10 Iomraidhean Croise

ISAIA 25:12

Lohiabada ese Moaba ena magu aukadia, bona gabu aukadia danu do ia hadikaia ore. Idia be tano ena kahu dekenai do idia moru diho.

IEREMIA 51:42

Tuari be davara bada bamona, ia daekau mai, iena hurehure ese, Babulonia idia koua momokani vadaeni.

DANIELA 11:22

Ia ese tuari orea momo dekenai do ia tuari henidia, bona abata bamona do ia haoredia momokani, gwauhamata taravatuna ena lohia ta danu do ia hadikaia momokani.

DANIELA 11:26

Sibona ena orea taudia, ia danu idia aniani hebou taudia ese edia sisiba dikadia dekena amo Aigupito king do idia hadikaia momokani. Iena tuari taudia momo herea do idia mase, bona iena tuari orea do idia haorea.

DANIELA 11:7

Unai neganai unai hahine ena varavara ta be Aigupito king dagi do ia abia, do ia toreisi, Suria ena king ena tuari magu goadana dekenai do ia vareai, do ia tuari henia, bona do ia kwalimu, Suria besena do idia lusi.

DANIELA 11:9

Vadaeni Suria ena king do ia lao, Aigupito ena king ena tano dekenai do ia tuari henia, to tuari ia auka dainai, do ia giroa lou iena tano dekenai.

DANIELA 9:26

“Unai nega ena dokona dekenai be idia ese Mesia do idia hamasea, to iena kerere dainai lasi, bona idau bese ena lohia ta ena taudia do idia mai, unai hanua bona Dubu Helaga do idia hamakohia. Unai gau ibounai edia dokona be abata bamona, tuari do ia vara, bona gau ibounai do idia dika.