DANIELA 10:8 - Buka Helaga (Hiri Motu) 1993

⁸ Vadaeni lau sibona lau gini noho, ma inai mata hanai hoa gauna lau itaia neganai egu goada ia ore. Lauegu vairana ena toana be ia idau momokani, tau ta ia diba lasi inai be lau, bona egu goada ia ore momokani.

DANIELA 10:8 Iomraidhean Croise

GENESE 32:31

Vadaeni daba ia rere neganai, Iakobo ese Peniela ia rakatania, to ia raka namonamo lasi, badina iena mamuna be ia dika.

ESODO 3:3

Vadaeni Mose ia gwau, “Do lau raka siri, inai kara be ia idau, dohore lau itaia, au ginigini be edena bamona lahi ese ia gabua ore lasi.”

DANIELA 10:16

Vadaeni unai tau, iena toana be taunimanima edia toana bamona ese iena imana ia atoa egu uduna bibina dekenai. Vadaeni lauegu uduna lau kehoa, bona lau hereva. Lauegu vairana dekenai ia gini tauna dekenai lau hereva, lau gwau, “Lohiabada e, inai mata hanai lau itaia dainai lau manoka momokani, bona lau gari dikadika noho.

DANIELA 10:17

Lau be hesiai tauna, iena biaguna vairanai ia gini bamona. Edena bamona lau hereva diba oi dekenai? Lauegu goada ia ore momokani, bona lauegu laga ia doko danu.”

DANIELA 7:28

“Hereva ena dokona be inai. Lau, Daniela, gari bada ese lau ia abia dainai, lauegu vairana ena toana ia idau, to egu lalona dekenai inai hereva lau dogoatao noho.”

DANIELA 8:27

Vadaeni lau Daniela, gari dainai lau mase bamona, bona lau gorere dina haida. Gabeai lau toreisi, vadaeni king ese lau ia henia gaukara ma lau karaia lou. Unai mata hanai dekenai lau hoa, mai laloa daradara danu, to iena anina be lau davaria lasi.

DANIELA 8:7

Lau itaia unai nanigosi tau ese mamoe ia heatu henia. Ia dagedage henia dikadika dainai ia heau henia, vadaeni mamoe tau ena doana rua ia hamakohia. Mamoe tau be ia goada lasi do ia koua, bona durua tauna ta be lasi. Vadaeni mamoe tau be tano dekenai ia moru, vadaeni nanigosi tau ese ia moia dikadika.

HABAKUKU 3:16

Inai kara ibounai lau kamonai, vadaeni lau heudeheude. Lauegu uduna bibinadia be gari dainai, idia marere kava noho. Lauegu tauanina be ia manoka lao, bona egu aena be mai hekwarahi danu idia marere. To lau diba Dirava be do ia mai, ai idia hadikaia taudia do ia panisia. Unai dainai lau be unai dina do lau naria, mai egu laloa hekwarahi lasi.

MATAIO 17:6

Diba tahua taudia idia kamonai, vadaeni edia vairana idia atoa diho, idia gari dikadika dainai.

MAREKO 9:6

Ia hereva namonamo diba lasi, badina idia gari dikadika.

IOANE 16:32

Umui kamonai, negana do ia mai, oibe, ia ginidae vadaeni, umui ibounai do umui heau idau gabu idau gabu, lau do umui rakatania, umui ta ta emu gabu dekenai do umui lao. Vadaeni lau be sibona do lau noho. To lau sibona do lau noho lasi, badina Tamana be lau dekenai ia noho.

2 KORINTO 12:7

Inai hereva, Dirava ese lau dekenai ia hedinaraia, be gau bada herea momokani. Inai lau itaia gaudia dainai do lau hekokoroku garina, Dirava ese ginigini ta, Satani ena hesiai tauna bamona, lau dekenai ia henia. Inai ginigini ia henia be lauegu kopina do ia gwadaia totona, do lau hekokoroku garina.

APOKALUPO 1:17

Lau itaia neganai, iena aena badinai lau moru diho, lau be mase tauna bamona. To ia ese iena imana idibana lau dekenai ia atoa, ia gwau, “Oi gari lasi. Lau be ginigunana momokani, bona dokona momokani.