DANIELA 10:16 - Buka Helaga (Hiri Motu) 1993

¹⁶ Vadaeni unai tau, iena toana be taunimanima edia toana bamona ese iena imana ia atoa egu uduna bibina dekenai. Vadaeni lauegu uduna lau kehoa, bona lau hereva. Lauegu vairana dekenai ia gini tauna dekenai lau hereva, lau gwau, “Lohiabada e, inai mata hanai lau itaia dainai lau manoka momokani, bona lau gari dikadika noho.

DANIELA 10:16 Iomraidhean Croise

ESODO 4:10

Mose ese Lohiabada dekenai ia hereva lou, ia gwau, “Lauegu Lohiabada e, lau be hereva dekenai egu malana be ia haraga lasi, guna ia mai bona harihari lau dekenai oi hereva neganai danu. Badina lau be hereva goada lasi tauna, egu malana danu ia haraga lasi, hereva dekenai danu lau daradara.”

ESODO 4:13

To Mose ia gwau, “Egu Lohiabada e, mani emu kara idau tauna ta do oi siaia.”

HADIBAIA TAUNA 1:18

Badina be aonega bada ena lalonai, laloa hekwarahi danu be bada, bona laloa kehoa ia habadaia noho tauna ese, lalohisihisi danu ia habadaia noho.

ISAIA 6:7

Vadaeni egu uduna bibina dekenai inai gida ia atoa, ia kamokau, bona ia gwau, “Kamonai, inai gida be oiemu uduna bibina ia kamokau dainai, oiemu kerere be ia ore, bona oiemu kara dika be Dirava ese ia gwauatao vadaeni.”

IEREMIA 1:9

Unai neganai Lohiabada ese iena imana lauegu uduna dekenai ia atoa, ia gwau, “Kamonai! Lau ese egu hereva oiemu uduna dekenai lau atoa inai.

ESEKIELA 1:26

Unai edia kwarana edia ataiai habubua uro badana bamona gauna ena ataiai be gau ta, helai gauna ta bamona. Iena toana be nadi namo herea ena ladana sapairo bamona. Bona unai helai gauna latanai be gau ta lau itaia, iena toana be taunimanima ta, ia helai diho.

ESEKIELA 3:27

“To nega ta ta lau ese oi dekenai egu hereva do lau henia, bona do lau ura oi ese inai hereva taunimanima dekenai do oi gwauraia. Unai negadia dekenai, lau ese oiemu uduna do lau kehoa, vadaeni oi be taunimanima dekenai do oi gwau: ‘Lohiabada Dirava ese inai bamona ia hereva.’ Idia haida ese do idia kamonai henia, to haida be do idia kamonai henia lasi momokani, badina idia be dagedage besena.”

ESEKIELA 33:22

Heau mauri tauna be do ia ginidae lasi neganai, unai adorahi dekenai Lohiabada ena siahu be egu latanai ia mai, bona unai siahu ena mamina lau abia. Kerukeru dabai, unai tau ia ginidae neganai, Lohiabada ese egu gadona ia hanamoa, bona hereva dalana ia henia lou lau dekenai.

DANIELA 12:8

Ia gwauraia herevana lau kamonai, to unai hereva ena anina be lau diba lasi. Unai dainai lau nanadaia, “Lauegu lohia e, inai gaudia dekena amo be dahaka do ia vara?”

DANIELA 4:19

Vadaeni Daniela, iena ladana ta be Belitisasa, be hoa bamona ia noho hora ta, bona ia laloa momo danu. Gabeai king ese ia hereva henia, ia gwau, “Belitisasa e, inai nihi bona ena anina dekenai oi gari lasi.” Belitisasa ia haere, ia gwau, “King badana e, inai nihi bona ena anina be oi dekenai idia tuari taudia dekenai ia lao be namo. Oi dekenai ia lao be dika.

DANIELA 7:15

“Unai mata hanai, lau itaia gauna dekenai lau hoa bona lau laloa hekwarahi dikadika.

DANIELA 7:28

“Hereva ena dokona be inai. Lau, Daniela, gari bada ese lau ia abia dainai, lauegu vairana ena toana ia idau, to egu lalona dekenai inai hereva lau dogoatao noho.”

DANIELA 8:15

Lau, Daniela, unai mata hanai ena anina lau tahua noho neganai, ta ese iena toana be taunimanima bamona, be lauegu vairana dekenai ia gini.

DANIELA 8:17

Gaberiela ia mai, lauegu badinai ia gini. Lau gari dikadika dainai lau moru diho tano dekenai. Ia hereva lau dekenai, ia gwau, “Oi be taunimanima sibona, to unai mata hanai ena anina do oi laloa namonamo. Unai be dokona neganai do ia vara gaudia ia herevalaia.”

DANIELA 8:18

Unai bamona ia hereva neganai, lau be tano dekenai lau moru, lau mase bamona. To ia ese iena imana ia atoa, lau ia abia isi, lau gini.

DANIELA 8:27

Vadaeni lau Daniela, gari dainai lau mase bamona, bona lau gorere dina haida. Gabeai lau toreisi, vadaeni king ese lau ia henia gaukara ma lau karaia lou. Unai mata hanai dekenai lau hoa, mai laloa daradara danu, to iena anina be lau davaria lasi.

DANIELA 9:21

Lau guriguri noho neganai, unai tau Gaberiela, mata hanai ginigunana dekenai lau itaia tauna, lau noho gabuna dekenai ia roho diho mai. Unai be adorahi kahanai boubou gauna idia karaia ena hora lalonai lau dekenai ia mai.

LUKA 1:64

Unai neganai, Sekaraia ena uduna ia kehoa, iena malana danu ia maoro, vadaeni ia hereva, Dirava dekenai ia hanamoa.

LUKA 21:15

Badina be lau ese hereva bona aonega do lau henia umui dekenai. Vadaeni umui dekenai badu henia taudia ibounai be do idia hegeregere lasi emui hereva do idia koua.

IOANE 20:28

Toma ese ia haere henia, ia gwau, “Egu Lohiabada! Egu Dirava!”

IOSUA 5:14

Ia be ia haere, ia gwau, “Lasi, lau be Lohiabada ena tuari oreana gunalaia totona lau mai inai.” Vadaeni Iosua be tau ena vairana dekenai ia tui diho, iena vairana be tano dekenai ia atoa, ia gwau, “Lohia e, lau be oiemu hesiai tauna, oi ura be dahaka do lau karaia?”

APOKALUPO 1:13

Lamepa edia huanai tau ta ia gini, iena toana be Taunimanima ena Natuna bamona. Iena dabua be lata, ela bona iena aena dekenai, bona iena kemena be golo beleta ese ia hagegea.

GUNALAIA TAUDIA 13:8

Vadaeni Manoa ese Lohiabada dekenai ia guriguri, ia gwau, “Lohiabada e, oi dekenai lau noinoi, mani emu kara, hari oi siaia tauna, ma do oi siaia mai lou, ia ese ai ma do ia hadibaia. Badina ai ura diba, inai mero ia vara neganai, ia dekenai dahaka do ai karaia.”

GUNALAIA TAUDIA 6:13

Gideona ese ia haere henia, ia gwau, “Lauegu lohia e, bema Lohiabada be ai dekenai ia noho, edena bamona inai kerere ibounai ai dekenai idia vara? Unai hoa karadia, Lohiabada ese gunaguna ia karaia, sene taudia ese ai idia hamaorolaia gaudia be edeseni? Idia gwau, ‘Lohiabada ese Aigupito dekena amo ai ia hakaua mai!’ To harihari Lohiabada ese ai ia rakatania vadaeni, Midiana taudia edia siahu henunai ai ia atoa vadaeni.”

GUNALAIA TAUDIA 6:15

Gideona be ia haere, ia gwau, “To lohia e, Israela be edena bamona do lau hamauria? Oi itaia, lauegu bese be ogogami herea, Manase iduhu dekenai, bona lau danu be maragi herea, egu famili lalonai.”