DANIELA 1:9 - Buka Helaga (Hiri Motu) 1993

⁹ Dirava ese lalo namo ia henia Asipenasa dekenai, vadaeni ia ese Daniela dekenai ia bogahisihisi henia.

DANIELA 1:9 Iomraidhean Croise

GENESE 32:28

Inai Tau ma ia gwau, “Harihari ia lao bona hanaihanai oiemu ladana be Iakobo lasi, oiemu ladana be Israela, badina be Dirava danu bona taunimanima danu oi rosia helulu, daika do ia kwalimu totona, bona oi ese oi kwalimu vadaeni.”

GENESE 39:21

Lohiabada ese Iosepa dekenai ia itaia noho, ia bogahisihisi henia, unai dainai dibura ruma naria tauna be Iosepa dekenai ia moale.

1 KING TAUDIA 8:50

Edia kara dika bona edia kerere do oi gwauatao, bona idia do oi bogahisihisi henia, idia guia taudia edia vairana dekenai. Vadaeni idia guidia taudia ese danu do idia bogahisihisi henia.

NEHEMIA 1:11

Lohiabada e, mani emu kara lauegu guriguri do oi kamonai, oiemu hesiai taudia, oi dekenai idia mataurai henia taudia, edia guriguri danu do oi kamonai. Hari dina dekenai lau dekenai kwalimu do oi henia. King Aratasaseta ena lalona do oi veria, vadaeni ia ese lau dekenai bogahisihisi do ia henia.” Madi, unai dinadia neganai, lau be king Aratasaseta ena uaina kapusi naria tauna.

NEHEMIA 2:4

Vadaeni king ese lau ia nanadaia, ia gwau, “Oiemu noinoi be dahaka?” Unai dainai lau be Guba ena Dirava dekenai lau guriguri.

ESETA 2:9

Inai Eseta ese Hegai ena lalona ia hamoalea, vadaeni Hegai ese Eseta do ia durua totona dahua muramura ia henia haraga. Aniani namona momokani danu Eseta dekenai ia henia, bona hesiai kekeni ibounai 7, king ena ruma kekeni edia huana dekena amo ia abia hidi, bona Eseta dekenai ia henia. Vadaeni Eseta bona iena hesiai kekeni be gabu namo herea Hegai ese ia henidia, hahine edia ruma lalonai.

IOBU 5:15

To Dirava ese ogogami taudia, be mase dekena amo ia hamauria. Ia ese ogogami taudia, be siahu dika taudia dekena amo ia hamauria.

IOBU 5:16

Unai dainai ogogami taudia, be Dirava ese edia dala ia kehoa, bona ia ese kerere taudia edia uduna ia koua.

SALAMO 106:46

Ia ese idia dagedage henidia taudia edia lalodia dekenai, bogahisihisi kara ia havaraia, vadaeni unai Israela taudia idia guia vadaeni taudia ese, Israela taudia dekenai idia bogahisihisi henia.

SALAMO 4:3

Do umui laloa, Lohiabada ese kara maoromaoro taudia, be ia abia hidi vadaeni, iena. Bona lau ese lau boiboi henia neganai, ia ese lau dekenai ia kamonai henia.

AONEGA HEREVADIA 16:7

Bema oiemu kara ese Lohiabada idia hamoalea noho neganai, oi idia hadikaia gwauraia taudia, be Lohiabada ese oiemu turana do ia halaoa.

DANIELA 1:10

To Asipenasa ese Daniela ia hereva henia, ia gwau, “Lau be king dekenai lau gari noho. Unai aniani be ia ese ia gwauraia, bema ia ese ia itaia oiemu tauanina ia namo lasi, to unai uhau haida edia tauanina be namo herea, ia ese lauegu kwarana do ia utua oho momokani.”

APOSETOLO EDIA KARA 7:10

Bona Dirava ese Iosepa ena hisihisi ibounai dekena amo ia hamauria, bona toana namo bona aonega Iosepa dekenai ia henia, Farao, Aigupito ena king ena vairanai. Vadaeni Farao ese Iosepa dekenai siahu ia henia, ia be Aigupito ena gavana badana, bona Farao ena ruma taudia edia lohia.