DANIELA 1:8 - Buka Helaga (Hiri Motu) 1993

⁸ To Daniela ese ia laloa inai king ena aniani bona uaina be do ia ania bona inua lasi. Unai dainai ia ese Asipenasa, hesiai tauna badana, ia noia, maoro do ia henia, aniani idauna do idia ania totona.

DANIELA 1:8 Iomraidhean Croise

1 KING TAUDIA 5:5

Lohiabada ese lauegu tamana Davida dekenai ia gwauhamata, ia gwau, ‘Oiemu natuna, oiemu gabuna dekenai king dagi do ia abia tauna ese lauegu Dubu ta do ia haginia.’ Unai dainai hari lau laloa unai Dubu do lau haginia, ia lalonai Lohiabada, lauegu Dirava do idia tomadiho henia totona.

SALAMO 106:28

Bona Peoro dekenai, Dirava ena bese taudia ese Bala dirava idia tomadiho henia, unai mauri lasi dirava dekenai idia henia boubou vamu idia ania.

SALAMO 119:106

Lau ese lau gwauhamata vadaeni, oiemu hadibaia hereva maoromaorona do lau badinaia, vadaeni inai gwauhamata do lau makohia lasi momokani.

SALAMO 119:115

Umui kara dika taudia e, lau dekena amo do umui raka siri, badina lau ese Dirava ena taravatu lau ura badinaia.

SALAMO 141:4

Lau do oi durua, vadaeni do lau ura lasi kara dika do lau karaia, bona lau do oi naria, vadaeni kara dika taudia danu do lau haboua lasi, kara dika karaia totona. Edia aniani pata dekena amo lau do oi hakaua siri.

AONEGA HEREVADIA 23:3

King ena aniani namodia do oi ura dikadika lasi, unai aniani ese oi do ia koia, bona king ia ura lasi kara do oi karaia garina.

DANIELA 1:5

King ese unai uhau taudia do idia ania gaudia ia gwauraia. Ia gwau king ese ia ania gaudia be do idia ania, bona king ia inua uaina danu do idia inua. Lagani toi lalonai, gaukara dalana do idia hadibadia, unai murinai king ena gaukara do idia karaia.

DANIELA 5:4

Uaina idia inua noho neganai, edia dirava, golo bona siliva bona auri labora bona auri bona au bona nadi dekenai idia karaia gaudia idia hanamoa noho.

APOSETOLO EDIA KARA 11:23

Banaba ia ginidae neganai, Dirava ena hariharibada ia itaia, bona ia moale bada, bona ibounai dekenai ia hereva goada, idia ese mai edia kudouna ibounai Lohiabada do idia badinaia.

APOSETOLO EDIA KARA 15:20

To namo, revareva idia dekenai ita torea, bona inai bamona do ita hamaoroa: Kaivakuku dekenai henia aniani, Dirava ena vairanai idia miro gaudia, do idia ania lasi. Heudahanai karadia do idia karaia lasi. Aiona idia gigia gaudia edia hidio, bona rara danu do idia ania lasi.

1 KORINTO 7:37

To bema tau ta ese iena lalona ia auka, bona ia laloa do ia headava lasi be namo, bona bema ia be mai ena goada iena ura do ia biagua, vadaeni ia ese unai kekeni ia adavaia lasi danu be namo.

2 KORINTO 9:7

Umui ta ta, sibona emui laloa, emui laloa hegeregerena do umui henia, mai maumau danu henia lasi, bona oda dainai lasi. Badina be mai moale danu ia henia tauna be Dirava ese ia lalokau henia noho.

DEUTERONOMI 32:38

Emui boubou edia digara dekena amo umui ubudia, bona emui inua boubou uaina idia inua, ani? Namo, idia be do idia toreisi, bona umui do idia durua, a? Harihari idia ese umui do idia hamauria, a?