DANIELA 1:5 - Buka Helaga (Hiri Motu) 1993

⁵ King ese unai uhau taudia do idia ania gaudia ia gwauraia. Ia gwau king ese ia ania gaudia be do idia ania, bona king ia inua uaina danu do idia inua. Lagani toi lalonai, gaukara dalana do idia hadibadia, unai murinai king ena gaukara do idia karaia.

DANIELA 1:5 Iomraidhean Croise

GENESE 41:46

Iosepa ena mauri lagani ibounai be 30, Farao, Aigupito ena king ena hesiai gaukara ia hamatamaia neganai. Vadaeni Iosepa ese Farao ia rakatania, Aigupito ena tano ibounai dekenai ia itaia loaloa.

1 KING TAUDIA 10:8

Oiemu adavana taudia be momokani idia moale bada, ani? Bona oiemu hesiai taudia be laki, ani? Idia be nega ibounai oiemu vairana dekenai idia gini, bona oiemu aonega hereva idia kamonai noho, ani?

2 KING TAUDIA 25:30

Bona Babulonia ena king ese dina ta ta Iehoikini ena mauri dinadia ibounai lalonai, moni ia henia, iena ura gaudia do idia hegeregere totona.

2 SIVARAI 9:7

Oiemu hesiai taudia be dahaka moale! Oiemu opesa taudia, dina ibounai oiemu vairanai idia gini, bona oiemu aonega hereva idia kamonai noho, be idia laki bada, ani?

AONEGA HEREVADIA 23:3

King ena aniani namodia do oi ura dikadika lasi, unai aniani ese oi do ia koia, bona king ia ura lasi kara do oi karaia garina.

IEREMIA 15:19

Vadaeni Lohiabada ese lau dekenai ia haere, ia gwau, “Bema oiemu lalona oi giroa, bona lau dekenai oi giroa mai neganai, lau ese oi do lau abia dae lou, bona oi ese lauegu gaukara do oi karaia lou. Bema hereva kava do oi hadokoa, bona hereva mai anina momokani do oi gwauraia neganai, oi be lauegu peroveta tauna do oi lao lou. Taunimanima be oi dekenai do idia giroa lou, to oi ese idia do oi tahua lao lasi.

DANIELA 1:19

King ese idia ibounai danu ia herevahereva, bona ia davaria Daniela, bona Hananaia, bona Misaela, bona Asaraia edia aonega ese unai taudia ibounai edia aonega ia hereaia. Unai dainai king durua gaukara be idia ese idia abia.

DANIELA 1:8

To Daniela ese ia laloa inai king ena aniani bona uaina be do ia ania bona inua lasi. Unai dainai ia ese Asipenasa, hesiai tauna badana, ia noia, maoro do ia henia, aniani idauna do idia ania totona.

MATAIO 6:11

Hari dina aiemai aniani mani oi henia ai dekenai.

LUKA 1:19

Aneru ia haere, ia gwau, “Lau be Gabriela, lau be Dirava ena vairana dekenai lau gini. Dirava ese lau ia siaia, oi dekenai lau hereva, bona oi dekenai inai sivarai namona lau hamaoroa totona.

LUKA 11:3

Dina ta ta ibounai aiemai aniani do oi henia ai dekenai.

LUKA 21:36

Unai dainai, do umui naria, bona nega ibounai do umui guriguri, vadaeni inai dika ibounai dekena amo do umui heau mauri, vadaeni Taunimanima ena Natuna ena vairana dekenai do umui gini.”

1 SAMUELA 16:22

Vadaeni Saulo ese Iese dekenai hereva ia siaia, ia gwau, “Davida be lau dekenai do ia noho, hesiai gaukara do ia karaia, badina be lau ura henia.”