DANIELA 1:19 - Buka Helaga (Hiri Motu) 1993

¹⁹ King ese idia ibounai danu ia herevahereva, bona ia davaria Daniela, bona Hananaia, bona Misaela, bona Asaraia edia aonega ese unai taudia ibounai edia aonega ia hereaia. Unai dainai king durua gaukara be idia ese idia abia.

DANIELA 1:19 Iomraidhean Croise

GENESE 41:46

Iosepa ena mauri lagani ibounai be 30, Farao, Aigupito ena king ena hesiai gaukara ia hamatamaia neganai. Vadaeni Iosepa ese Farao ia rakatania, Aigupito ena tano ibounai dekenai ia itaia loaloa.

1 KING TAUDIA 17:1

Elia, Tisebe tauna, be peroveta tauna ta, Gileada dekenai ia noho, bona ia ese Ahaba dekenai ia hereva, ia gwau, “Lohiabada, Israela ena Mauri Diravana ena ladana dekenai, lau ese oi lau hamaoroa inai, paripari bona medu be do ia diho lasi, lagani rua o toi, ela bona ma lau hereva. Lau ese Lohiabada ena hesiai gaukara lau karaia noho.”

AONEGA HEREVADIA 22:29

Iena gaukara ia karaia namonamo tauna oi itaia noho, a? Ia ese taunimanima momo ia hereaia noho, bona ia ese king taudia edia vairana dekenai do ia gini.

IEREMIA 15:19

Vadaeni Lohiabada ese lau dekenai ia haere, ia gwau, “Bema oiemu lalona oi giroa, bona lau dekenai oi giroa mai neganai, lau ese oi do lau abia dae lou, bona oi ese lauegu gaukara do oi karaia lou. Bema hereva kava do oi hadokoa, bona hereva mai anina momokani do oi gwauraia neganai, oi be lauegu peroveta tauna do oi lao lou. Taunimanima be oi dekenai do idia giroa lou, to oi ese idia do oi tahua lao lasi.

DANIELA 1:18

King ia gwauraia hegeregerena, lagani toi idia ore neganai, Asipenasa ese unai uhau taudia ibounai ia hakaua lao king ena vairanai.

DANIELA 1:4

Edia kopina be do ia namo, bona edia tauanina, bona edia toana be do idia dika lasi momokani. Idia be diba momo taudia, bona aonega davaria haraga diba taudia, vadaeni king ena ruma badana dekenai do idia gaukara.” Ma king Nebukanesa ese Asipenasa ia hamaoroa ia ese Babulonia gado be unai uhau dekenai do ia hadibaia.

DANIELA 1:5

King ese unai uhau taudia do idia ania gaudia ia gwauraia. Ia gwau king ese ia ania gaudia be do idia ania, bona king ia inua uaina danu do idia inua. Lagani toi lalonai, gaukara dalana do idia hadibadia, unai murinai king ena gaukara do idia karaia.

DANIELA 1:6

Hesiai tauna badana ese ia abia hidi taudia haida be inai: Daniela, bona Hananaia, bona Misaela, bona Asaraia. Idia ibounai be Iuda ena iduhu taudia.

DANIELA 1:7

Hesiai tauna badana ese idia ta ta dekenai ladana matamata ia henia, ladana inai, Belitisasa, Sataraka, Misaka bona Abetenigo.

DANIELA 2:13

Vadaeni unai hereva idia siaia lao, unai aonega taudia ibounai be do idia alaia mase. Unai be Daniela bona iena turana toi danu.

DANIELA 3:29

“Unai dainai oda hereva lau atoa inai: Bema bese ta, o basileia ta, o gado ta taudia ese hereva ta idia gwauraia kerere Sataraka, Misaka bona Abetenigo edia Dirava dekenai, edia tauanina do idia utua, bona edia ruma be momoru do idia halaoa, badina idau dirava ta ese inai bamona ia hamauria diba lasi.”