DANIELA 1:17 - Buka Helaga (Hiri Motu) 1993

¹⁷ Dirava ese unai taudia 4 dekenai aonega namona ia henia, bona aonega davaria dalana danu idia diba momokani. Ma Daniela dekenai Dirava ese aonega ia henia, vadaeni mata hanai bona nihi edia anina ia gwauraia diba.

DANIELA 1:17 Iomraidhean Croise

1 KING TAUDIA 3:12

Unai dainai lau ese oiemu noinoi hegeregere do lau karaia. Lau ese aonega bona diba bada oi dekenai do lau henia. Tau ta be oi hegeregere ia hedinarai lasi guna, bona oiemu mauri dinadia murinai danu be tau ta oi hegeregere do ia hedinarai lasi.

1 KING TAUDIA 3:28

Solomona ena kota biaguna gaukara Israela taudia idia kamonai neganai, idia ese king idia matauraia bada. Idia diba Dirava ese iena aonega be Solomona dekenai ia henia, hepapahuahu do ia hamaoromaoroa namonamo totona.

2 SIVARAI 1:10

Unai dainai mani emu kara, aonega bona diba lau dekenai do oi henia, oiemu bese taudia do lau biagua mai maoromaoro danu totona. Bema lau oi durua lasi neganai, edena bamona inai oiemu orea bada herea, do lau gunalaia diba?”

2 SIVARAI 1:12

Unai dainai aonega bona diba bada be oi dekenai do lau henia. Ma danu lau ese kohu momo, bona taunimanima edia mataurai be oi dekenai do lau henia. Momokani lau gwau, king ta lasi, oi do vara lasi negana king ta, o oiemu murinai do ia vara king ta, ese do oi abia kohu bona mataurai hegeregerena do ia davaria diba lasi.”

2 SIVARAI 26:5

Usaia ese Sekaraia ena nega lalonai Lohiabada ia tahua hamatamaia. Sekaraia ese Dirava gari henia dalana be Usaia dekenai ia hadibaia. Bona Usaia ese Lohiabada ia tahua negadia ibounai lalonai, Dirava ese ia durua, bona iena mauri ia hanamoa.

IOBU 32:8

To Siahu Ibounai Dirava ena Lauma, be taunimanima dekenai ia mai, bona aonega ia henia noho idia dekenai.

AONEGA HEREVADIA 2:6

Badina be Lohiabada ese aonega, be oi dekenai ia henia noho, bona iena uduna dekena amo, diba bona laloa kehoa idia mai noho.

HADIBAIA TAUNA 2:26

Badina be Dirava ese ia laloa namo henia tauna dekenai aonega, lalona kehoa bona moale ia henia noho. To Dirava ese kara dika tauna dekenai hekwarahi ia henia noho, ia ese kohu bona moni do ia haboua, Dirava ese ia laloa namo henia tauna dekenai unai kohu bona moni do idia henia totona. Inai ibounai danu be anina lasi. Ia be lai lulua kava karana hegeregerena.

ISAIA 28:26

Iena gaukara karaia dalana ia diba namonamo, badina iena Dirava ese ia hadibaia noho.

ESEKIELA 28:3

Oi laloa danu oiemu aonega ese Daniela ena aonega ia hereaia noho, bona oi laloa hunia gauna ta be oi dekena amo ia hunia diba lasi.

DANIELA 1:18

King ia gwauraia hegeregerena, lagani toi idia ore neganai, Asipenasa ese unai uhau taudia ibounai ia hakaua lao king ena vairanai.

DANIELA 1:20

Henanadai ibounai ia henia, bona aonega gaudia ibounai king ese ia nanadaia neganai, be ia davaria inai uhau taudia 4 be unai basileia lalonai meamea taudia ibounai bona hoa karaia taudia ibounai edia aonega be nega 10 dekenai idia hereaia momokani.

DANIELA 1:4

Edia kopina be do ia namo, bona edia tauanina, bona edia toana be do idia dika lasi momokani. Idia be diba momo taudia, bona aonega davaria haraga diba taudia, vadaeni king ena ruma badana dekenai do idia gaukara.” Ma king Nebukanesa ese Asipenasa ia hamaoroa ia ese Babulonia gado be unai uhau dekenai do ia hadibaia.

DANIELA 10:1

Sairasi ia Parasa ena king lagani namba 3 neganai hereva ta Dirava ese ia hedinaraia Daniela dekenai, iena ladana ta be Belitisasa. Inai hereva be momokani, bona ia be tuari bona nega dika herevana. Inai hereva ena anina be Daniela ese ia abia, badina mata hanai dekenai iena anina ia davaria.

DANIELA 2:19

Unai hanuaboi lalonai, mata hanai ta dekenai Dirava ese unai hunia gauna be Daniela dekenai ia hedinaraia. Unai dainai Daniela ese guba ena Dirava ia hanamoa henia, ia gwau,

DANIELA 2:21

Nega be ia ese ia biagua bona ia haidaua. Ia ese king ia atoa, bona king ia kokia. Aonega bona diba ia henia taunimanima dekenai.

DANIELA 2:23

Dirava e, oi dekenai lau hanamoa, bona oi dekenai lau matauraia danu. Oi be lauegu sene taudia edia Dirava. Oi ese aonega bona goada lau dekenai oi henia. Oi ese lauegu guriguri oi haere henia vadaeni, bona king dekenai do ai hamaoroa gauna, be ai dekenai oi hedinaraia vadaeni.”

DANIELA 2:30

“To lauegu aonega dekenai inai hunia gauna lau hedinaraia lasi. Lauegu aonega ese taunimanima edia aonega ia hereaia lasi. To oiemu nihi ena anina oi diba totona, bona oi laloa gaudia edia anina oi davaria totona, Dirava ese inai nihi ena anina lau dekenai ia hedinaraia.

DANIELA 4:6

Unai dainai hereva lau siaia, Babulonia ena aonega taudia ibounai do idia mai, lauegu nihi ena anina hedinaraia totona.

DANIELA 5:14

“Lau kamonai dirava edia lauma ia noho oi dekenai, bona oiemu aonega bona diba be ia bada herea momokani.

DANIELA 7:1

Belesasa ia king Babulonia dekenai lagani ginigunana lalonai Daniela ese nihi ta ia davaria, bona iena mahuta patana dekenai ia hekure noho neganai, mata hanai ia itaia. Vadaeni ia ese nihi ena sivarai ia torea, bona ena anina ia hedinaraia.

DANIELA 8:1

Belesasa ia king lagani namba 3 lalonai lau, Daniela ese mata hanai ma ta lau itaia.

NUMERA 12:6

Lohiabada ia gwau, “Lauegu hereva umui kamonai: Umui Israela bese emui huanai, bema peroveta taudia idia noho neganai, mata hanai bona nihi dekena amo idia dekenai lau hedinarai.

LUKA 21:15

Badina be lau ese hereva bona aonega do lau henia umui dekenai. Vadaeni umui dekenai badu henia taudia ibounai be do idia hegeregere lasi emui hereva do idia koua.

APOSETOLO EDIA KARA 6:10

To idia be hegeregere lasi Stefano idia koua, badina be ia hereva neganai, Lauma Helaga ese aonega bada ia henia dainai.

APOSETOLO EDIA KARA 7:10

Bona Dirava ese Iosepa ena hisihisi ibounai dekena amo ia hamauria, bona toana namo bona aonega Iosepa dekenai ia henia, Farao, Aigupito ena king ena vairanai. Vadaeni Farao ese Iosepa dekenai siahu ia henia, ia be Aigupito ena gavana badana, bona Farao ena ruma taudia edia lohia.

APOSETOLO EDIA KARA 7:22

Inai dekenai Aigupito taudia edia aonega ibounai Mose dekenai idia hadibaia, unai murinai hereva bona kara dekenai ia be mai siahuna.

KOLOSE 1:9

Unai dainai emui sivarai ai kamonai dinana ia mai bona harihari, guriguri umui dainai ai ruaosi ese ai hadokoa lasi. Dirava ai noia, ia ese iena ura dalana umui dekenai do ia hadibaia, bona Lauma Helaga ena diba bona diari umui dekenai do ia henia.

IAMESI 1:17

Gau namodia ibounai, bona harihari gaudia namodia momokani ibounai, be Dirava dekena amo idia diho mai. Dirava ese diari ibounai ia karaia, bona nega haida idia ese edia toana idia senisia, nega haida mai edia dibura nega. To Dirava ese iena kara ia senisia lasi, ia diari hanaihanai, bona ia be mai ena dibura sisina lasi.

IAMESI 1:5

Bema umui ta be aonega lasi, namona be Dirava do ia noia, vadaeni Dirava ese aonega ia dekenai do ia henia. Badina be Dirava ese taunimanima ibounai dekenai gau namodia ia henia noho. Bona tau ta bema ia be gau ta lasi, vadaeni Dirava do ia noia neganai, Dirava ese do ia badu henia lasi.