2 PETERO 1:3 - Buka Helaga (Hiri Motu) 1993

³ Dirava ese iena siahu dekena amo iseda mauri hanamoa gaudia ibounai, bona ia badinaia totona goada ibounai, be ita dekenai ia henia vadaeni. Ita durua totona, Dirava ese iena diba bada ita dekenai ia harihari henia. Vadaeni, iena hairai bona iena siahu ita diba momokani. Bona ita ia abia hidi Tauna danu ita diba momokani.

2 PETERO 1:3 Iomraidhean Croise

SALAMO 110:3

Oi ese oi dekenai idia dagedage taudia, be do oi tuari henidia dinana dekenai, oiemu orea taudia ese oi dekenai do idia haboua, bona mai edia ura kwalimu danu oi do idia durua. Daba maragi neganai paripari ia hedinarai bamona, oiemu durua taudia be oi dekenai do idia haboua, ororo helagana dekenai.

SALAMO 84:11

Badina be Lohiabada ese ita ia gimaia noho. Ia be iseda King, mai ena hairaina danu. Ia ese bogahisihisi bona mataurai, be ai dekenai ia henia noho. Bema tau ta ese kara maoromaoro ia karaia neganai, Lohiabada ese gau namona ta unai tau dekena amo do ia koua lasi.

AONEGA HEREVADIA 12:4

Hahine namona ese iena adavana dekenai, matauraia bona moale ia henia noho, to iena adavana dekenai hemarai ia havaraia hahine ese, iena tau ia hisihisi henia noho, turia hamanokaia gorere bamona.

AONEGA HEREVADIA 31:10

Hahine namona be daika ese ia davaria diba? Iena namo ese davana bada herahera nadi, edia namo ia hereaia noho.

AONEGA HEREVADIA 31:29

Ia gwau, “Hahine momo edia kara be namo, to oi sibona ese idia ibounai oi hereaia noho.”

MATAIO 28:18

Vadaeni Iesu ia raka kahirakahira idia dekenai, ia hereva henia idia dekenai, ia gwau, “Siahu ibounai guba dekenai bona tanobada dekenai be lau dekenai ia henia vadaeni.

ROMA 8:32

Dirava ese iena Natuna tamona sibona ia vara ia dogoatao lasi, to ita ibounai totona ia henia, boubou gauna bamona. Oibe, iena Natuna ita dekenai ia henia vadaeni. Unai dainai ita diba, gau ibounai ita dekenai do ia henia momokani, ani?

ROMA 9:24

Badina be ia ese ita ia boiria, ai Iuda taudia sibona lasi, to umui Iuda lasi taudia danu.

1 KORINTO 1:9

Dirava ese umui ia boiria vadaeni, iena Natuna Iesu Keriso, iseda Lohiabada danu do umui noho hebou totona. Bona Dirava ena kara be momokani, ita abidadama henia diba.

2 KORINTO 12:9

To ia ese lau ia hamaoroa, ia gwau, “Lauegu hariharibada be oi dekenai ia hegeregere momokani vadaeni. Badina be lauegu siahu be manokamanoka tauna lalonai ia hedinarai momokani.” Unai dainai, lauegu manoka do lau heagilaia mai moale danu, vadaeni Keriso ena siahu lau dekenai do ia noho.

EFESO 4:1

Unai dainai lau, Lohiabada ese iena hesiai gaukara lalonai lau ia guia tauna, umui lau sisiba henia inai: Dirava ese umui ia boiria vadaeni, unai dainai iena boiboi hegeregerena do umui noho, do umui noho maoromaoro.

EFESO 4:4

Tauanina be tamona. Lauma Helaga danu be tamona. Dirava ese umui ia boiria totona ena davana namona naria kara danu be tamona.

FILIPI 3:8

Oibe, inai gaudia sibona lasi, to gau ibounai lau laloa be anina lasi gaudia, inai mai anina bada gauna do lau abia totona, gauna be inai: Keriso Iesu, lauegu Lohiabada do lau diba momokani. Ia dainai gau ibounai lau negea vadaeni. Lau laloa idia be momoru, Keriso do lau abia momokani totona.

FILIPI 4:8

Lauegu varavara taudia e, lauegu hereva orena be inai. Inai bamona karadia sibona do umui laloa: Kara namodia, taunimanima edia ladana idia hanamoa karadia, momokani karadia, bogahisihisi henia karadia, kara maoromaoro, kara goevagoeva, lalokau karadia, bona taunimanima namodia matauraia karadia.

KOLOSE 1:16

Badina be ia dekena amo Dirava ese gau ibounai ia karaia, guba dekenai bona tanobada dekenai. Ita itaia diba gaudia bona ita itaia diba lasi gaudia, siahu laumadia ibounai, king ibounai, gavana ibounai, siahu taudia ibounai be Dirava ese ia karaia Keriso dekena amo. Oibe, Dirava ese Keriso dekena amo gau ibounai ia karaia, do idia be Keriso ena totona.

1 TESALONIKA 2:12

Ai ura umui emui noho be Dirava ena ura hegeregerena. Unai dainai aiemai hereva goada dekena amo emui laloa ai hagoadaia noho. Badina Dirava ese umui ia boiria vadaeni, iena Basileia bona iena hairaina do umui abia totona.

1 TESALONIKA 4:7

Dirava ia boiboi ita dekenai, do ita heudahanai totona lasi, to do ita helaga totona.

2 TESALONIKA 2:14

Sivarai Namona umui dekenai ai harorolaia dekena amo, Dirava ese umui dekenai ia boiboi vadaeni. Umui dekenai ia boiboi, iseda Lohiabada Iesu Keriso ena hairaina, be umui danu do umui abia totona.

1 TIMOTEO 4:8

Tauanina hagoadaia totona treinini bema ita karaia, inai kara ese ita do ia durua sisina. To bema Dirava totona ita treinini noho, ia ese iseda lauma do ia hagoadaia, bona inai kara ese ita do ia durua bada herea. Io, bema iseda lauma idia namo neganai, durua do ita abia inai tanobada ena mauri dekenai, bona gabeai do ita abia mauri dekenai danu.

2 TIMOTEO 1:9

Dirava ese ita ia hamauria vadaeni, bona ita ia boiria, ita be iena bese korikori taudia totona. Inai bamona ia karaia, iseda kara namodia dainai lasi, to iena ura bona iena hariharibada dainai. Iena hariharibada be ita dekenai Dirava ese ia henia, Keriso Iesu dekena amo, nega gunaguna momokani, tanobada ia do karaia lasi neganai.

HEBERU 1:3

Inai Natuna be Dirava ena hairaina ena diari, bona iena toana be Dirava ena toana hegeregerena momokani. Iena hereva be mai siahu bada danu. Inai siahu dekena amo, ia ese tanobada bona guba ibounai ia naria, bona ia haheaua noho. Ia ese taunimanima edia kara dika ia huria ore, vadaeni Dirava, Siahu Momokani Diravana ena idiba kahanai ia helai diho, guba dekenai.

1 PETERO 1:15

To emui kara ibounai lalonai do umui helaga, umui ia boiria Diravana ese ia helaga hegeregerena.

1 PETERO 1:5

Umui ese Dirava umui abidadama henia dainai, iena siahu ese umui do ia naria noho ela bona hamauria dinana ia ginidae. Inai hamauria ia noho hegaegae, bona nega dokona dekenai do ia hedinarai momokani.

1 PETERO 2:21

Dirava ese umui ia boiria, unai bamona do umui hisihisi totona. Badina be Keriso ese umui dainai hisihisi ia abia. Vadaeni iena kara toana umui dekenai ia hedinaraia, iena murinai do umui raka totona. Iena aena gabudia dekenai do umui raka.

1 PETERO 2:9

To Dirava ese umui ia abia hidi vadaeni, umui be iena bese, umui be King ena hahelagaia taudia, bese helagana, bona Dirava ena orea korikori taudia. Dirava ese umui ia abia hidi, iena hoa kara badadia do umui gwauraia hedinarai. Badina be ia ese dibura dekena amo umui ia boiria, vadaeni iena diari namo bada herea lalonai do umui noho.

1 PETERO 3:9

Tau ta bema umui dekenai ia kara dika neganai, davana do umui henia lasi. Bema umui dekenai idia hereva dika neganai, umui ese hereva dika do umui henia lou lasi. Lasi, to hanamoa hereva do umui henia lou, bona umui ese Dirava do umui noia, ia ese idia do ia hanamoa. Dirava ese umui ia boiria, inai bamona do umui karaia, iena hanamoa do umui abia totona.

1 PETERO 5:10

Umui be nega sisina do umui hisihisi, vadaeni gabeai, hariharibada ibounai Diravana ese umui do ia hanamoa lou momokani, umui do ia haginia goada, bona emui abidadama do ia hagoadaia. Oibe, inai Dirava ese umui ia boiria vadaeni, iena noho hanaihanai hairaina Keriso Iesu danu do umui abia hebou totona.

2 PETERO 1:10

Lauegu varavara taudia e, Dirava ese umui ia boiria, bona umui ia abia hidi vadaeni. Unai dainai do umui gaukara goada, inai boiboi, bona inai abia hidi do umui hamomokania totona. Badina unai bamona umui karaia neganai, emui abidadama dekena amo do umui moru lasi.

2 PETERO 1:2

Hariharibada bona maino umui abia badabada be namo. Oibe, do umui abia, badina be Dirava, bona iseda Lohiabada Iesu umui diba namonamo dainai.

2 PETERO 1:5

Unai dainai do umui abidadama sibona lasi, to kara namodia do umui karaia danu. Ma kara namodia sibona lasi, to diba danu do umui abia.

2 PETERO 1:6

Ma diba sibona lasi, to umui ese emui tauanina edia ura do umui biagua namonamo. Ma tauanina biagua sibona lasi, to haheauka danu do umui abia. Ma haheauka sibona lasi, to Dirava badinaia kara danu do umui abia.

2 PETERO 1:8

Inai bamona kara namodia, bema umui dekenai idia noho neganai, idia ese emui lauma do idia hagoadaia. Vadaeni inai goada umui abia dainai, bona Iesu Keriso iseda Lohiabada umui diba dainai, do umui noho kava lasi, to emui kara be mai anina.

2 PETERO 2:20

Momokani, taunimanima momo ese iseda Lohiabada bona Hamauria Tauna Iesu Keriso idia diba dainai, tanobada ena miro dekena amo idia roho mauri vadaeni. To unai taudia bema unai miro karadia dekenai ma idia giroa lou neganai, idia be edena bamona? Madi, edia dika gunana be maragi, to edia dika, gabeai gauna, be bada.

2 PETERO 3:18

To iseda Lohiabada bona Hamauria Tauna Iesu Keriso ena hariharibada, bona iena diba, bona laloa diari lalonai do umui tubu daekau noho. Hairai diarina bona mataurai bada be iena, harihari ia lao bona hanaihanai. Amen.

RUTA 3:11

Unai dainai, lauegu natuna e, oi gari lasi, oiemu noinoi hegeregerena oi dekenai do lau henia, badina be lauegu hanua taudia ibounai idia diba oi be hahine namona.