1 PETERO 5:4 - Buka Helaga (Hiri Motu) 1993

⁴ Vadaeni, Mamoe Naria Tauna Badana do ia hedinarai neganai, hairai ena kwara gauna, do ia dika diba lasi gauna, do umui abia.

1 PETERO 5:4 Iomraidhean Croise

SALAMO 23:1

Lohiabada ese lau ia naria noho, mamoe naria tauna ese, iena mamoe ia naria bamona. Unai dainai gau ta do lau dabu lasi.

ISAIA 40:11

Ia ese iena mamoe do ia ubua, mamoe naria tauna ia ubua noho bamona. Ia ese mamoe edia natudia do ia haboua, bona iena imana dekenai idia do ia rosia, idia do ia huaia lao. Bona edia sinadia bona rogorogo gaudia, be ia ese metairametaira do ia hakaudia lao.

ESEKIELA 34:23

Bona lau ese mamoe naria tauna tamona, egu hesiai tauna Davida bamona, idia dekenai do lau henia. Ia ese idia do ia naria.

ESEKIELA 37:24

“Bona lauegu hesiai tauna Davida bamona tauna be edia King do ia lao, bona ia tamona ese idia ibounai do ia naria, mamoe naria tauna bamona. Idia ese lauegu taravatu do idia badinaia, bona egu oda do idia kamonai henia namonamo.

DANIELA 12:3

Vadaeni Dirava ena aonega taudia be do idia diaridiari namo herea, dina bamona. Dala maoromaoro be taunimanima momo dekenai idia hadibaia taudia be do idia hururu mai diari namona danu, hisiu bamona, ela bona hanaihanai.

SEKARAIA 13:7

Siahu Ibounai Lohiabada ia gwau, “Tuari kaia e, oi noga, bona mamoe naria tauna, lau totona ia gaukara noho tauna, do oi tuari henia. Do oi alaia mase, vadaeni mamoe be gabu idauidau do idia heau boio. Lau ese egu bese taudia do lau heatu henia.

IOANE 10:11

“Lau be mamoe naria tauna namona inai. Mamoe naria tauna namona ese iena mauri ia atoa diho mamoe totona.

1 KORINTO 9:25

Gadara helulu do idia uini totona, heau helulu taudia ese edia tauanina ena ura idia atoa diho, idia tereini goadagoada. Inai bamona idia karaia be, do ia dika haraga kwalimu ahuna abia totona. To ita ese unai bamona do ita karaia be, noho hanaihanai kwalimu ahuna do ita abia totona.

2 TIMOTEO 4:8

Harihari lauegu kwalimu ahuna, kara maoromaoro ena davana namona, be lau dekenai ia noho hegaegae. Unai Dina Badana neganai, Lohiabada, kota biaguna maoromaorona, ese unai davana namona lau dekenai do ia henia. Bona lau sibona dekenai do ia henia lasi, to mai lalokau danu iena mai dinana idia naria noho taudia ibounai dekenai danu, be ia ese unai davana namona do ia henidia.

HEBERU 13:20

Dirava be maino ena badina momokani. Ia ese iseda Lohiabada Iesu mase dekena amo ia hatorea isi lou. Iesu be Mamoe Naria Tauna Badana, badina be ia ese Dirava ena noho hanaihanai gwauhamata ia hamomokania vadaeni. Oibe, Iesu ese unai Dirava ena gwauhamata badana ia hamomokania. Badina be inai: Ia sibona ena rarana, boubou gauna bamona, ia bubua diho dainai.

IAMESI 1:12

Hisihisi bona dibagani ia abia neganai ia gini noho, mai haheauka danu tauna be namo. Badina be unai dika dekena amo ia kwalimu neganai, ia ese Dirava ia gwauhamata gauna, mauri hanaihanai, iena kwalimu ahuna, do ia davaria. Dirava ia hereva vadaeni, ia idia lalokau henia taudia ibounai ese unai mauri hanaihanai do idia davaria.

1 PETERO 1:4

Dirava ese ita ia abia hidi, guba dekenai mauri do ita abia. Inai mauri ia noho hanaihanai, ia be goevagoeva, ia bodaga diba lasi. Inai mauri be guba dekenai umui totona ia noho hegaegae.

1 PETERO 2:25

Badina be gunaguna umui be mamoe idia boio bamona, emui dala umui diba lasi. To harihari, emui lauma ia dogoatao Tauna, inai Mamoe Naria Tauna dekenai, umui giroa lou vadaeni.

1 PETERO 5:2

Dirava ese umui ia henia mamoe orea do umui naridia namonamo. Do umui gunalaia, Dirava ena ura hegeregerena. Do umui maumau lasi, to mai emui ura namona inai dagi do umui karaia. Ta ese umui ia oda dainai do umui karaia lasi, to sibona emui ura dainai. Kohu do umui davaria totona do umui karaia lasi.

1 IOANE 3:2

Lauegu lalokau taudia e, harihari ita be Dirava ena natuna, to gabeai ita be edena bamona, be ita do diba namonamo lasi. To inai gauna ita diba namonamo: Keriso do ia hedinarai neganai, ita be iena toana bamona do ita lao, badina be iena toana korikori do ita itaia.

APOKALUPO 1:7

Umui itaia, ia be ori edia latanai ia mai noho. Taunimanima ibounai be momokani do idia itaia. Bona ia idia gwadaia taudia ese danu do idia itaia. Tanobada besedia ibounai be ia dainai do idia tai. Inai be momokani! Amen.

APOKALUPO 2:10

Hisihisi do oi abia, to do oi gari henia lasi. Kamonai! Satani ese umui haida dibura ruma dekenai do ia koua, umui do ia dibaginia, bona dina 10 lalonai do umui hisihisi. Do umui gini goada noho, bona lau do umui badinaia noho ela bona mase, vadaeni lau ese umui emui kwalimu ahuna, mauri, umui dekenai do lau henia.

APOKALUPO 3:11

Nega daudau lasi lalonai, oi dekenai do lau mai. Vadaeni oi dekenai ia noho gauna do oi dogoatao namonamo noho, tau ta ese mauri, oiemu kwalimu ahuna, do ia dadia garina.