1 PETERO 5:3 - Buka Helaga (Hiri Motu) 1993

³ Lohia mai hekokoroku danu bamona emui orea do umui gunalaia lasi, to emui kara namodia do umui hedinaraia, vadaeni emui kara bamona do idia karaia.

1 PETERO 5:3 Iomraidhean Croise

SALAMO 33:12

Bema bese ta ena Dirava be Lohiabada neganai, unai bese be do ia namo. Lohiabada ese ia abia hidi, iena bese korikori do idia lao taudia be do idia moale!

SALAMO 74:2

Oiemu orea, idaunegai oi abia hidi, oi sibona oiemu bese, be mani do oi laloatao. Oi ese hesiai mai guia danu dekena amo inai bese oi hamauria, oiemu bese korikori do oi halaoa totona. Siona Ororo, guna oi noho gabuna, mani do oi laloa.

ESEKIELA 34:4

“Umui ese mamoe manokadia umui durua lasi. Umui ese mai edia gorere bona mai edia bero mamoedia umui hanamodia lasi. Idia loaloa kava mamoedia umui hakaudia lou lasi, bona idia boio gaudia umui tahua lasi. Lasi momokani, to umui ese mamoe umui dagedage henidia.

MIKA 7:14

Lohiabada e, mani emu kara, oiemu bese, oi abia hidi vadaeni taudia do oi naria, mamoe naria tauna ese iena mamoe ia naria noho bamona. Idia be tano namo lasi ororo gabuna dekenai idia noho, to tano namona be idia ia hagegea noho. Edia dala do oi kehoa, vadaeni Basana bona Gileada rei namona gabudia dekenai aniani do idia ania, gunaguna idia karaia bamona.

NUMERA 18:7

“To oi bona oiemu natuna tau ese hahelagaia taudia edia gaukara, boubou patana dekenai, bona Helaga Herea Gabuna dekenai do umui karaia. Inai be emui gaukara korikori, badina be lau ese hahelagaia taudia edia dagi be umui dekenai lau henia vadaeni. To bema idau tauna ese helaga gaudia kahirakahira ia mai neganai, ia be do ia mase.”

IOANE 13:15

Badina be dala lau hedinaraia vadaeni umui dekenai, vadaeni umui ese danu lau karaia bamona do umui karaia.

APOSETOLO EDIA KARA 20:28

Umui sibona do umui naria namonamo, bona mamoe orea ibounai danu. Inai orea naria taudia Lauma Helaga ese umui ia halaoa vadaeni. Dirava ena ekalesia, iena lalokau Natuna ena rarana dekena amo ia hoia orea taudia, do umui ubua.

1 KORINTO 11:11

To ita be Lohiabada lalonai ita noho dainai, ita diba hahine be sibona lasi, to tau danu. Bona tau be sibona lasi, to hahine danu.

1 KORINTO 3:5

Mani umui laloa. Apolo be daika? Bona Paulo be daika? Ai be Dirava ena hesiai taudia sibona. Lohiabada ese gaukara ta lau dekenai ia henia, vadaeni lau karaia. Bona ia ese gaukara ta Apolo dekenai ia henia, vadaeni ia karaia. Bona aiemai gaukara dekena amo umui be Dirava dekenai umui abidadama henia.

1 KORINTO 3:9

Badina ai ruaosi be Dirava ena gaukara ai karaia hebou noho. Umui be Dirava ena uma gabu, bona umui be Dirava ena ruma danu.

2 KORINTO 1:24

Ai ese umui emui abidadama ai biagua lasi. Ai diba umui emui abidadama lalonai umui gini goada noho. Unai dainai ai be umui danu ita gaukara hebou, emui moale do ai havaraia totona.

2 KORINTO 4:5

Badina be aiemai haroro ena badina be ai sibona lasi. Aiemai haroro ena badina be Keriso Iesu, ia be Lohiabada. Ai ese Iesu ena hereva ai badinaia noho, unai dainai ai be umui emui hesiai taudia.

DEUTERONOMI 32:9

To Lohiabada ese iena bese korikori, be Iakobo dekena amo ia abia hidi.

FILIPI 3:17

Lauegu varavara e, lauegu kara bamona do umui karaia. Bona aiemai kara bona hereva idia badinaia taudia do umui kamonai henidia.

FILIPI 4:9

Lau dekena amo umui davaria gaudia, egu hadibaia hereva bona egu kara danu, inai sibona do umui karaia. Bona maino ia henia Dirava be umui danu do ia noho.

1 TESALONIKA 1:7

Unai dekena amo, kara namo ena dala umui hedinaraia, Makedonia bona Akaia dekenai idia noho Keristani taudia ibounai dekenai.

2 TESALONIKA 3:9

Ai be siahu taudia dainai, umui ese aniani ai dekenai umui henia be maoro. To ai ura lasi, badina be ai ura aiemai manau kara bamona do umui karaia.

1 TIMOTEO 4:12

Ibounai do idia itaia oi be tau matamata, to do oi naria, ta ese oi be anina lasi gauna do ia gwauraia garina. Lasi, to oiemu noho mauri dekenai, Keriso ena kara do oi hedinaraia. Vadaeni oiemu hereva namona, kara namona, lalokau, abidadama bona laloa goevagoeva idia itaia neganai, oiemu kara bamona do idia karaia.

TITO 2:7

Bona oi sibona danu kara namodia do oi hedinaraia, unai eregabe taudia ese oiemu kara bamona do idia karaia totona. Mai oiemu momokani bona laloa maoromaoro danu, hereva momokani idia dekenai do oi hadibaia.

1 PETERO 2:9

To Dirava ese umui ia abia hidi vadaeni, umui be iena bese, umui be King ena hahelagaia taudia, bese helagana, bona Dirava ena orea korikori taudia. Dirava ese umui ia abia hidi, iena hoa kara badadia do umui gwauraia hedinarai. Badina be ia ese dibura dekena amo umui ia boiria, vadaeni iena diari namo bada herea lalonai do umui noho.