1 PETERO 5:14 - Buka Helaga (Hiri Motu) 1993

¹⁴ Umui ta ta dekenai do umui hanamoa, umui ta ta dekenai ekalesia ena lalokau kisi do umui henia. Keriso lalonai umui noho taudia ibounai, maino be umui dekenai do ia noho.

1 PETERO 5:14 Iomraidhean Croise

ROMA 16:16

Umui ta ta dekenai umui hanamoa, umui ta ta dekenai ekalesia ena lalokau kisi do umui henia. Keriso ena ekalesia orea ibounai ese umui dekenai edia hanamoa idia siaia inai.

EFESO 6:23

Namona be, Tamana Dirava bona Lohiabada Iesu Keriso ese maino, lalokau bona abidadama, be Keristani varavara taudia ibounai dekenai do idia henia.

ROMA 8:1

Unai dainai Keriso Iesu dekenai idia hakapua bona ia lalonai idia noho taudia be Dirava ese edia kerere davana do ia gwauraia lasi.

1 KORINTO 16:20

Keristani varavara taudia ibounai inai gabu dekenai ese umui idia hanamoa noho. Umui ta ta dekenai umui hanamoa, umui ta ta dekenai ekalesia ena lalokau kisi umui henia.

ROMA 1:7

Umui Roma dekenai noho taudia, Dirava ese umui ia lalokau henia, bona iena bese lalonai umui noho totona umui ia boiria vadaeni, umui dekenai inai revareva lau torea inai. Lau ura be Dirava iseda Tamana bona Lohiabada Iesu Keriso ese bogahisihisi bona maino umui dekenai do idia henia.

2 KORINTO 5:17

Bema tau ta Keriso danu ia hakapua tamona neganai, unai tau be tau matamatana. Iena kara gunadia be idia ore, mauri matamata ia abia vadaeni inai.

1 KORINTO 1:30

To Dirava ese Keriso danu umui ia hakapua tamona, bona Dirava ese Keriso, be iseda aonega ia halaoa vadaeni. Keriso sibona dekena amo Dirava ena vairanai ita maoromaoro diba. Keriso dainai Dirava ena helaga taudia ita lao, bona ura kwalimu ita abia.

IOANE 20:26

Dina 8 idia ore murinai Iesu ena diba tahua taudia be ruma lalonai ma idia hebou lou, Toma be idia danu. Iduara idia koua auka momokani, to Iesu be ia vareai lao, edia huana dekenai ma ia gini, ia gwau, “Maino umui abia.”

IOANE 20:19

Unai pura ena dina ginigunana hanuaboi neganai, diba tahua taudia be edia ruma iduarana idia koua auka vadaeni, Iuda taudia dekenai idia gari dainai. Vadaeni Iesu be ia lao, idia edia huanai ia gini, ia gwau, “Maino umui abia.”

IOANE 16:33

Inai hereva lau hamaoroa vadaeni umui dekenai, egu lalona dekenai maino do umui abia totona. Tanobada dekenai umui be hisihisi do umui abia. To, do umui goada noho, badina be lau ese tanobada lau halusia vadaeni.”

IOANE 14:27

“Maino umui dekenai lau rakatania, lauegu maino lau henia umui dekenai. Tanobada ese ia henia maino bamona lasi, be lau ese lau henia umui dekenai. Umui laloa hekwarahi lasi, bona umui gari lasi.

1 TESALONIKA 5:26

Iesu idia abidadama henia taudia ibounai ta ta do umui hanamoa, ekalesia ena lalokau kisi idia ta ta dekenai do umui henia.

2 KORINTO 13:12

Umui ta ta dekenai ekalesia ena lalokau kisi do umui henia.

1 PETERO 1:2

Tamana Dirava ese idaunegai umui ia abia hidi, iena Lauma Helaga ese umui ia hahelagaia vadaeni, Iesu Keriso ena rarana ese umui do ia huria totona. Vadaeni Iesu Keriso do umui kamonai henia, bona do umui goevagoeva momokani. Hariharibada bona maino umui ese do umui abia badabada be namo.

MATAIO 5:47

Bema emui turana sibona do umui hanamoa, emui namo be edena bamona do ia bada? Dika taudia danu unai bamona idia karaia noho.

3 IOANE 1:14

Nega sisina ia ore, lau ura oi dekenai do lau mai vadivadi, vadaeni ita ruaosi do ita herevahereva.