1 PETERO 5:13 - Buka Helaga (Hiri Motu) 1993

¹³ Ekalesia orea Babulonia dekenai, inai taudia danu be Dirava ese ia abia hidi. Idia ese edia hanamoa hereva umui dekenai idia siaia inai. Lauegu natuna Mareko danu ese umui ia hanamoa noho.

1 PETERO 5:13 Iomraidhean Croise

APOSETOLO EDIA KARA 12:12

Inai gau ia laloa ore, vadaeni ia lao Maria ena ruma dekenai. Inai Maria be Ioane Mareko ena sinana. Unuseni taunimanima momo idia hebou, idia guriguri noho.

APOSETOLO EDIA KARA 12:25

Vadaeni Banaba bona Saulo ese edia gaukara idia haorea, bona Ierusalema idia rakatania, Antioka dekenai idia giroa lou, Ioane Mareko idia danu idia hakaua lao.

APOKALUPO 18:2

Ia boiboi badabada, ia gwau, “Babulonia badana be ia moru vadaeni. Io, unai hanua badana be ia dika vadaeni. Lauma dikadia edia noho gabuna dekenai ia halaoa vadaeni. Satani ena lauma dikadia be ia lalonai idia noho. Manu dikadia bona manu dagedagedia, be iena ruma lalonai idia noho.

APOKALUPO 17:5

Hahine ena baguna dekenai be ladana ta ia torea. Inai ladana ena anina be hunia gauna: “Babulonia badana, ariara hahine ibounai bona tanobada ena kara mirodia ibounai edia sinana.”

2 IOANE 1:13

Oiemu tadikaka hahine, Dirava ese ia abia hidi hahinena, ena natuna ese edia hanamoa oi dekenai idia siaia inai.

SALAMO 87:4

Dirava be inai bamona ia hereva, ia gwau, “Dohore egu hereva idia kamonai henia bese taudia lau duahia neganai, Aigupito bona Babulonia danu do lau haboua. Ma danu do lau gwau, Pilistia bona Turo bona Etiopia taudia, be Ierusalema noho taudia danu do lau haboua.”

APOSETOLO EDIA KARA 15:37

Banaba ia ura Ioane Mareko be idia danu do ia lao.

APOSETOLO EDIA KARA 15:39

Idia ruaosi idia hepapahuahu bona idia parara. Banaba ese Mareko ia abia, lagatoi dekenai idia guia, Kupro dekenai idia heau lao.

KOLOSE 4:10

Arisitako, lau danu dibura ruma lalonai ai noho, ese iena hanamoa hereva ia siaia inai. Banaba ena tadina Mareko danu ese umui ia hanamoa inai. Bema Mareko be umui dekenai ia lao neganai, do umui abia dae. Ia dainai hereva lau siaia guna vadaeni.

FILEMONA 1:24

Mareko bona Arisitako bona Dema bona Luka, lau danu idia gaukara hebou noho, idia ese danu oi idia hanamoa noho.

2 IOANE 1:1

Lau ekalesia ena gunalaia tauna ese, Dirava ese ia abia hidi hahinena mai oiemu natuna taudia danu inai revareva umui dekenai lau torea inai. Lau ese umui lau lalokau henia momokani. Bona lau sibona lasi, to hereva momokani idia diba taudia ibounai ese umui idia lalokau henia.