1 PETERO 5:12 - Buka Helaga (Hiri Motu) 1993

¹² Inai revareva kwadogina be Sila ena imana dekena amo umui dekenai lau torea inai. Lau diba Sila be iseda Keristani varavara tauna korikori. Lau ura inai leta dekena amo umui do lau hagoadaia, bona lau gwauraia hedinarai inai: Dirava ena hariharibada korikori ena dala be inai egu hereva lalonai. Inai hariharibada lalonai do umui gini goada.

1 PETERO 5:12 Iomraidhean Croise

IOANE 21:21

Unai dainai, Petero ese ia itaia neganai, Iesu ia nanadaia, ia gwau, “Lohiabada e, unai tau be edena bamona do ia karaia?”

APOSETOLO EDIA KARA 11:23

Banaba ia ginidae neganai, Dirava ena hariharibada ia itaia, bona ia moale bada, bona ibounai dekenai ia hereva goada, idia ese mai edia kudouna ibounai Lohiabada do idia badinaia.

APOSETOLO EDIA KARA 15:22

Vadaeni, aposetolo bona kwarana taudia, ekalesia ibounai danu idia laloa hebou. Idia gwau edia orea dekena amo tau haida do idia abia hidi, Paulo bona Banaba danu do idia lao Antioka. Idia abia hidi taudia be Iuda, ena ladana ta be Barasaba, bona Sila, idia ruaosi be varavara edia huanai kwarana taudia.

APOSETOLO EDIA KARA 20:24

“To lauegu mauri lau laloa lasi, badina be lau ura lauegu heau lau haorea, bona egu gaukara, Lohiabada Iesu ese lau dekenai ia henia gaukara do lau haorea. Inai gaukara be, Dirava ena hariharibada Sivarai Namona do lau gwauraia hedinarai.

ROMA 5:2

Keriso dekenai ita abidadama henia dainai ia ese iseda dala ia kehoa, vadaeni Dirava ena hariharibada lalonai ita vareai vadaeni. Inai hariharibada lalonai ita mauri noho hari. Unai dainai mai moale danu ita ese Dirava ena hairaina guba dekenai, Dirava danu nega tamona dohore ita abia gwauhamata gauna, ita naria noho.

1 KORINTO 15:1

Lauegu varavara taudia e, Sivarai Namona umui dekenai lau harorolaia gauna, be umui abia dae vadaeni, bona ia lalonai umui emui abidadama ia gini goada noho. Lau ura inai Sivarai Namona umui laloa lou.

2 KORINTO 1:19

Badina be lau bona Sila bona Timoteo ese Iesu Keriso, Dirava ena Natuna umui dekenai ai harorolaia, be “oibe” bona “lasi” lasi, to ia be “oibe” sibona.

2 KORINTO 1:24

Ai ese umui emui abidadama ai biagua lasi. Ai diba umui emui abidadama lalonai umui gini goada noho. Unai dainai ai be umui danu ita gaukara hebou, emui moale do ai havaraia totona.

EFESO 3:3

Dirava ese iena palani, hunia gauna, lau dekenai ia hedinaraia. Inai palani ena anina sisina umui dekenai lau torea vadaeni guna.

EFESO 6:21

Lauegu noho, bona lauegu gaukara sivarai do umui diba totona, iseda varavara lalokauna Tukiko ese umui do ia hamaorolaia. Ia be Lohiabada ena hesiai tauna namona.

KOLOSE 1:7

Dirava ena hariharibada ena Sivarai namona be aiemai lalokau tauna Epafra, ese umui dekenai ia hadibaia. Ia be aiemai gaukara durua tauna ta, bona ia be Keriso ena hesiai tauna namona ta danu, ma umui totona ia gaukara noho.

KOLOSE 4:7

Lauegu noho ena sivarai ibounai be Tukiko ese umui dekenai do ia hamaoroa. Ia be lauegu varavara, lauegu lalokau, ia danu be hesiai tauna namona ta. Ai ruaosi be Lohiabada ena hesiai gaukara ai karaia hebou noho.

KOLOSE 4:9

Onesimo be Tukiko danu do lau siaia. Ia danu be iseda varavara namona ta, emui orea tauna, bona aiemai lalokau. Idia ruaosi ese iniseni idia vara karadia ibounai umui dekenai do idia hamaorolaia.

1 TESALONIKA 1:1

Paulo bona Sila bona Timoteo, ai toiosi ese inai revareva ai torea Tesalonika ekalesia orea dekenai, umui be Tamana Dirava bona Lohiabada Iesu Keriso ena taudia. Dirava ai noia, iena hariharibada bona iena maino umui dekenai do ia henia.

2 TESALONIKA 1:1

Ai tau toiosi, Paulo bona Sila bona Timoteo, ese iseda Tamana Dirava bona Lohiabada Iesu Keriso edia ekalesia orea Tesalonika dekenai, umui dekenai revareva ai torea inai.

HEBERU 13:22

Lauegu varavara taudia e, umui lau noia goada, inai revareva, umui hagoadaia totona gauna, do umui abia dae mai haheauka danu. Badina be lau torea herevadia be lata lasi.

1 PETERO 1:13

Unai dainai do umui laloa namonamo, bona do umui naria namonamo. Do umui noho hegaegae, bona Iesu Keriso do ia hedinarai neganai do umui abia hanamoa, be do umui naria noho.

1 PETERO 4:10

Iena hariharibada dekena amo, Dirava ese umui ta ta ibounai dekenai harihari gaudia idauidau ia henia vadaeni. Unai dainai, umui ese inai harihari gaudia do umui gaukaralaia, emui Keristani varavara taudia do umui durua totona. Unai dekena amo umui be Dirava ena hesiai taudia namodia, bona iena hariharibada idauidau umui hedinaraia noho.

2 PETERO 1:12

Momokani, inai gaudia umui diba vadaeni, bona Dirava ena hereva momokani lalonai umui gini goada noho. To lau laloa inai hereva umui dekenai do lau hamaoroa lou nega ibounai, do umui laloaboio garina.

2 PETERO 2:15

Idia ese dala maoromaoro idia rakatania vadaeni, bona idia raka kerere, Balama, Beoro ena natuna bamona. Balama ese kerere ia karaia, moni do ia davaria totona, badina moni ia ura henia dikadika dainai.

3 IOANE 1:12

Ibounai idia gwau Demetrio be kara namo tauna. Dirava ena hereva momokani ese danu ia gwauraia, ia be tau namona. Ai danu Demetrio ai gwauraia ia be namo, bona umui diba aiemai hereva be momokani. Dokona herevadia.

IUDA 1:3

Lauegu lalokau taudia e, iseda hamauria ena hereva totona umui dekenai do lau torea gwauraia, to hari lau laloa hereva idauna ta umui dekenai do lau torea, inai bamona: Umui ese emui abidadama lalonai do umui gini goada noho, bona Sivarai Namona idia hadikaia taudia edia hereva do umui negea. Inai abidadama be Dirava ese nega tamona sibona iena bese taudia dekenai ia henia, bona inai abidadama ena hereva be tau ta ese ia senisia diba lasi.