1 PETERO 5:1 - Buka Helaga (Hiri Motu) 1993

¹ Harihari lau ura umui ekalesia gunalaia taudia dekenai lau hereva henia. Lau danu be ekalesia gunalaia tauna ta. Lauegu matana dekena amo, Keriso ena hisihisi lau itaia, bona iena hairai do ia hedinaraia neganai, lau danu be mai lauegu davana namona. Umui lau noia,

1 PETERO 5:1 Iomraidhean Croise

LUKA 24:48

Umui ese inai gaudia ibounai emui matana dekenai umui itaia vadaeni, unai dainai do umui gwauraia hedinarai.

APOSETOLO EDIA KARA 1:22

Unai bamona tauna, Iesu bona ita dekenai ia noho nega ibounai, ita abia hidi be namo. Ia ese ita danu Iesu ena toreisi lou do ita gwauraia hedinarai.”

APOSETOLO EDIA KARA 1:8

To, umui be dohore siahu umui abia, Lauma Helaga umui dekenai ia diho neganai, bona lauegu ladana do umui gwauraia hedinarai Ierusalema dekenai, Iudea ibounai, Samaria ena kahana ibounai, do ia lao bona tanobada ena kahana ibounai.”

APOSETOLO EDIA KARA 11:30

Inai bamona idia karaia, bona Banaba bona Saulo dekena amo moni idia siaia lao, ekalesia orea ena kwarana taudia Iudea dekenai idia henia.

APOSETOLO EDIA KARA 14:23

Vadaeni ekalesia orea ta ta ibounai dekenai idia ruaosi ese kwarana taudia haida idia abia hidi. Vadaeni mai aniani taravatua bona mai guriguri danu Paulo bona Banaba ese unai Keristani taudia Lohiabada ena imana dekenai idia atoa, ia dekenai idia abidadama henia dainai.

APOSETOLO EDIA KARA 15:4

Ierusalema dekenai idia ginidae neganai, ekalesia bona aposetolo bona kwarana taudia ese idia abia dae. Vadaeni, Dirava ese idia dekenai ia karaia gaudia ibounai ena sivarai idia gwauraia.

APOSETOLO EDIA KARA 15:6

Vadaeni aposetolo bona kwarana taudia idia hebou, inai gau idia herevalaia totona.

APOSETOLO EDIA KARA 2:32

“Inai Iesu be Dirava ese ia hatorea isi vadaeni, ai ibounai be ai itaia, bona ai diba vadaeni.

APOSETOLO EDIA KARA 20:17

Mileto dekena amo Paulo ese hereva ia siaia lao, Efeso ena ekalesia kwarana taudia ia dekenai do idia mai.

APOSETOLO EDIA KARA 20:28

Umui sibona do umui naria namonamo, bona mamoe orea ibounai danu. Inai orea naria taudia Lauma Helaga ese umui ia halaoa vadaeni. Dirava ena ekalesia, iena lalokau Natuna ena rarana dekena amo ia hoia orea taudia, do umui ubua.

APOSETOLO EDIA KARA 21:18

Kerukeru, Paulo ese ai danu ia lao, Iamesi itaia totona. Ekalesia kwarana taudia ibounai idia hebou, Iamesi danu.

APOSETOLO EDIA KARA 3:15

“Mauri ia havaraia Tauna be umui alaia ia mase, to Dirava ese mase dekena amo ia hatorea isi vadaeni, inai gaudia dekenai ai be itaia bona diba taudia.

2 KORINTO 5:1

Ita be inai bamona ita diba: Inai tanobada dekenai ita noho palai ruma, iseda tauanina, bema ia dika neganai, Dirava ese iena ruma ta guba dekenai be ita dekenai do ia henia. Inai ruma be taunimanima ese idia karaia lasi, to ia be noho hanaihanai gauna.

2 KORINTO 5:8

Io, iseda lalona bona kudouna idia goada noho, bona ita ura bada iseda tanobada tauanina ita rakatania, vadaeni Lohiabada dekenai do ita noho.

FILIPI 1:19

Badina be lau diba umui emui guriguri dainai, bona Iesu Keriso ena Lauma ena durua dekena amo, hamauria do lau abia.

1 TIMOTEO 5:1

Tau badana do oi gwau henia lasi. To mai manau danu do oi hereva henia, ia be oiemu tamana bamona. Eregabe taudia do oi hereva henia, idia be oiemu tadikaka bamona.

1 TIMOTEO 5:19

Bema tau ta ese ekalesia gunalaia tauna ia samania neganai, iena samania hereva do oi abia dae lasi. To bema rua o toi ese inai samania hereva idia gwauraia neganai do oi kamonai henia.

2 TIMOTEO 4:8

Harihari lauegu kwalimu ahuna, kara maoromaoro ena davana namona, be lau dekenai ia noho hegaegae. Unai Dina Badana neganai, Lohiabada, kota biaguna maoromaorona, ese unai davana namona lau dekenai do ia henia. Bona lau sibona dekenai do ia henia lasi, to mai lalokau danu iena mai dinana idia naria noho taudia ibounai dekenai danu, be ia ese unai davana namona do ia henidia.

TITO 1:5

Kerete dekenai oi lau rakatania badina be, unai gabu dekenai idia do maoro lasi gaudia do oi hamaoromaoroa totona. Bona lau ura danu hanua ta ta ibounai lalonai ekalesia gunalaia taudia do oi abia hidi. Lauegu hadibaia hereva oi laloaboio lasi, ani?

FILEMONA 1:9

To oi lau lalokau henia dainai, oi do lau oda henia lasi, to oi do lau noia sibona. Oibe, lau be Paulo, lau be tau badana, bona Keriso Iesu dainai dibura ruma dekenai lau idia koua vadaeni.

HEBERU 12:1

Bona ita be edena bamona? Ita idia itaia noho taudia momo herea ese ita idia hagegea noho. Abidadama dalana ita dekenai idia ese idia hedinaraia vadaeni. Unai dainai, namona be ita idia hametaua gaudia ibounai, bona ita idia guia noho kara dikadia do ita negea momokani. Vadaeni iseda vairana dekenai ia noho heau helulu, be mai haheauka danu do ita heau goada.

1 PETERO 1:12

Dirava ese idia dekenai ia hedinaraia, edia gaukara be idia edia namo totona idia karaia lasi. Lasi, to umui emui namo totona unai gaukara idia karaia. Oibe, idia edia hereva, be harihari Sivarai Namona ena haroro taudia ese umui dekenai idia haroro henia vadaeni. Lauma Helaga guba dekena amo Dirava ese ia siaia diho dainai, unai Sivarai Namona idia harorolaia noho. Inai kara bona Sivarai Namona, be aneru danu idia ura dikadika do idia itaia bona diba.

1 PETERO 1:7

Inai dibagani edia badina be inai: Dirava ese emui abidadama ena goada do ia tohoa. Umui diba, golo be ia dika lao diba, to lahi lalonai idia atoa, be iena goada tohoa bona hanamoa totona. Abidadama be golo hegeregerena lasi. Lasi, ia ese golo ia hereaia. Vadaeni emui abidadama ena goada idia tohoa gaudia, hegeregere hisihisi o dibagani, be namo. Badina idia ese iseda abidadama idia hanamoa bona hagoadaia noho. Bona Iesu Keriso ia hedinarai dinana dekenai mataurai bona hairai bona hanamoa do umui davaria.

1 PETERO 4:13

Lasi, to Keriso danu umui hisihisi hebou dainai do umui moale. Badina be gabeai, Keriso ena hairai ia hedinaraia neganai, do umui moale bada herea.

1 PETERO 5:4

Vadaeni, Mamoe Naria Tauna Badana do ia hedinarai neganai, hairai ena kwara gauna, do ia dika diba lasi gauna, do umui abia.

1 IOANE 3:2

Lauegu lalokau taudia e, harihari ita be Dirava ena natuna, to gabeai ita be edena bamona, be ita do diba namonamo lasi. To inai gauna ita diba namonamo: Keriso do ia hedinarai neganai, ita be iena toana bamona do ita lao, badina be iena toana korikori do ita itaia.

2 IOANE 1:1

Lau ekalesia ena gunalaia tauna ese, Dirava ese ia abia hidi hahinena mai oiemu natuna taudia danu inai revareva umui dekenai lau torea inai. Lau ese umui lau lalokau henia momokani. Bona lau sibona lasi, to hereva momokani idia diba taudia ibounai ese umui idia lalokau henia.

3 IOANE 1:1

Lau ekalesia ena gunalaia tauna ese lauegu lalokau Gaio, oi dekenai inai revareva lau torea inai. Oi lau lalokau henia mai momokani danu.

APOKALUPO 1:9

Lau be umui emui kakana Ioane. Iesu ena murinai lau raka noho dainai, lau be umui danu ita hisihisi noho mai haheauka danu. Badina be iena Basileia taudia ibounai ese hisihisi idia abia noho. Lau ese Dirava ena hereva, bona egu abidadama Iesu dekenai lau gwauraia hedinarai noho. Unai dainai, lau idia dogoatao, bona motumotu ta, ladana be Patamo, dekenai lau idia atoa, lau noho.