1 PETERO 4:8 - Buka Helaga (Hiri Motu) 1993

⁸ To gau badana momokani be inai: Umui ta ta dekenai do umui lalokau henia, mai emui lalona ibounai. Badina be lalokau tauna be Dirava ese iena kara dika momo do ia gwauatao.

1 PETERO 4:8 Iomraidhean Croise

AONEGA HEREVADIA 10:12

Badu ese heai ia havaraia noho, to lalokau ese kerere ibounai ia koua noho.

AONEGA HEREVADIA 12:16

Kavakava tauna ese iena badu ia hedinaraia haraga noho, to laloa kehoa tauna ese, ia dekenai idia hereva dika henia neganai do ia laloa lasi.

AONEGA HEREVADIA 17:9

Dika ia gwauatao tauna ese lalokau ia havaraia noho, to unai dika ia gwauraia loaloa tauna ese, turana dala ia hadikaia noho.

AONEGA HEREVADIA 18:13

Hereva do oi kamonai guna, gabeai do oi haere. Bema oi haere haraga, oi be kavakava, bona hemarai do oi davaria.

1 KORINTO 13:1

Bema taunimanima edia gado idauidau lau hereva diba, aneru edia gado danu, to egu lalokau be lasi neganai, egu hereva be auri idia botaia, o gaba idia toua kava bamona.

1 KORINTO 13:4

Lalokau be ia dekenai ia kara dika tauna davana ia laloa lasi. Lalokau be mai ena bogahisihisi, haida durua totona. Lalokau be kohu momo tauna ia mama henia lasi. Lalokau be ia heagi lasi, bona ia hekokoroku lasi.

KOLOSE 3:14

To unai kara ibounai ia hereaia kara be lalokau. Do umui lalokau henia, vadaeni do umui noho hebou namo herea, mai laloa tamona danu.

1 TESALONIKA 3:12

Namona be Lohiabada ese emui lalokau umui ta ta dekenai, bona taunimanima ibounai dekenai do ia habadaia, umui dekenai ai lalokau henia ena bada hegeregerena.

2 TESALONIKA 1:3

Aiemai varavara taudia e, nega ibounai umui totona Dirava ai hanamoa. Unai be ia maoro, badina be umui emui abidadama ia bada lao noho, bona emui lalokau umui ta ta dekenai danu ia bada lao noho.

1 TIMOTEO 1:5

Lauegu oda ena anina korikori be, lau ura lalokau do ia vara, laloa goevagoeva, laloa maoromaoro bona abidadama korikori dekena amo.

HEBERU 13:1

Umui Keristani taudia e, nega ibounai emui Keristani varavara taudia do umui lalokau henidia, be gau badana.

IAMESI 5:12

Lauegu varavara taudia e, gau bada herea be inai: Hereva metau o hereva helaga dekena amo do umui gwauhamata lasi. Guba, o tanobada, o idau gauna ta ena ladana dekenai do umui gwauhamata lasi. To bema “oibe” oi hereva gwauraia neganai, “oibe” sibona do oi gwau. Bona bema “lasi” oi hereva gwauraia neganai, “lasi” sibona do oi gwau. Hereva haida ma do umui gwauraia lasi, Dirava ena panisi do umui davaria garina.

IAMESI 5:20

Inai do umui laloa namonamo: Bema tau ta ese kara dika tauna ia durua, vadaeni unai dika tauna ese iena dala dikana ia rakatania, unai durua tauna ese unai tau ena lauma be mase dekena amo do ia hamauria. Bona unai durua tauna ena kara dika momo danu, be Dirava ese do ia gwauatao.

1 PETERO 1:22

Umui ese hereva momokani umui badinaia dainai, umui ese sibona emui laumadia umui hagoevaia vadaeni, bona emui Keristani varavara umui lalokau henidia noho. Umui ta ta do umui lalokau henia, mai emui lalona ibounai.

3 IOANE 1:2

Lauegu lalokau tauna e, Dirava lau noia, gau ibounai oi karaia ese namo do idia havaraia, bona lau noia danu, oiemu tauanina ena mauri ibounai do ia namo. Badina lau diba vadaeni oiemu lauma ia namo noho.