1 PETERO 4:7 - Buka Helaga (Hiri Motu) 1993

⁷ Gau ibounai edia dokona ena nega be kahirakahira. Unai dainai do umui noho namonamo, mai laloa maoromaoro danu, bona do umui guriguri noho, nega ibounai.

1 PETERO 4:7 Iomraidhean Croise

GENESE 19:35

Vadaeni, unai hanuaboi idia hakekeroa, bona tadina kekeni be iena tamana danu idia sihari. Ia be kekero dainai ia diba lasi dahaka ia vara.

GENESE 6:13

Dirava ese Noa dekenai ia hereva, ia gwau, “Mauri gaudia ibounai do lau haorea. Ibounai do lau hamasea haorea, badina tanobada be edia kara dika dekenai ia honu momokani.

HADIBAIA TAUNA 7:2

Taitai ena ruma do oi raka vareai be namo, aria ena ruma do oi raka vareai be dika. Badina be mauri taudia ibounai idia diba idia be do idia mase, bona inai mase do idia laloaboio lasi be namo.

IEREMIA 5:31

Peroveta taudia be idia peroveta koikoi noho, bona hahelagaia taudia ese, sibodia edia laloa hegeregerena taunimanima idia naria noho, bona egu bese taudia be inai bamona dala idia ura henia noho. To nega ena dokona do ia ginidae neganai, dahaka do umui karaia?”

ESEKIELA 7:6

Dokona ia ginidae vadaeni, dokona momokani ia ginidae vadaeni. Do umui itaia, umui dekenai ia mai noho inai!

MATAIO 24:42

Unai dainai do umui naria, badina be umui emui Lohiabada do ia mai negana be umui diba lasi.

MATAIO 25:13

“Unai dainai, do umui naria namonamo noho. Badina dina bona hora be umui diba lasi.”

LUKA 21:34

“Do umui naria namonamo, aniani bona kekero muramura bona tanobada ena laloa metau momo gaudia ese emui lalona do idia guia garina, vadaeni Lohiabada ena Dina do ia mai haraga, umui hegaegae lasi garina.

LUKA 21:36

Unai dainai, do umui naria, bona nega ibounai do umui guriguri, vadaeni inai dika ibounai dekena amo do umui heau mauri, vadaeni Taunimanima ena Natuna ena vairana dekenai do umui gini.”

LUKA 22:46

Vadaeni ia ese ia hereva idia dekenai, ia gwau, “Badina dahaka umui mahuta? Umui toreisi, umui guriguri, dibagani ese umui do ia abia garina.”

ROMA 12:12

Lohiabada ena namo umui dekenai do umui laloa noho mai moale danu. Nega dika ia mai neganai do umui gini goada. Guriguri do umui goadalaia nega ibounai.

1 KORINTO 15:24

Unai murinai dokona do ia ginidae, vadaeni Keriso ese gunalaia taudia ibounai, lohia taudia ibounai, bona siahu taudia ibounai do ia haorea. Unai neganai danu Keriso ese Dirava ena Basileia be Tamana Dirava ena imana dekenai do ia atoa.

1 KORINTO 7:29

Varavara taudia e, lauegu hereva ena anina be inai: Nega be kwadogi. Unai dainai inai nega kwadogina ia noho lalonai, tatau mai edia adavana be adavana lasi taudia bamona do idia noho be namo.

EFESO 6:18

Nega ibounai Lauma Helaga ena siahu dekena amo guriguri bona noinoi do umui gwauraia. Do umui hesiku lasi, to nega ibounai guriguri totona do umui noho hegaegae. Dirava ena taudia totona do umui guriguri nega ibounai.

FILIPI 4:5

Emui manau bona manada kara taunimanima ibounai edia vairanai do umui hedinaraia. Lohiabada be kahirakahira do ia ginidae.

KOLOSE 4:2

Umui guriguri goada, do umui hesiku lasi. Umui guriguri neganai, umui gwauraia gauna do umui laloa namonamo, bona Dirava do umui tanikiu henia.

2 TIMOTEO 4:5

To oi ese nega ibounai do oi laloa maoromaoro. Hisihisi lalonai do oi haheauka. Sivarai Namona harorolaia gaukara do oi karaia, bona Dirava ena hesiai tauna ena dagi karadia ibounai do oi karaia namonamo.

TITO 2:12

Bona inai hariharibada ese ita ia hadibaia noho, Dirava negea kara bona lebulebu kara do ita rakatania. Ita ia hadibaia danu, do ita noho namonamo, do ita kara maoromaoro, bona Dirava do ita matauraia.

HEBERU 10:25

Iseda guriguri hebou kara do umui hadokoa lasi, haida ese idia hadokoa bamona. To umui ta ta emui Keristani varavara taudia edia lalona do umui hagoadaia, oibe, inai kara do umui habadaia be namo. Badina be Lohiabada ena Dina be kahirakahira do ia ginidae.

HEBERU 9:26

Badina be bema nega momo ia karaia neganai, ia be hisihisi do ia abia lou, abia lou, Dirava ese tanobada ia karaia negana amo, ia mai bona hari. To unai bamona be lasi. Harihari, inai nega dokona dekenai, Keriso be tanobada dekenai ia hedinarai, nega tamona sibona. Ia sibona ena mauri, be boubou gauna Dirava dekenai ia henia, kara dika kokia totona.

1 PETERO 1:13

Unai dainai do umui laloa namonamo, bona do umui naria namonamo. Do umui noho hegaegae, bona Iesu Keriso do ia hedinarai neganai do umui abia hanamoa, be do umui naria noho.

1 PETERO 3:7

Tatau e, umui danu, emui adavana danu umui noho hebou ena dala do umui laloa namonamo. Hahine ena tauanina be goada herea lasi, unai dainai do umui naria namonamo, bona matauraia. Umui laloaboio lasi, umui, mai emui adavana danu, ese Dirava ena hariharibada umui abia hebou dainai, mauri hanaihanai umui davaria. Unai bamona do umui karaia neganai, emui guriguri haere dalana be gau ta ese do ia koua lasi.

1 PETERO 5:8

Do umui laloa maoromaoro, bona naria namonamo. Umui dekenai ia tuari henia tauna, Satani, be laiona mai ena boiboi bada bamona. Ia ese hunia dekenai ia raka loaloa noho, do ia ania ore taudia ia tahua noho.

APOKALUPO 16:15

“Kamonai! Lau be henaoa tauna bamona umui dekenai do lau mai. Ia noga noho, bona iena dabua ia atoa hegaegae noho tauna be namo. Ia namo lasi, mai kopina kavakava do ia loaloa, badina be unai bamona iena hemarai do ia hedinaraia garina.”