1 PETERO 4:3 - Buka Helaga (Hiri Motu) 1993

³ Badina be gunaguna umui be Dirava diba lasi taudia hegeregerena umui noho. Emui kara gunadia be inai: Matabodaga, sihari kava, kekero, lebulebu, uaina umui inua momo, bona kaivakuku dikadia umui tomadiho henia.

1 PETERO 4:3 Iomraidhean Croise

2 SAMUELA 13:28

Vadaeni Abesaloma ese iena hesiai taudia ia oda henia, ia gwau, “Aminona do umui itaia namonamo, ela bona uaina momo ia inua, bona ia kekero. Ia kekero momokani neganai, do lau gwau, ‘Aminona do umui alaia,’ bona unai neganai do umui alaia mase. Do umui gari lasi, badina lau ese umui lau oda henia, ani? Do umui boga auka, bona do umui laloa goada.”

1 KING TAUDIA 21:26

Ahaba ese danu kara dika bada herea ia karaia, dirava koikoidia edia murinai ia raka neganai. Ia ese Amoro taudia, unai edia dika rohoroho ibounai hegeregere ia karaia. Lohiabada ese Amoro taudia be edia tano dekena amo ia luludia, Israela taudia edia vairanai.

2 SIVARAI 15:8

Asa ese Asaraia Odede ena peroveta hereva ia kamonai neganai, iena lalona ia goada, bona ia ese Iuda bona Beniamina dekenai noho kaivakuku ia kokia ore. Ma kaivakuku haida, Eparaima ena ororo tano dekenai, tuari dekenai ia abia hanua dekenai noho kaivakuku, danu ia kokia ore. Ma Lohiabada ena Dubu Helaga ena dehena ena vairana dekenai ia noho boubou patana danu, be Asa ese ia hanamoa lou.

ISAIA 28:7

Peroveta taudia bona hahelagaia taudia danu be muramura idia inua dainai idia kekero, bona idia raka namonamo diba lasi. Idia be uaina bona bia momo idia inua dainai, idia moru kava bona idia laloa daradara. Peroveta taudia be idia kekero dainai, Dirava ese idia dekenai ia siaia mata hanai edia anina idia diba lasi. Bona hahelagaia taudia be kekero dainai, taunimanima edia hepapahuahu idia hamaoromaoroa diba lasi.

ISAIA 5:11

Momokani, do umui dika! Umui ese daba maragi neganai umui toreisi noho, uaina bona bia do umui inua totona. Bona umui helai noho, bona inua noho ela bona hanuaboi momokani, ela bona umui kekero momokani. Umui be dika!

ISAIA 65:4

Hanuaboi neganai idia be nadi matudia bona mase guria gabudia dekenai idia lao, mase taudia edia laumadia do idia hereva henidia totona. Boroma edia vamu idia ania, bona vasiahu, idau dirava dekenai henia vamuna dekena amo idia karaia gauna, idia inua noho.

IEREMIA 16:11

“Unai neganai oi ese idia do oi haere henia, do oi gwau, ‘Lohiabada be inai bamona ia hereva: Emui tamadia ese lau idia rakatania, dirava idaudia edia murinai idia raka lao, edia hesiai gaukara idia karaia, bona idia tomadiho henidia. Idia ese lau idia rakatania, bona egu taravatu idia kamonai henia lasi.

IEREMIA 16:18

Edia kerere bona edia kara dika edia davana do lau habadaia, nega rua do lau henia, badina be idia ese egu tano be edia kaivakuku dikadia momokani dekena amo idia hamiroa vadaeni, bona edia dirava koikoidia dekenai idia hahonua vadaeni.”

ESEKIELA 44:6

“Bona unai dagedage besena, Israela bese taudia do oi hamaoroa, do oi gwau, Lohiabada Dirava ese inai bamona ia hereva, ia gwau: Israela besena e, emui kara dika rohorohodia ibounai do umui hadokoa.

ESEKIELA 45:9

Lohiabada Dirava ia gwau, “Umui Israela ena king taudia e, egu bese taudia umui dagedage bona hisihisi henidia karadia do umui hadokoa. Kota maoromaoro, bona kara maoromaoro danu do umui karaia. Umui ese egu bese taudia edia tano dekena amo do umui luludia lou lasi. Lau, Lohiabada Dirava ese umui lau hamaoroa noho inai.

MAREKO 7:22

tanobada gaudia ura dikadika kara, kerere idauidau, koikoi kara, lebulebu mai matabodaga kara, mata dika kara, tau ta ena ladana hadikaia kava kara, hekokoroku kara, bona Dirava ura lasi kara.

APOSETOLO EDIA KARA 17:30

Gunaguna taunimanima edia diba lasi be Dirava ese ia laloa lasi, to harihari ia ese taunimanima ibounai gabu ibounai dekenai ia hamaoroa, ia gwau, ‘Umui emui lalona umui giroa.’

ROMA 13:13

Iseda kara do ita naria namonamo, iseda raka be dina dekenai do ita raka. Do ita lebulebu lasi, do ita inua kekero lasi, do ita heudahanai lasi, do ita sihari kava lasi, do ita heai lasi, do ita mama lasi.

1 KORINTO 12:2

Umui diba, Dirava umui diba lasi neganai, haida ese kaivakuku, hereva diba lasi gaudia dekenai umui idia hakaua kerere lao. Umui ese idia murinai umui raka sibona.

1 KORINTO 6:11

Umui haida be guna unai bamona umui karaia. To Dirava ese umui emui kara dika ia huria goeva vadaeni, ia ese helaga taudia umui ia halaoa vadaeni. Bona hari Dirava ena vairana dekenai umui be maoromaoro, Lohiabada Iesu Keriso dainai, bona Dirava ena Lauma dainai.

2 KORINTO 12:21

Lau gari danu, lau ginidae neganai egu Dirava ese lau do ia hahemaraia umui emui vairanai. Bona kara dika taudia momo totona do lau tai, badina be edia matabodaga, edia heudahanai, edia lebulebu kara dekena amo edia lalona idia giroa lasi dainai.

GALATIA 5:19

Tauanina ena kara be ita ibounai ita diba. Karadia be inai: Heudahanai, kara mirodia, matabodaga,

GALATIA 5:21

laloa dikadia, kekero, lebulebu, bona unai bamona kara ibounai. Guna umui lau hamaoroa, bona hari lau sisiba henia lou momokani, unai bamona idia karaia taudia ese Dirava ena Basileia dekenai do idia vareai diba lasi.

EFESO 5:18

Inuinu dekena amo do umui kekero lasi, inai be emui mauri do ia hadikaia. To Lauma Helaga dekena amo do umui honu.

1 TESALONIKA 4:5

Emui adavadia do umui ura henidia lasi mai matabodaga danu, Dirava diba lasi bese taudia bamona.

TITO 3:3

Badina be ita danu gunaguna ita be mai kavakava, mai kamonai lasi, bona mai kerere danu. Ura dikadia bona tauanina ena moale gaudia idauidau ese ita idia koia. Ita ese haida ita laloa dika henia, ma haida ita mama henia. Haida be ita ese ita badu henia, bona haida ese ita danu idia badu henia.

1 PETERO 1:14

Dirava do umui kamonai henia. Guna, umui be do diari umui diba lasi neganai, emui tauanina ena ura dikadia ese umui idia biagua. Unai bamona do umui karaia lou lasi.

IUDA 1:4

Badina be haida ese umui emui orea dekenai hunia dala dekenai idia vareai vadaeni. Gunaguna Buka Helaga ia gwau unai bamona taudia be Dirava ena Kota dekenai edia kerere davana do idia davaria momokani. Idia ese Dirava idia negea. Idia ese Dirava ena hariharibada idia hadibaia kerere, edia lebulebu karadia do idia karaia diba totona. Inai taudia ese iseda Lohiabada Iesu Keriso, iseda Biaguna tamona, idia negea vadaeni.