1 PETERO 4:17 - Buka Helaga (Hiri Motu) 1993

¹⁷ Dirava ena Kota Badana ena nega be ia ginidae vadaeni, bona Dirava ese iena orea taudia do ia kota henidia guna. To bema ita do ia kota henia guna, Dirava ena Sivarai Namona idia abidadama henia lasi taudia edia dokona be edena bamona?

1 PETERO 4:17 Iomraidhean Croise

IEREMIA 25:29

Kamonai! Lau ese egu ladana ia noho hanua lalonai dika bada lau havaraia hamatamaia noho, vadaeni umui laloa egu panisi dekena amo do umui heau diba, a? Lasi, davana abia dekena amo do umui heau mauri diba lasi, badina be lau ese tanobada ena kahana ibounai dekenai tuari do lau siaia lao. Lau inai, Siahu Ibounai Lohiabada lau hereva noho inai.’

2 TESALONIKA 1:8

Mai lahi siahu bada danu, Dirava ese ia idia ura lasi taudia, bona Lohiabada Iesu ena Sivarai Namona idia abia dae lasi taudia dekenai davana metau do ia henidia.

ESEKIELA 9:6

tau burukadia, uhau, kekeni badadia, memero, kekeni, bona hahine danu. To iena baguna dekenai maka idia abia taudia do umui alaia lasi. Egu Dubu Helaga dekena amo inai kara do umui karaia hamatamaia.” Unai dainai idia ese unai tau badadia, Dubu Helaga ena vairanai idia gini noho taudia dekenai inai alaia kara idia hamatamaia.

1 PETERO 2:8

Ma ia gwau: “Inai Nadi be taunimanima dekenai do ia bamepa, bona do idia hekwakwanai. Inai Nadi badana ese taunimanima do ia hamorudia.” Idia ese Dirava ena hereva idia kamonai henia lasi dainai, idia hekwakwanai, bona idia moru. Gunaguna Dirava ia hereva unai bamona do idia karaia.

ROMA 2:9

Kara dika taudia ese kerere davana metau bona hisihisi bada do idia davaria, Iuda taudia be guna, bona Iuda lasi taudia danu.

LUKA 23:31

Badina bema au be mai mauri danu neganai inai bamona kara idia karaia, be au mai kakoro danu neganai be edena bamona do idia karaia?”

MALAKI 3:5

Siahu Ibounai Lohiabada ia gwau, “Unai dainai lau be umui dekenai do lau mai, umui do lau kota henia. Lau ese karaharaga inai bamona kara dika taudia do lau samania: Vada idia karaia taudia, heudahanai taudia, kota dekenai idia hereva koikoi taudia, edia gaukara taudia edia davana koikoi dekena amo idia hamaragia taudia, vabu bona ogogami taudia idia hisihisi henidia taudia, bona idau bese taudia idia hadikaia noho taudia. Inai bamona idia karaia noho taudia ese lau idia gari henia lasi, unai dainai lau ese idia do lau kota henia.

AMOSA 3:2

Lohiabada ia gwau, “Tanobada besedia ibounai edia huanai dekena amo umui sibona lau abia hidi, egu, bona umui sibona lau naria namonamo. Unai dainai umui emui kerere be maragi lasi, to ia bada herea momokani. Bona unai dainai emui kara dikadia ibounai edia davana do lau henia momokani umui dekenai.”

ISAIA 10:12

To Lohiabada ia gwau, “Lau ese egu panisia gaukara ibounai Siona Ororo bona Ierusalema edia latanai lau haorea neganai, lau ese Asuria ena king ena hekokoroku hereva bona iena heagi bada dainai, ia do lau hadikaia.

HEBERU 5:9

Ela bona ia be namo momokani vadaeni, iena namo ese ibounai edia namo ia hereaia. Unai dainai ia be hegeregere vadaeni, ia dekenai idia kamonai henia taudia ibounai dekenai, be mauri hanaihanai do ia henidia. Dirava ese inai dala ia havaraia.

HEBERU 2:4

Dirava ese danu hoa bona toa karadia dekena amo inai hamauria ia hamomokania. Ia ese siahu karadia idauidau ia hedinaraia, bona Lauma Helaga ena harihari gaudia, be abidadama taudia dekenai Dirava ese ia henia, iena ura hegeregerena.

HEBERU 2:2

Gunaguna Dirava ese iena aneru dekena amo, iena hereva ia gwauraia, bona unai aneru edia hereva be mai siahu bada. Edia hereva idia utua taudia ibounai be edia kerere davana idia davaria momokani, ani?

GALATIA 5:7

Guna be Keriso ena dala dekenai umui raka namo herea. Daika ese emui dala ia hadikaia, vadaeni hereva momokani umui badinaia lasi, a? Edena bamona umui emui lalona ia ania?

HEBERU 11:8

Aberahamo ese Dirava ia abidadama henia. Unai dainai Dirava ese Aberahamo ia boiria, vadaeni Aberahamo ese Dirava ena hereva ia kamonai henia. Iena hanua ia rakatania, Dirava ese ia ura do ia henia tanona dekenai do ia lao totona. Aberahamo be ia lao gwauraia gabuna ia diba lasi. To ia abidadama henia, vadaeni ia lao.

GALATIA 3:1

Galatia taudia e, kavakava taudia, lau ese Iesu Keriso umui dekenai lau hedinaraia vadaeni. Unai be hegeregere emui matana dekenai Keriso ena mase satauro dekenai umui itaia bamona! To hari be daika ese iena meamea dekena amo umui ia koia?

IEREMIA 49:12

Badina be Lohiabada be inai bamona ia gwau. “Bema mai edia kerere lasi taudia ese kerere davana ena kapusi do idia inua neganai, umui laloa emui dika ena davana do umui abia lasi, a? Dika davana do umui abia momokani, bona dika davana ena kapusi do umui inua momokani.

ROMA 1:1

Lau inai Paulo, lau be Iesu Keriso ena hesiai tauna. Lau be iena aposetolo, badina be ia ese ia boiboi vadaeni lau dekenai. Ia ese lau ia abia hidi, Dirava ena Sivarai Namona do lau harorolaia hedinarai totona.

GALATIA 6:10

Unai dainai, dala ita davaria neganai, taunimanima ibounai dekenai kara namodia do ita karaia. To Keriso ena abidadama henia taudia do ita durua bada herea be namo.

1 TIMOTEO 3:15

To bema lau mai haraga lasi neganai, inai revareva ese oi do ia hadibaia, edena kara do ita karaia Dirava ena ekalesia lalonai. Ita be Dirava ena orea taudia, bona inai orea be mauri Diravana ena ekalesia. Ekalesia be hereva momokani ena du, bona hereva momokani ia gimaia maguna.

HEBERU 3:6

To Keriso be Dirava ena Natuna korikori. Unai dainai ia be Dirava ena bese ena kwarana tauna momokani. Ia ese unai bese ia naria noho, iena Tamana ena ura hegeregerena. Ita be Dirava ena bese taudia, bema mai abidadama, moale, bona laloa goada danu Lohiabada ena mauri hanaihanai ita naria noho neganai.

1 PETERO 2:5

Umui danu be mauri nadidia bamona, bona Dirava ia ura umui do ia gaukaralaia, vadaeni Lauma Helaga ena ruma do umui lao. Vadaeni Dirava ena hesiai gaukara do umui karaia, hahelagaia taudia edia gaukara do umui karaia. Umui ese boubou gaudia bona harihari gaudia helagadia, Dirava do ia abia dae gaudia, ia dekenai do umui henia, Iesu Keriso ena ladana dainai.