1 PETERO 2:1 - Buka Helaga (Hiri Motu) 1993

¹ Unai dainai, laloa badu ibounai, bona koikoi idauidau ibounai, dika ibounai, mama ibounai, bona taunimanima hereva dika henia kara ibounai do umui atoa siri.

1 PETERO 2:1 Iomraidhean Croise

IOBU 36:13

Dirava idia gari henia lasi taudia, be idia badu noho, doko lasi, bona matakani idia davaria neganai danu, idia be durua totona idia guriguri lasi.

SALAMO 32:2

Bema Lohiabada ese tau ta kerere totona ia samania lasi, bona unai tau ena lauma lalonai koikoi sisina ia noho lasi, unai tau be mai moale danu.

SALAMO 34:13

Vadaeni umui emui malana do umui naria, hereva dika do umui gwauraia lasi, bona do umui hereva koikoi lasi.

SALAMO 37:1

Do umui laloa hekwarahi lasi kara dika taudia dainai. Kara kerere taudia dainai do umui mama lasi.

SALAMO 73:3

Badina be lau itaia, tau dikadia ese moni bona kohu momo idia abia, bona hekokoroku taudia idia kwalimu, vadaeni lau mama henidia.

AONEGA HEREVADIA 14:30

Bema oiemu kudouna be mai ena maino danu neganai, oiemu tauanina do ia noho namo, to mama ese oiemu gorere dikana do ia havaraia.

AONEGA HEREVADIA 24:1

Kara dika taudia dekenai do umui mama henia lasi. Idia dekenai umui turana karaia gwauraia lasi.

AONEGA HEREVADIA 24:19

Oiemu lalona do ia hekwarahi lasi, kara dika taudia dainai, bona kerere idia karaia noho taudia, be do oi mama henia lasi.

AONEGA HEREVADIA 3:31

Dagedage taudia do oi mama henia lasi. Edia mauri daladia ta danu do oi ura henia lasi,

ISAIA 2:20

Unai dina dekenai taunimanima ese edia kaivakuku, siliva gaudia bona golo gaudia, do idia tomadiho henia totona idia karaia gaudia, be bita bona mariboi dekenai do idia negea lao.

ISAIA 30:22

Unai neganai danu, umui ese emui kaivakuku, idia koroa, bona siliva dekena amo idia koua gaudia, bona idia havevea golo dekena amo idia karaia kaivakuku danu do umui negea, momoru mirona umui negea bamona. Idia do umui hamaoroa, do umui gwau, “Umui siri momokani!”

MATAIO 15:7

Umui koikoi taudia e, momokani Isaia ese umui ia herevalaia, ia gwau:

MATAIO 23:28

Unai bamona danu taunimanima ese umui idia itaia be kara maoromaoro taudia bamona, to emui lalona be koikoi bona kerere idia honu momokani vadaeni.”

MATAIO 24:51

Biaguna ese kaia dekena amo unai tau do ia utua kahana maragimaragi, bona koikoi taudia danu, edia panisia gabu dekenai do ia siaia, vadaeni unuseni do idia tai, edia isena do idia koria auka masemase.

MATAIO 7:5

Koikoi tauna e, au badana oiemu matana dekena amo do oi kokia guna, oi itaia namonamo totona. Unai murinai au ena momoru oiemu tadikakana ena matana dekena amo do oi kokia diba.

MAREKO 12:15

Ai henia, o ai henia lasi?” Iesu ia diba edia koikoi, ia gwau, “Badina dahaka lau samania dala umui tahua? Siliva moni ta umui mailaia, lau itaia.”

LUKA 11:44

Madi umui be dika. Umui be mase guria gabu gunadia, hunia gaudia bamona, taunimanima ese edia latanai idia raka, bona miro idia abia, idia diba lasi inai be guria gabudia dainai.”

LUKA 12:1

Unai neganai taunimanima momo herea idia haboua, hegeregere aena dekenai idia ta ta dekenai moia tao moia tao. Vadaeni Iesu ese iena diba tahua taudia dekenai ia hereva henia guna, ia gwau, “Umui naria namonamo Farisea taudia edia koikoi kara dekenai.

LUKA 6:42

Badina be dahaka oiemu tadikakana oi hamaoroa, oi gwau, ‘Egu turana e, mani au ena momoru oiemu matana dekena amo do lau kokia,’ to au badana oiemu matana dekenai be oi itaia lasi. Koikoi tauna e, au badana oiemu matana dekena amo do oi kokia guna, murinai au ena momoru oiemu tadikakana ena matana dekenai do oi itaia namonamo, vadaeni do oi kokia.

IOANE 1:47

Iesu ese Natanaela ia itaia, ia dekenai ia mai noho, vadaeni ia herevalaia, ia gwau, “Israela tauna korikori be inai, ia be koikoi diba lasi momokani tauna!”

ROMA 1:29

Idia be dika idauidau ibounai dekenai idia honu, kara gagevagageva, kara dika, taunimanima alaia, heatu, koikoi kara, taunimanima hadikaia laloa. Danu idia ese kohu momo taudia idia mama henia. Taunimanima edia dika idia kikilaia momo.

1 KORINTO 14:20

Lauegu varavara taudia e, natuna maragi bamona do umui laloa lasi. Momokani, dika karaia totona natuna maragi bamona do umui laloa karaia. To inai laloa dobu gaudia totona, tau badadia bamona inai gaudia do umui laloa.

1 KORINTO 5:8

Unai dainai iseda Pasova aria ita abia be namo. Mai hatubua gauna gunana paraoa do ita ania lasi, badina inai be kara dika bona kerere ena toana. To mai hatubua gauna lasi paraoa sibona do ita ania be namo. Inai bamona paraoa be laloa goevagoeva bona hereva momokani do ita karaia ena toana.

2 KORINTO 12:20

Lau be lau gari, do lau ginidae neganai, umui do lau davaria, lauegu ura hegeregerena lasi. Umui ese danu lau do umui davaria, umui emui ura hegeregerena lasi. Vadaeni heai, mama, badu, dagedage, samania koikoi, maumau, hekokoroku bona laloa tamona hadikaia kara, inai kara ibounai do idia vara garina.

EFESO 4:31

Heai, dagedage, bona badu do umui koua. Hereva dika, laloa dika, bona samania koikoi hereva ibounai do umui hadokoa.

1 TESALONIKA 2:3

Umui dekenai ai haroro neganai, ai hereva koikoi lasi, ai laloa kerere lasi, bona tau ta ai hakaua kerere gwauraia lasi.

1 TIMOTEO 3:11

Edia adavana danu, be do idia kara maoromaoro hahine taudia. Do idia hereva dika lasi, do idia inuinu momo lasi, bona mai edia laloa maoromaoro danu do idia noho, edia kara ibounai lalonai.

TITO 2:3

Inai bamona danu hahine badadia do oi hadibaia, do idia noho namonamo, hahine helagadia bamona. Idia ese haida edia ladana do idia hadikaia lasi, bona inuinu kekero ese idia do ia biagua lasi. Idia ese kara namo do idia hadibaia.

HEBERU 12:1

Bona ita be edena bamona? Ita idia itaia noho taudia momo herea ese ita idia hagegea noho. Abidadama dalana ita dekenai idia ese idia hedinaraia vadaeni. Unai dainai, namona be ita idia hametaua gaudia ibounai, bona ita idia guia noho kara dikadia do ita negea momokani. Vadaeni iseda vairana dekenai ia noho heau helulu, be mai haheauka danu do ita heau goada.

IAMESI 1:21

Unai dainai miro karadia ibounai, laloa dikadia, bona kara dikadia ibounai do umui rakatania. Dirava henunai do umui noho, bona iena hereva, emui lalona dekenai ia hadoa gauna, do umui abia dae, mai emui manau danu. Inai hereva ese umui ia hamauria diba.

IAMESI 3:14

To umui emui lalona dekenai, bema mama, bona umui sibona habadaia kara idia noho neganai, emui aonega be momokani lasi. Unai be aonega koikoi, bona do umui heagilaia lasi, Dirava ena hereva momokani do umui hadikaia garina.

IAMESI 4:11

Lauegu varavara taudia e, umui ta ta do umui gwauraia kerere lasi. Tau ta ese bema iena Keristani varavara tauna ia gwauraia kerere, o ia gwauraia dika neganai, ia be maoro lasi. Badina unai kara dekena amo ia ese Taravatu ia gwauraia kerere, bona Taravatu ia gwauraia dika. Bema Taravatu oi gwauraia dika neganai, oi be Taravatu badinaia tauna lasi, to oi be Taravatu ena kota biaguna.

IAMESI 4:5

Buka Helaga lalonai ia torea, ia gwau: “Inai lauma, Dirava ese iseda lalona dekenai ia atoa laumana, be Dirava ia ura dikadika ia sibona ese do ia abia, iena.” Inai Buka Helaga ena hereva be anina lasi, a?

IAMESI 5:9

Lauegu varavara e, umui ta ta dekenai do umui maumau lasi, Dirava ese umui do ia kota henia garina. Kota Biaguna ia gini hegaegae noho iduara dekenai, iena mai be kahirakahira.

1 PETERO 2:16

Umui be ura kwalimu taudia, to inai ura kwalimu do umui gaukaralaia kerere lasi. Unai ura kwalimu lalonai umui noho neganai, hunia dekenai kara dika do umui karaia lasi, to Dirava ena hesiai taudia mai guia danu do umui noho.

1 PETERO 2:22

Ia ese kara dika ta ia karaia lasi. Bona iena uduna dekena amo hereva koikoi ta ia gwauraia lasi.

1 PETERO 3:10

Inai be Buka Helaga ena hereva bamona, ia gwau: “Bema tau ta ese mauri ia ura henia, bona nega namodia ia ura itaia neganai, ia ese iena uduna do ia naria, hereva dika do ia gwauraia lasi. Bona hereva koikoi do ia gwauraia lasi,

1 PETERO 4:2

Unai dainai harihari ia lao bona emui mauri dokona, inai tanobada dekenai do umui noho namonamo. Emui tauanina ena ura dikadia do umui karaia lasi, to Dirava ena ura sibona do umui badinaia.

1 PETERO 4:4

Harihari inai Dirava diba lasi taudia be idia hoa, badina umui ese unai bamona lebulebu karadia umui karaia lou lasi. Oibe, idia edia kara dekena amo umui raka siri vadaeni, unai dainai unai Dirava diba lasi taudia ese umui idia hereva dika henia noho.

APOKALUPO 14:5

Koikoi hereva nega ta idia gwauraia lasi, idia be kerere lasi momokani.