1 PETERO 1:8 - Buka Helaga (Hiri Motu) 1993

⁸ Umui ese Iesu umui itaia lasi, to umui lalokau henia. Umui ese umui itaia noho lasi, to umui abidadama henia noho. Unai dainai do umui moale bada, bona emui moale ese tanobada ena moale do ia hanaia momokani. Inai emui moale be ia bada herea dainai, emui uduna dekenai do umui herevalaia diba lasi.

1 PETERO 1:8 Iomraidhean Croise

SOLOMONA ENA ANE 1:7

Egu lalokau tauna e, lau do oi hadibaia, oiemu mamoe be edeseni oi ubua noho? Bona dina tubua neganai, edeseni oiemu mamoe dekenai, laga-ani oi henidia, idia hekure? Badina oi dekenai do lau mai gwauraia, lau ura lasi mamoe naria taudia haida edia mamoe, edia huana dekenai do lau loaloa kava.

SOLOMONA ENA ANE 5:16

Iena hereva be gaiho namo herea. Lau ese ia lau ura henia noho, bada momokani. Ierusalema hahine taudia e, egu lalokau tauna be unai. Egu turana be unai.

SOLOMONA ENA ANE 5:9

Hahine namona e, oiemu lalokau tauna be edena bamona iena namo, ese tau haida edia namo ia hereaia? Edena bamona ia namo herea momokani, bona ai ese unai gwauhamata do ai karaia?

MATAIO 10:37

“Bema tau ta ese iena tamana o iena sinana ia ura henia bada, to lau dekenai ia ura henia maragi, ia be lau dekenai do ia hegeregere lasi. O bema tau ta ese iena natuna mero o iena natuna kekeni ia ura henia bada, to lau be ia ura henia maragi, ia be lau dekenai do ia hegeregere lasi.

IOANE 14:15

“Bema lau dekenai umui lalokau henia, be lauegu taravatu do umui badinaia.

IOANE 14:21

“Lauegu taravatu ia abia dae bona ia badinaia tauna, inai tau ese lau ia lalokau henia. Lau ia lalokau henia tauna, be lauegu Tamana ese ia do ia lalokau henia, lau danu do lau lalokau henia, bona ia dekenai do lau hedinarai.”

IOANE 14:24

To lau ia lalokau henia lasi tauna ese lauegu hereva ia badinaia diba lasi. Umui kamonai herevadia be lauegu hereva lasi, to egu Tamana, lau ia siaia Diravana, iena.

IOANE 16:22

Umui danu, inai harihari be emui lalona idia hisihisi noho, to lau be umui do lau itaia lou, vadaeni emui lalona be do idia moale, bona tau ta ese umui emui moale do ia kokia diba lasi.

IOANE 20:29

Iesu ia gwau, “Lau oi itaia dainai lau dekenai oi abidadama, ani? Lau idia itaia lasi, to idia abidadama lau dekenai taudia be namo do idia davaria!”

IOANE 8:42

Iesu ma ia gwau, “Bema Dirava be umui emui Tamana, be lau do umui lalokau henia, badina be Dirava dekena amo lau mai, bona hari lau noho inai. Lau be sibona lau mai lasi, ia ese lau ia siaia.

APOSETOLO EDIA KARA 16:34

Bona ia ese iena ruma lalonai Paulo bona Sila ia hakaua vareai, bona idia dekenai aniani ia henia. Ia, mai ena ruma bese taudia danu idia moale bada, Dirava idia abidadama henia dainai.

ROMA 14:17

Badina Dirava ena Basileia be aniani gauna lasi o inuinu gauna lasi, to kara maoromaoro, bona maino, bona moale, Lauma Helaga ese ia henia gaudia.

ROMA 15:13

Dirava be iseda abidadama ena badina korikori dainai ia dekenai ita naria noho. Ia ese umui emui abidadama dainai, moale momokani bona maino momokani do ia henia umui dekenai. Inai dainai umui ese Dirava ena nega namona umui naria dalana, be do ia tubu daekau noho, Lauma Helaga ena siahu dekena amo.

1 KORINTO 16:22

Bema tau ta ese Lohiabada Iesu ia ura henia lasi, unai tau madi ia be dika momokani! Lohiabada Iesu e, mani oi mai!

2 KORINTO 1:22

Iena maka danu iseda latanai ia atoa vadaeni, bona iena Lauma Helaga danu iseda kudouna edia lalonai ia atoa vadaeni. Inai bamona Dirava ia karaia dainai, ita diba momokani iena gwauhamata gaudia ibounai be dohore ita abia.

2 KORINTO 12:4

Sedira ia vara momokani o mata hanai lalonai ia itaia, lau diba lasi, Dirava sibona ia diba. Paradaiso dekenai inai tau be hunia hereva ia kamonai, taunimanima idia gwauraia diba lasi herevadia.

2 KORINTO 4:18

Unai dainai matana dekenai ita itaia gaudia be do ita laloa lasi, to matana dekenai ita itaia lasi gaudia do ita laloa. Matana dekenai ita itaia gaudia be idia noho nega daudau lasi, to matana dekenai ita itaia lasi gaudia be nega hanaihanai do idia noho.

2 KORINTO 5:7

Iseda abidadama dekena amo ita diba inai gaudia be momokani. Badina iseda mauri be abidadama kara dekena amo, itaia kara dekena amo lasi.

2 KORINTO 9:15

Namona be Dirava ita hanamoa bada, iena hariharibada namo herea momokani dainai. Inai hariharibada ia bada herea dainai, iena anina be, tau ta ia gwauraia namonamo diba lasi.

GALATIA 5:22

To Lauma Helaga ese inai bamona karadia ia havaraia: Lalokau, moale, maino, haheauka, bogahisihisi, kara maoromaoro, abidadama momokani kara,

GALATIA 5:6

Badina be Iesu Keriso danu ai hakapua neganai, kopina utua kara bona kopina utua lasi kara ruaosi be anina lasi, to abidadama sibona. Oibe, abidadama, lalokau dekenai ia gaukara, inai sibona be mai anina.

EFESO 3:19

Oibe, lau ura Keriso ena lalokau do umui diba. Unai lalokau ese diba ibounai ia hereaia. Dirava lau noia, umui ese Keriso ena lalokau do umui diba momokani, unai neganai iena gau namodia dekenai ia honu dekena amo Dirava ese umui do ia hahonua.

EFESO 6:24

Iseda Lohiabada Iesu Keriso idia lalokau henia hanaihanai taudia ibounai dekenai Dirava ese iena hariharibada do ia henia.

FILIPI 1:25

Lau diba inai be maoro, unai dainai do lau mauri noho, umui ibounai durua totona. Bona do umui tubu daekau, bona Keriso do umui abidadama henia mai moale danu, inai ia vara totona umui do lau durua noho.

FILIPI 3:3

To ita ese kopina utua kara korikori ita abia vadaeni, idia be lasi. Badina be Lauma Helaga dekena amo Dirava ita tomadiho henia noho, bona Keriso Iesu danu ita hakapua noho, bona tauanina ena toana gauna ita abidadama henia lasi.

FILIPI 4:4

Nega ibounai do umui moale, Lohiabada lalonai umui noho dainai. Ma lau gwau lou: Do umui moale.

HEBERU 11:1

Abidadama ena anina be inai bamona: Ita daradara lasi, to ita diba momokani, Dirava ena davana namona ita naria kava lasi. Matana dekenai ita itaia lasi, to iseda lalona ia diba momokani, inai gauna do ita abia.

HEBERU 11:27

Mose ese Dirava ia abidadama henia. Unai dainai ia toreisi, Aigupito ia rakatania, king ena badu dekenai ia gari lasi. Mose ena lalona ia goada noho, ita itaia diba lasi Diravana, be Mose ese matana dekenai ia itaia bamona.

1 PETERO 1:6

Inai mauri do umui abia dainai umui moale bada noho, to inai nega sisina lalonai be sedira dibagani idauidau ese umui do idia hisihisi henia.

1 PETERO 2:7

Umui abidadama taudia dekenai, inai Nadi be namo bada herea. To abidadama henia lasi taudia dekenai, Buka Helaga ena hereva inai bamona ia torea vadaeni: “Ruma haginia taudia ese idia negea Nadina be, kona ena Nadi namo herea ia halaoa vadaeni.”

1 PETERO 5:4

Vadaeni, Mamoe Naria Tauna Badana do ia hedinarai neganai, hairai ena kwara gauna, do ia dika diba lasi gauna, do umui abia.