1 PETERO 1:5 - Buka Helaga (Hiri Motu) 1993

⁵ Umui ese Dirava umui abidadama henia dainai, iena siahu ese umui do ia naria noho ela bona hamauria dinana ia ginidae. Inai hamauria ia noho hegaegae, bona nega dokona dekenai do ia hedinarai momokani.

1 PETERO 1:5 Iomraidhean Croise

IOBU 19:25

Badina be lau diba, ia ese lau ia hamauria Diravana be ia noho, bona nega dokona dekenai, ia ese lau do ia durua.

SALAMO 37:28

Badina be Lohiabada ese, kara maoromaoro ia ura henia noho. Iena abidadama taudia, be ia ese do ia rakatania lasi. Kara maoromaoro taudia be, Lohiabada ese do ia naridia namonamo ela bona hanaihanai, to kara dika taudia edia natudia ese, dika do idia davaria.

AONEGA HEREVADIA 2:8

Dirava ese, mai maoromaoro danu taunimanima idia durua taudia, be ia gimaia noho, bona iena helaga momokani taudia edia dala, be ia naria namonamo noho.

ISAIA 45:17

To Israela be Lohiabada ese ia hamauria noho, bona Israela ena kwalimu be do ia noho hanaihanai. Iena taudia be hemarai do idia davaria lasi momokani.’ ”

ISAIA 51:6

Emui matadia do umui negea, guba bona tanobada do umui itaia! Badina guba be do ia boio ore, kwalahu bamona, bona tanobada do ia dika lao, dabua gunana bamona. Tanobada noho taudia be do idia mase, lao idia mase bamona. To egu hamauria kara be do ia noho ela bona hanaihanai, bona egu kara maoromaoro, be do ia noho nega ibounai, doko lasi.

ISAIA 54:17

To tuari gauna ta ese oi do ia hadikaia diba lasi. Bona oi idia samania gwauraia taudia, be oi ese idia edia hereva ibounai do oi koua diba. Lau ese egu hesiai taudia do lau naria namonamo, bona kwalimu idia dekenai do lau henia.” Lohiabada ese inai bamona ia hereva vadaeni.

ISAIA 66:22

Ma Lohiabada ia gwau, “Badina be guba matamatana bona tanobada matamatana, lau ese do lau karaia gaudia, be egu vairana dekenai do idia noho momokani hegeregerena, umui emui ladana, bona emui tubudia danu edia ladana do idia noho momokani, doko lasi.

IEREMIA 23:4

Lau ese gunalaia taudia matamatadia do lau abia hidi, bona idia ese egu mamoe do idia naria namonamo. Lauegu bese be do idia gari lou lasi, bona idia ta be do ia boio lasi. Lau, Lohiabada, lau hereva inai.”

IEREMIA 32:40

“Lau ese egu gwauhamata tara-vatuna idia dekenai do lau henia, noho hanaihanai gauna. Lau ese idia hanamoa totona karadia do lau karaia noho, doko lasi, bona ura namodia idia dekenai do lau henia, vadaeni idia ese lau dekenai do idia gari nega ibounai. Unai dainai, idia ese lau dekena amo do idia raka siri lasi.

IOANE 12:48

Lau ia ura henia lasi, bona lauegu hereva ia abia dae lasi tauna, be mai ena kota henia tauna ia noho. Lau gwauraia herevadia ese do idia kota henia, dokona dina dekenai.

IOANE 17:15

Lau noinoi lasi tanobada dekena amo idia oi kokia totona, to lau noinoi Tau Dikana dekena amo idia do oi hamauria.

IOANE 4:14

To lau ese do lau henia ranuna do ia inua tauna be do ia ranu mase lasi ia lao bona hanaihanai. Lau ese do lau henia ranuna be inai tau lalonai, sinavai bamona do ia heau noho, bona mauri ranuna do ia henia. Ma mauri hanaihanai danu do ia henia.”

IOANE 5:24

“Momokani, momokani umui lau hamaoroa, egu hereva ia kamonai, bona lau ia siaia Dirava dekenai ia abidadama henia, tauna ese mauri hanaihanai ia abia vadaeni. Ia be kota henia dekenai do ia vareai lasi, badina be mase ia rakatania vadaeni, mauri dekenai ia ginidae vadaeni.

ROMA 11:20

Inai be momokani. Idia be idia abidadama lasi dainai Dirava ese ia utudia oho, to umui be umui abidadama dainai, umui gini noho edia gabu dekenai. To do umui hekokoroku lasi, do umui gari noho.

ROMA 8:18

Lau laloa hari inai nega ita abia noho hisihisi be bada lasi, to gabeai do ita abia Dirava dekena amo hairaina be bada herea.

1 KORINTO 1:21

Oibe, Dirava ena aonega be bada herea, inai bamona: Tanobada taudia ese sibona edia aonega dekena amo Dirava idia davaria diba lasi. To ai ese ai harorolaia hereva kavakava dekena amo, abidadama henia taudia ibounai be Dirava ese do ia hamauria.

2 KORINTO 1:24

Ai ese umui emui abidadama ai biagua lasi. Ai diba umui emui abidadama lalonai umui gini goada noho. Unai dainai ai be umui danu ita gaukara hebou, emui moale do ai havaraia totona.

GALATIA 2:20

Lau be Keriso danu iena satauro dekenai lau mase vadaeni. To hari lau mauri noho, be lauegu mauri lasi, to Keriso be egu lalona dekenai ia mauri noho. Bona inai mauri, egu tauanina lalonai ia noho gauna, be Dirava ena Natuna lau abidadama henia dainai lau mauri noho. Ia ese lau ia lalokau henia, bona lau dainai iena mauri ia atoa diho.

EFESO 2:8

Badina be Dirava ena hariharibada ese umui ia hamauria vadaeni abidadama dainai, umui sibona ese lasi, to Dirava ena hariharibada, davana lasi ese.

EFESO 3:17

Bona Dirava lau noia, umui ese umui abidadama henia dainai, Keriso be umui emui kudouna lalonai do ia noho. Lau noia danu lalokau ese umui emui kudouna do ia hahonua, vadaeni do umui gini goada, ramu ese au badana ia dogoatao, ia gini goada bamona.

FILIPI 1:6

Bona lau diba momokani, inai gaukara namona umui lalonai ia hamatamaia Diravana ese unai gaukara do ia naria noho, ela bona ia karaia haorea Keriso Iesu ia giroa mai dinana dekenai.

FILIPI 4:7

Dirava ena maino ese taunimanima edia diba ia hanaia momokani. Keriso Iesu umui danu ia hakapua tamona dainai, inai maino ese emui laloa gaudia, bona emui kudouna idia mamia gaudia ibounai do ia gimaia namonamo.

2 TIMOTEO 3:15

Bona inai danu oi diba noho, oi be mero maragi neganai, Buka Helagadia dekenai oi manada momokani. Inai Buka Helagadia ese oi dekenai aonega idia henia noho diba, ela bona hamauria do oi davaria, Keriso Iesu oi abidadama henia dainai.

TITO 2:13

Bona inai hariharibada ese danu ita ia hadibaia vadaeni, Keriso do ita abidadama henia, bona iena gwauhamata ena anina do ita naria, mai moale bada danu. Oibe, ita ese Dirava badana bona iseda Hamauria Tauna Iesu Keriso edia hairai do ia hedinarai Dinana do ita naria noho.

HEBERU 6:12

Umui lahedo lasi. To abidadama bona haheauka taudia edia kara bamona do umui karaia. Vadaeni Dirava ia gwauhamatalaia davana namona, iena natuna taudia do idia abia gauna, be umui ese do umui abia.

HEBERU 9:28

Unai bamona danu Keriso ese nega tamona sibona iena mauri Dirava dekenai ia henia, taunimanima momo edia kara dika kokia totona. To gabeai, nega iharuana do ia mai hedinarai lou. Unai be kara dika kokia totona do ia mai lasi, to ia idia naria noho taudia do ia hamauria totona do ia mai.

1 PETERO 1:13

Unai dainai do umui laloa namonamo, bona do umui naria namonamo. Do umui noho hegaegae, bona Iesu Keriso do ia hedinarai neganai do umui abia hanamoa, be do umui naria noho.

1 PETERO 4:13

Lasi, to Keriso danu umui hisihisi hebou dainai do umui moale. Badina be gabeai, Keriso ena hairai ia hedinaraia neganai, do umui moale bada herea.

1 PETERO 5:1

Harihari lau ura umui ekalesia gunalaia taudia dekenai lau hereva henia. Lau danu be ekalesia gunalaia tauna ta. Lauegu matana dekena amo, Keriso ena hisihisi lau itaia, bona iena hairai do ia hedinaraia neganai, lau danu be mai lauegu davana namona. Umui lau noia,

2 PETERO 1:3

Dirava ese iena siahu dekena amo iseda mauri hanamoa gaudia ibounai, bona ia badinaia totona goada ibounai, be ita dekenai ia henia vadaeni. Ita durua totona, Dirava ese iena diba bada ita dekenai ia harihari henia. Vadaeni, iena hairai bona iena siahu ita diba momokani. Bona ita ia abia hidi Tauna danu ita diba momokani.

1 IOANE 3:2

Lauegu lalokau taudia e, harihari ita be Dirava ena natuna, to gabeai ita be edena bamona, be ita do diba namonamo lasi. To inai gauna ita diba namonamo: Keriso do ia hedinarai neganai, ita be iena toana bamona do ita lao, badina be iena toana korikori do ita itaia.

IUDA 1:1

Lau Iuda, lau be Iesu Keriso ena hesiai tauna, bona Iamesi ena tadina. Umui, Dirava ese umui ia abia hidi taudia dekenai inai revareva lau torea. Umui be Tamana Dirava ese ia lalokau henia, bona Iesu Keriso ese umui ia naria noho.

IUDA 1:24

Dirava ese umui ia naria diba, vadaeni do umui moru lasi. Ia ese umui ia hakaua diba, vadaeni iena gabu namo herea momokani dekenai umui do ia atoa, kerere ta lasi, bona mai emui moale bada danu.

1 SAMUELA 2:9

Lohiabada ese iena taudia edia mauri ia naria noho, to kara dika taudia, be dibura dekenai do ia negedia. “Badina be tau ta ese sibona ena goada, dekena amo ia kwalimu diba lasi.