1 PETERO 1:3 - Buka Helaga (Hiri Motu) 1993

³ Dirava, iseda Lohiabada Iesu Keriso ena Tamana do ita hanamoa bada. Iena bogahisihisi ia bada herea. Ia ese Iesu Keriso mase dekena amo ia hatorea isi lou. Bona unai dainai ita be matamata vadaeni, ita vara lou. Vadaeni mauri korikori ena ura namona laloa ese iseda lalona ia hahonua.

1 PETERO 1:3 Iomraidhean Croise

1 KING TAUDIA 8:15

Unai neganai ia gwau, “Lohiabada, Israela ena Dirava do ita hanamoa. Ia ese lauegu tamana Davida ena gwauhamata ia badinaia vadaeni, Lohiabada ia gwau,

1 SIVARAI 29:20

Vadaeni Davida ese hebou taudia ibounai ia oda henia, ia gwau, “Lohiabada, emui Dirava, do umui hanamoa.” Vadaeni hebou taudia ibounai ese Lohiabada, edia sene taudia edia Dirava idia hanamoa, edia kwaradia tano dekenai idia atoa diho, Lohiabada idia tomadiho henia. King ena vairanai danu idia tomadiho.

2 SIVARAI 31:8

Hesekaia bona iena lohia taudia ibounai idia mai, bona inai harihari gaudia idia haboua vadaeni gaudia idia itaia neganai, idia ese Lohiabada bona iena bese Israela idia hanamoa.

SALAMO 41:13

Lohiabada, Israela ena Dirava be do ita hanamoa! Ia do ita hanamoa, harihari ia lao bona hanaihanai. Amen bona Amen!

SALAMO 86:15

To Lohiabada e, oi be bogahisihisi bona hariharibada Diravana. Oiemu badu be haraga lasi, to oiemu lalokau bona maoromaoro be bada herea momokani.

SALAMO 86:5

Lohiabada e, oi be mai oiemu bogahisihisi, bona kara dika oi gwauatao noho. Oi dekenai idia guriguri noho taudia dekenai, oiemu noho hanaihanai lalokauna oi henia noho.

ESODO 34:6

Vadaeni Lohiabada ese Mose kahirakahira ia raka hanaia, bona ia boiboi inai bamona, ia gwau, “Lau be Lohiabada. Lau Lohiabada be bogahisihisi bona hariharibada Diravana. Lau be badu dekenai lau haraga lasi, to bogahisihisi bona lalokau dekenai lau be haraga.

ISAIA 26:19

To aiemai mase taudia be do idia mauri lou, edia tauanidia be do idia toreisi lou. Guria gabudia dekenai idia mahuta noho taudia, be do idia noga, bona mai moale danu ane do idia abia. Badina be hanuaboi ena paripari ese, tano ia hagoadaia lou bamona, Lohiabada ese mase vadaeni taudia do ia hamauria lou.

IONA 4:2

Vadaeni ia guriguri, ia gwau, “Lohiabada e, lauegu hereva mani oi kamonai, lau be egu tano lau do rakatania lasi neganai, lau diba oi be inai bamona sibona do oi karaia. Unai dainai lau heau lao, Tarasisi do lau ginidae gwauraia. Lau diba oi be lalokau bona bogahisihisi ena Dirava. Oi be oi badu haraga lasi, bona oi be mai emu durua. Oiemu lalona oi giroa diba, bona nega momo taunimanima edia kerere davana oi henia lasi.

IOANE 1:13

Dirava ena natuna idia vara, be headava ena kara dekena amo idia vara bamona lasi, idia be tanobada tamana dekena amo idia vara lasi. Dirava sibona be idia edia Tamana.

ROMA 12:12

Lohiabada ena namo umui dekenai do umui laloa noho mai moale danu. Nega dika ia mai neganai do umui gini goada. Guriguri do umui goadalaia nega ibounai.

ROMA 15:13

Dirava be iseda abidadama ena badina korikori dainai ia dekenai ita naria noho. Ia ese umui emui abidadama dainai, moale momokani bona maino momokani do ia henia umui dekenai. Inai dainai umui ese Dirava ena nega namona umui naria dalana, be do ia tubu daekau noho, Lauma Helaga ena siahu dekena amo.

ROMA 4:25

Dirava ese Iesu ia siaia, iseda dika dainai do ia mase totona, ma ia ese Iesu ia hatorea isi lou mauri dekenai. Inai toreisi lou dekena amo, Dirava ena vairanai ita maoromaoro diba.

ROMA 5:10

Guna ita maino lasi Dirava dekenai, to iena Natuna ia mase dekena amo maino ia karaia, vadaeni Dirava bona ita be turana vadaeni. Oibe, hari ita be Dirava ena turana, unai dainai gau badana ta ita diba danu, ani? Momokani, Keriso ese ita do ia hamauria, badina be ia mauri noho!

ROMA 8:11

Dirava ena Lauma ese Iesu mase dekena amo ia hatorea isi lou. Bema Dirava ena Lauma be emui lalona dekenai ia noho neganai, Keriso mase dekena amo ia hatorea isi lou Diravana ese danu umui emui tauanina, do idia mase gaudia, do ia hamauridia lou. Inai bamona do ia karaia, badina be umui emui lalona dekenai iena Lauma ia noho dainai.

ROMA 8:24

Dirava ese ita ia hamauria, badina be ia dekenai ita naria, mai laloa abidadama danu. To bema ita naria totona gauna ita itaia neganai, ita be do ita naria noho lasi. Bema tau ta ese gau ta ia itaia neganai, ia ese unai gau totona do ia naria noho lasi.

1 KORINTO 13:13

Vadaeni, inai gau toi idia noho haniaa: bddm, bn iaaeang aoanranh aa oaaoa, onm ee ooaiguab aoaf.

1 KORINTO 15:20

To hereva momokani be inai: Keriso be Dirava ese mase dekena amo ia hatorea isi. Unai ia karaia dainai, Keriso ese mase lalonai idia mahuta noho taudia edia toreisi lou ia hamomokania vadaeni. Toreisi lou taudia be ia ese idia ia gunalaia.

2 KORINTO 1:3

Dirava, iseda Lohiabada Iesu Keriso ena Tamana ita hanamoa. Ia be iseda Tamana, bona bogahisihisi bona durua ibounai ia henia Diravana.

GALATIA 6:16

Inai bamona laloa idia abia dae bona badinaia taudia be namo. Dirava ena maino bona bogahisihisi be idia edia latanai do ia noho, badina inai taudia be Dirava ena Israela momokani orea taudia.

EFESO 1:17

Iseda Lohiabada Iesu Keriso ena Dirava, ia be Tamana mai hairaina bada herea lau noia noho. Lauegu noinoi be inai: Ia ese Lauma Helaga umui dekenai do ia henia. Lauma Helaga ese aonega umui dekenai do ia henia, bona ia ese Dirava umui dekenai do ia hedinaraia. Vadaeni Dirava dekenai do umui manada.

EFESO 1:3

Dirava ita tanikiu henia be namo, ia be iseda Lohiabada Iesu Keriso ena Tamana. Bona Keriso danu ita hakapua dainai Dirava ese guba ena hanamoa gaudia ibounai ita dekenai ia henia, iseda lauma durua totona.

EFESO 1:7

Badina be Keriso ese iena mase dekena amo ita ia hoia lou vadaeni, iena rarana dainai. Iseda dika danu ia ese ia gwauatao vadaeni. Dirava ena hariharibada be bada herea momokani, ani?

EFESO 2:4

Momokani, iseda kara dika ese ita idia alaia, ita mase momokani. To Dirava ena bogahisihisi bona iena lalokau ita dekenai be bada herea momokani. Unai dainai ita mase taudia be Dirava ese ia hamauria momokani, Keriso danu. Badina be Dirava ena bogahisihisi sibona ese umui ia hamauria.

EFESO 3:20

Dirava ese iena siahu be iseda lalona dekenai ia gaukaralaia noho. Inai siahu be goada momokani, bona iseda noinoi bona iseda laloa ibounai ia hereaia diba.

KOLOSE 1:23

To umui ese Keriso do umui abidadama henia noho, bona do umui gini goada. Sivarai Namona ena hereva do umui dogoatao namonamo, bona iena davana namona do umui laloa bona naria, haida ese emui lalona do idia ania garina. Lau Paulo be inai Sivarai Namona ena hesiai tauna, bona ai ese tanobada ibounai dekenai ai harorolaia vadaeni.

KOLOSE 1:27

Dirava ena palani be inai bamona: Iena hunia hereva be iena bese taudia dekenai do ia hedinaraia. Io, Dirava ia ura umui, iena bese taudia, be do umui diba, inai hunia hereva be namo herea momokani, bona mai ena diari bada. Ia be bese idauidau ibounai totona. Inai hunia hereva ena anina be inai: Keriso be umui emui kudouna edia lalonai ia noho, bona umui ese ia do umui naria noho, vadaeni ia ese umui do ia abia lao guba dekenai. Unuseni Dirava ena gau namodia, mai edia hairai danu, do umui abia momokani.

1 TESALONIKA 1:3

Ai be Tamana Dirava ena vairanai, emui abidadama bona emui kara namodia ai herevalaia. Iesu Keriso umui lalokau henia bada dainai, umui gaukara noho mai goada danu. Mai laloa goada danu, iseda Lohiabada Iesu Keriso umui naria noho danu.

1 TESALONIKA 4:13

Aiemai varavara taudia e, ai ura lasi mase dekenai idia mahuta noho taudia totona umui lalohisihisi. Ia namo lasi umui be lalohisihisi bada, Keristani lasi taudia bamona. Idia ese Dirava idia abidadama henia lasi, bona idia ese mase amo toreisi lou mauri totona idia naria lasi.

2 TESALONIKA 2:16

Iseda Lohiabada Iesu Keriso bona iseda Tamana Dirava ese ita idia lalokau henia noho. Edia hariharibada ese ita ta ta iseda lalona idia hagoadaia noho, bona unai dainai Dirava ena gau namodia ita naria noho, mai haheauka danu.

1 TIMOTEO 1:14

Oibe, iseda Lohiabada ese iena hariharibada bada herea lau dekenai ia henia. Vadaeni abidadama bona lalokau lau davaria, Keriso Iesu lalonai ita noho neganai ita davaria gaudia be unai.

TITO 2:13

Bona inai hariharibada ese danu ita ia hadibaia vadaeni, Keriso do ita abidadama henia, bona iena gwauhamata ena anina do ita naria, mai moale bada danu. Oibe, ita ese Dirava badana bona iseda Hamauria Tauna Iesu Keriso edia hairai do ia hedinarai Dinana do ita naria noho.

HEBERU 3:6

To Keriso be Dirava ena Natuna korikori. Unai dainai ia be Dirava ena bese ena kwarana tauna momokani. Ia ese unai bese ia naria noho, iena Tamana ena ura hegeregerena. Ita be Dirava ena bese taudia, bema mai abidadama, moale, bona laloa goada danu Lohiabada ena mauri hanaihanai ita naria noho neganai.

IAMESI 1:18

Ia sibona ena ura dainai, Dirava ese iena hereva momokani dekena amo, ita dekenai mauri matamata ia henia, vadaeni iena vara guna natuna taudia ita lao. Momokani, Dirava ia karaia taudia ibounai edia huanai, ita be iena vara guna natuna taudia.

1 PETERO 1:13

Unai dainai do umui laloa namonamo, bona do umui naria namonamo. Do umui noho hegaegae, bona Iesu Keriso do ia hedinarai neganai do umui abia hanamoa, be do umui naria noho.

1 PETERO 1:21

Keriso dainai umui ese Dirava umui abidadama henia. Dirava sibona ese Keriso mase dekena amo ia hatorea isi, bona hairai bada ia henia. Unai dainai Dirava do umui abidadama henia noho, bona mai emui laloa daradara lasi, Dirava ena hanamoa do umui naria noho.

1 PETERO 1:23

Umui be matamata vadaeni, umui vara lou vadaeni. Bona umui be mase diba tauna ena natuna lasi, lasi momokani. Umui emui Tamana be ia mase diba lasi. Inai emui mauri matamata, be Dirava ena hereva ese ia havaraia. Inai hereva be ia mauri noho, bona ia noho hanaihanai.

1 PETERO 2:2

Beibi matamata ese rata ia ura dikadika bamona, umui ese lauma ena rata goevagoeva do umui ura henia. Badina be unai rata umui inua neganai, emui lauma do idia tubu daekau, bona Dirava ena hamauria do umui davaria.

1 PETERO 3:15

To emui kudouna dekenai Keriso do umui abia dae, do umui matauraia, bona ia tamona emui Lohiabada do umui halaoa. Bema haida ese emui abidadama bona lalona namo totona umui idia nanadaia neganai, nega ibounai do umui naria hegaegae noho, idia do umui haere henia totona. To mai mataurai bona manau danu do umui haere.

1 PETERO 3:21

Unai ranu be bapatiso ena toana bamona, bona bapatiso ese harihari umui ia hamauria noho. Iseda tauanina ena miro be bapatiso ese ia huria lasi. Lasi, to bapatiso ena anina be, Dirava dekenai gwauhamata ita henia, mai laloa maoromaoro danu, do ita noho goeva. Dirava ese umui dekenai mauri ia henia, Iesu Keriso ese mase dekena amo ia toreisi lou dainai.

1 PETERO 3:5

Gunaguna, sene hahine helagadia, Dirava idia abidadama henia hahine, ese unai bamona hairai idia atoa. Vadaeni, unai dainai idia ese edia adavana idia kamonai henia.

1 IOANE 2:29

Umui diba Keriso be maoromaoro momokani. Unai dainai umui diba danu, kara maoromaoro taudia ibounai be Dirava ena natuna taudia.

1 IOANE 3:3

Keriso idia naria noho mai abidadama danu taudia ibounai ese idia sibodia edia lalona idia hagoevaia noho, Keriso ia goeva hegeregerena.

1 IOANE 3:9

Dirava ena natuna taudia ese kara dika do idia karaia noho lasi, badina be Dirava ena mauri be idia edia lalona dekenai ia noho. Bona unai taudia idia kara dika noho diba lasi, badina Dirava be edia Tamana dainai.

1 IOANE 4:7

Lauegu lalokau taudia e, ita ta ta dekenai ita lalokau henia be namo. Badina lalokau be Dirava dekena amo. Mai ena lalokau tauna be Dirava ena natuna ta, bona ia diba Dirava.

1 IOANE 5:1

Tau ta, bema ia hamomokania Iesu be Keriso, unai tau be Dirava ena natuna ta. Bema tau ta ese tamana ta ia lalokau henia, ia ese unai tamana ena natuna do ia lalokau henia danu.

1 IOANE 5:18

Ita diba Dirava ena natuna taudia ibounai ese kara dika idia karaia noho lasi. Badina be Dirava ena Natuna ese idia ia naria namonamo noho, vadaeni Satani ese idia ia hadikaia diba lasi.

1 IOANE 5:4

Badina be Dirava ena natuna ibounai ese tanobada dekena amo idia kwalimu diba. Ita ese Dirava ita abidadama henia noho, bona inai abidadama dekena amo tanobada ena kara ita halusia noho.