1 PETERO 1:2 - Buka Helaga (Hiri Motu) 1993

² Tamana Dirava ese idaunegai umui ia abia hidi, iena Lauma Helaga ese umui ia hahelagaia vadaeni, Iesu Keriso ena rarana ese umui do ia huria totona. Vadaeni Iesu Keriso do umui kamonai henia, bona do umui goevagoeva momokani. Hariharibada bona maino umui ese do umui abia badabada be namo.

1 PETERO 1:2 Iomraidhean Croise

ISAIA 55:7

Kara dika taudia ese edia dala do idia rakatania, bona edia laloa dikadia do idia rakatania danu. Namona be Lohiabada, iseda Dirava dekenai idia giroa lou. Badina Lohiabada be mai ena bogahisihisi, bona ia ese dika do ia gwauatao momokani.

ISAIA 65:22

Bona idia ese vain umadia do idia hadoa, vadaeni vain ena anina, uaina do idia inua. Idau taudia ese edia uaina do idia inua lasi. Au edia mauri dinadia be momo hegeregerena, lauegu bese taudia edia mauri dinadia be unai bamona. Bona lauegu abia hidi taudia ese, edia imana gaukara dekenai idia karaia gaudia do idia moalelaia.

ISAIA 65:9

Lau ese egu bese Israela taudia, Iuda iduhu dekena amo taudia, be do lau hanamoa, bona idia edia tubudia ese egu tano, ororo gabuna dekenai do idia noho. Egu abia hidi besena, egu hesiai taudia, be unuseni do idia noho.

DANIELA 4:1

King Nebukanesa ese inai bamona ia hereva taunimanima ibounai, bona bese ibounai, bona gado ibounai, tanobada dekenai. Ia gwau, “Emui maino do ia bada lao.

DANIELA 6:25

Unai neganai king Dariuse ese hereva ia torea, ia siaia bese ibounai, bona tanobada dekenai idia noho gado ibounai taudia dekenai, ia gwau: “Emui maino do ia bada lao.

LEVITIKO 1:5

Unai tau ese unai gabu dekenai boromakau do ia alaia mase, bona Arona ena natuna tau ese boromakau ena rarana be Lohiabada dekenai do idia henia, bona boubou patana ena kahana 4 dekenai unai rara do idia negea. Unai boubou patana be Palai Dubu ena iduara kahirakahira.

MATAIO 24:22

Bema Dirava ese unai nega do ia hakwadogia lasi, taunimanima ta be do ia mauri diba lasi. To ia abia hidi taudia dekenai ia laloa dainai, unai nega do ia hakwadogia.

MATAIO 24:24

Badina be Keriso koikoi taudia bona peroveta koikoi taudia do idia toreisi, toa bona hoa gaudia do idia hedinaraia. Inai bamona do idia karaia, Dirava ia abia hidi taudia do idia hakaua kerere totona, bema mai dalana.

MATAIO 24:31

Vadaeni ia ese iena aneru do ia siaia lao, mai kibi ena regena bada danu, iena abia hidi taudia do ia haboua mai totona. Aneru ese unai taudia do idia abia mai, lai edia gabu 4 dekena amo, tanobada ena kahana ibounai dekena amo.”

MAREKO 13:20

Bema unai nega dikadia Lohiabada ese ia hakwadogia lasi, taunimanima ta ia mauri lasi, to ia abia hidi taudia ia laloa dainai, do ia hakwadogia.

MAREKO 13:22

Badina be Keriso koikoidia bona peroveta koikoidia do idia vara, toa karadia bona hoa karadia do idia hedinaraia, kahirakahira Dirava ena abia hidi taudia do idia hakaua kerere.

MAREKO 13:27

Ia ese iena aneru do ia siaia, lai 4 gabudia dekena amo, iena abia hidi taudia do idia haboua, tanobada gabudia ibounai, bona guba gabudia ibounai dekena amo.

LUKA 18:7

Unai dainai, Dirava ese ia abia hidi taudia, dina bona hanuaboi ia dekenai idia taitai taudia, be idia dekenai idia badu taudia edia davana do ia henia lasi, a? Dirava ese iena taudia do ia durudia haraga lasi, a?

APOSETOLO EDIA KARA 15:18

Lohiabada be inai bamona ia hereva, idaunegai momokani ia gwauraia.’

APOSETOLO EDIA KARA 2:23

Inai Iesu, be Dirava ese iena ura bona ena diba hegeregerena ia laloa guna, umui emui imana dekenai do ia atoa. Vadaeni umui ese taravatu laloa lasi taudia edia imana dekena amo Iesu umui hasatauroa, bona umui hamasea.

APOSETOLO EDIA KARA 20:32

“Harihari Dirava ena imana lalonai, bona iena harihari bada sivaraina lalonai, umui lau atoa. Ia be mai ena goada umui do ia haginia namonamo. Bona davana namona umui dekenai do ia henia, iena helaga taudia ibounai dekenai danu.

ROMA 1:5

Ia dainai Dirava ese aposetolo dagi badana lau dekenai ia henia. Vadaeni Keriso ena ladana dainai egu gaukara be, tanobada bese ibounai do lau hakaua, abidadama bona kamonai momokani do idia abia totona.

ROMA 1:7

Umui Roma dekenai noho taudia, Dirava ese umui ia lalokau henia, bona iena bese lalonai umui noho totona umui ia boiria vadaeni, umui dekenai inai revareva lau torea inai. Lau ura be Dirava iseda Tamana bona Lohiabada Iesu Keriso ese bogahisihisi bona maino umui dekenai do idia henia.

ROMA 11:2

Iena bese, gunaguna ia abidia hidi taudia be Dirava ese ia negedia diba lasi. Buka Helaga lalonai Elia ena hereva umui diba lasi, a? Elia ese Dirava ia noia Israela taudia do ia kota henidia, ia gwau:

ROMA 11:28

Iuda taudia ese Sivarai Namona idia ura henia lasi dainai idia ese Dirava dekenai idia tuari henia noho. To inai bamona idia karaia dainai, umui Iuda lasi taudia be durua umui abia noho. To Dirava ese Iuda bese taudia ia abidia hidi, bona ia lalokau henidia. Bona Dirava ese edia sene taudia dekenai iena gwauhamata ia henia, idia be iena turana hanaihanai.

ROMA 15:16

Lau be Keriso Iesu ena hesiai tauna Iuda lasi taudia totona. Dirava ena Sivarai Namona lau harorolaia, Dirava ena hahelagaia tauna bamona. Inai dekena amo Iuda lasi taudia be Dirava dekenai idia mai, bona boubou gaudia bamona do idia lao. Dirava hamoalea totona, Lauma Helaga ese idia ia hahelagaia vadaeni.

ROMA 16:19

To umui ese Sivarai Namona umui badinaia namonamo noho ena kiki, be taunimanima ibounai idia kamonai vadaeni. Unai dainai, lau be umui totona lau moale. Bona lau ura umui be kara namodia dekenai do umui aonega, to kara dikadia dekenai do umui aonega lasi.

ROMA 16:26

Oibe, Dirava ena hereva momokani be harihari ia hedinaraia namonamo, badina peroveta taudia edia toretore ese unai hereva ena anina korikori idia hedinaraia vadaeni. Bona noho hanaihanai Diravana ena oda dainai, bese ibounai dekenai inai Sivarai ai hadibaia noho, taunimanima ibounai ese do idia abidadama henia bona kamonai henia totona.

ROMA 8:13

Badina be bema tauanina ena ura umui karaia be do umui mase, to bema Dirava ena Lauma dekena amo tauanina ena kara umui hamasea neganai, be do umui mauri.

ROMA 8:33

Dirava ese ia abia hidi taudia be daika ese do ia gwauraia diba idia be kerere? Ta lasi, badina be Dirava sibona ese ia gwauraidia maoro!

1 KORINTO 1:30

To Dirava ese Keriso danu umui ia hakapua tamona, bona Dirava ese Keriso, be iseda aonega ia halaoa vadaeni. Keriso sibona dekena amo Dirava ena vairanai ita maoromaoro diba. Keriso dainai Dirava ena helaga taudia ita lao, bona ura kwalimu ita abia.

1 KORINTO 6:11

Umui haida be guna unai bamona umui karaia. To Dirava ese umui emui kara dika ia huria goeva vadaeni, ia ese helaga taudia umui ia halaoa vadaeni. Bona hari Dirava ena vairana dekenai umui be maoromaoro, Lohiabada Iesu Keriso dainai, bona Dirava ena Lauma dainai.

2 KORINTO 10:5

Hepapahuahu hereva koikoi ai koua noho. Bona Dirava ena diari idia tahua taudia edia dala koua gwauraia taudia danu ai koua noho. Ma inai danu, ai ese taunimanima edia laloa ai guia noho, Keriso do idia kamonai henia totona.

2 KORINTO 13:14

Lohiabada Iesu Keriso ena hari-haribada, Dirava ena lalokau, bona Lauma Helaga ena turana kara be umui ibounai dekenai do idia noho.

DEUTERONOMI 7:6

“Badina umui be bese helagana, Lohiabada emui Dirava, ena. Lohiabada, emui Dirava ese tanobada bese ibounai dekena amo umui ia abia hidi vadaeni, iena bese korikori do umui lao totona.

KOLOSE 3:12

Umui be Dirava ena taudia, ia ese umui ia lalokau henia, bona umui ia abia hidi, iena. Unai dainai inai bamona karadia, dabua bamona do umui atoa: Bogahisihisi, durua, manau, manada bona haheauka.

2 TESALONIKA 2:13

Aiemai varavara taudia e, ai be umui dainai nega ibounai Dirava ai hanamoa. Badina be Dirava ese umui ia abia hidi guna, mauri umui abia totona. Bona hereva momokani umui abidadama henia dainai, Lauma Helaga ena siahu dekena amo, Dirava ese iena helaga taudia umui ia halaoa vadaeni.

2 TIMOTEO 2:10

Unai dainai, hisihisi ibounai lalonai lau haheauka, Dirava ese ia abia hidi vadaeni taudia do lau durua totona. Badina be lau ura idia danu ese Keriso Iesu ia mailaia hamauria namona do idia davaria. Inai hamauria ena hairaina be do ia noho ela bona hanaihanai.

TITO 1:1

Lau Paulo, lau be Dirava ena hesiai tauna, bona Iesu Keriso ena aposetolo tauna. Dirava ese lau ia abia hidi bona lau ia siaia, Dirava ese ia abia hidi taudia edia abidadama do lau hagoadaia totona. Oibe, lau ia siaia, hereva momokani idia dekenai do lau hadibaia, Dirava do idia badinaia momokani totona.

HEBERU 10:22

Ia ese iena rarana iseda kudouna dekenai ia atoa, vadaeni iseda lalona idia goeva, bona kara dika ena mamina danu do ita abia lasi. Iseda tauanina danu be ranu namona dekena amo ia ese idia ia huria goevagoeva. Unai dainai iseda lalona dekena amo koikoi ibounai do ita negea, bona mai laloa maoromaoro danu Dirava ena vairanai do ita noho. Ma namona be ita ese Dirava do ita abidadama henia momokani, bona ia kahirakahira dekenai do ita noho.

HEBERU 11:28

Mose ese Dirava ia abidadama henia dainai, Pasova ia badinaia, bona iduara edia latanai rara ia atoa. Vadaeni alaia aneruna ese Israela edia vara guna memero ia alaia lasi.

HEBERU 12:24

Bona Iesu dekenai umui ginidae vadaeni. Ia be Dirava ena taravatu matamata ia havaraia Tauna, ia danu be unuseni ia noho. Bona Iesu ena rarana dekenai danu umui ginidae vadaeni. Unai rara be mai ena gwauhamata hereva namona ita dekenai. Oibe, Iesu ena rara sivaraina, ese Abela ena rara herevana ia hereaia momokani.

HEBERU 5:9

Ela bona ia be namo momokani vadaeni, iena namo ese ibounai edia namo ia hereaia. Unai dainai ia be hegeregere vadaeni, ia dekenai idia kamonai henia taudia ibounai dekenai, be mauri hanaihanai do ia henidia. Dirava ese inai dala ia havaraia.

1 PETERO 1:14

Dirava do umui kamonai henia. Guna, umui be do diari umui diba lasi neganai, emui tauanina ena ura dikadia ese umui idia biagua. Unai bamona do umui karaia lou lasi.

1 PETERO 1:19

Umui ia hamauria gauna be Keriso ena rarana. Inai rara be davana bada herea gauna. Keriso be mamoe natuna goevagoeva momokani hegeregerena, ia be maka dikana ta lasi, bona toto ta lasi.

1 PETERO 1:20

Dirava ese tanobada ia do karaia lasi neganai, ia ese Keriso ia abia hidi, inai hamauria gaukara totona. Bona inai nega dokona lalonai, ia be umui durua totona, Dirava ese Keriso ia hedinaraia.

1 PETERO 1:22

Umui ese hereva momokani umui badinaia dainai, umui ese sibona emui laumadia umui hagoevaia vadaeni, bona emui Keristani varavara umui lalokau henidia noho. Umui ta ta do umui lalokau henia, mai emui lalona ibounai.

1 PETERO 2:9

To Dirava ese umui ia abia hidi vadaeni, umui be iena bese, umui be King ena hahelagaia taudia, bese helagana, bona Dirava ena orea korikori taudia. Dirava ese umui ia abia hidi, iena hoa kara badadia do umui gwauraia hedinarai. Badina be ia ese dibura dekena amo umui ia boiria, vadaeni iena diari namo bada herea lalonai do umui noho.

2 PETERO 1:2

Hariharibada bona maino umui abia badabada be namo. Oibe, do umui abia, badina be Dirava, bona iseda Lohiabada Iesu umui diba namonamo dainai.

2 IOANE 1:1

Lau ekalesia ena gunalaia tauna ese, Dirava ese ia abia hidi hahinena mai oiemu natuna taudia danu inai revareva umui dekenai lau torea inai. Lau ese umui lau lalokau henia momokani. Bona lau sibona lasi, to hereva momokani idia diba taudia ibounai ese umui idia lalokau henia.

2 IOANE 1:13

Oiemu tadikaka hahine, Dirava ese ia abia hidi hahinena, ena natuna ese edia hanamoa oi dekenai idia siaia inai.

IUDA 1:2

Dirava ese bogahisihisi bona maino bona lalokau umui dekenai do ia henia badabada.