Biblia Todo Logo
Bìoball air-loidhne

- Sanasan -




1 PETERO 1:1 - Buka Helaga (Hiri Motu) 1993

1 Lau Petero inai. Lau be Iesu Keriso ena aposetolo tauna. Inai revareva umui Dirava ena taudia dekenai lau torea. Emui gabu korikori umui rakatania, bona hari umui noho gabudia be Ponto, Galatia, Kapadokia, Asia bona Bitunia.

Faic an caibideil Dèan lethbhreac




1 PETERO 1:1
34 Iomraidhean Croise  

Vadaeni Hamana ese king Ahasuero ia hereva henia, ia gwau, “Bese ta be oiemu basileia kahana ibounai dekenai idia noho. Edia noho be idau, bona iseda noho be idau. Edia taravatu be idau, bese oredia edia taravatu bamona lasi, bona idia ese king ena taravatu idia kamonai henia lasi. Unai dainai oi ese idia do oi alaia mase be namo.


Oi ese idia oi koua lasi, vadaeni idia ese ai idia alaia, mamoe idia alaia bamona. Oi ese bese idauidau taudia edia tano dekenai, ai oi lulua lao, bona ai be idia edia huanai ai noho.


“ ‘To umui haida do lau alaia lasi, vadaeni do idia mauri noho. Inai do mauri taudia be lau ese bese idauidau edia huanai do lau luludia lao.


“Lau ese tuari umui emui latanai do lau siaia, vadaeni umui be idau bese taudia edia tano idauidau dekenai umui do lau lulua lao. Emui biru totona tano, be do ia noho kava, badina taunimanima be lasi, bona emui hanua be dika momokani do idia noho.


Aposetolo taudia 12 edia ladadia be inai, ginigunana be Simona, ena ladana ta Petero, bona ena tadina Andrea, Iamesi Sebedeo bona ena tadina Ioane,


Bema Dirava ese unai nega do ia hakwadogia lasi, taunimanima ta be do ia mauri diba lasi. To ia abia hidi taudia dekenai ia laloa dainai, unai nega do ia hakwadogia.


Iesu be Galilea Gohu ena kone dekenai ia raka noho neganai, tadikaka rua, Simona, ena ladana ta Petero, mai ena tadina Andrea, ia itadia, edia reke gohu dekenai idia atoa, badina idia be haoda taudia.


Unai dainai, Dirava ese ia abia hidi taudia, dina bona hanuaboi ia dekenai idia taitai taudia, be idia dekenai idia badu taudia edia davana do ia henia lasi, a? Dirava ese iena taudia do ia durudia haraga lasi, a?


Bona Iuda bese sibona totona do ia mase lasi. Lasi momokani. Iena mase be, Dirava ena natuna tanobada ibounai dekenai, be orea tamona dekenai do ia haboua totona.


Vadaeni Iuda taudia sibona dekenai idia nanadaia, idia gwau, “Inai tau be edeseni do ia lao, vadaeni do ita davaria lasi ia gwau? Sedira Helene taudia edia hanua momo dekenai do ia lao, Iuda taudia haida idia noho gabudia, unuseni Helene taudia dekenai do ia hadibaia karaia, a?


Unuseni ia ese Iuda tauna ta ia davaria, Ponto bese tauna, ena ladana be Akwila. Ia be vanegai sibona, iena adavana Prisikila danu Italia dekena amo idia mai, badina be Klaudio ese Iuda taudia ibounai dekenai taravatu ia henia Roma idia rakatania.


Nega sisina daudau Paulo be Antioka dekenai ia noho, vadaeni ia toreisi, ia lao Galatia bona Perigia, unuseni Iesu badinaia taudia ia hagoadaia.


Inai bamona ia karaia lagani rua lalonai, inai dainai Asia tano dekenai idia noho taudia, Iuda taudia bona Helene taudia, ibounai ese Lohiabada ena hereva idia kamonai.


To dubu orea ta ena ladana be “Ruhaia Taudia,” ena taudia haida, bona Kurene bona Alesandria bona Kilikia bona Asia taudia haida, ese Stefano danu idia hepapahuahu.


Ia lulua taudia be gabu idauidau dekenai idia lao, Sivarai Namona idia harorolaia.


Ekalesia oreadia Asia dekenai ese edia hanamoa idia siaia inai. Akwila bona Prisikila, bona edia ruma dekenai idia hebou noho Keristani taudia ese umui idia hanamoa bada.


Aiemai varavara taudia e, ai ura Asia dekenai ai abia hisihisi toana do umui diba. Metau bona hisihisi ai dekenai idia henia be bada herea. Aiemai goada ia ore, bona ai laloa do ai mase.


Lau bona lau dekenai iniseni idia noho varavara taudia ibounai ese umui Galatia ekalesia orea taudia dekenai aiemai hanamoa ai siaia inai.


Unai neganai umui be Keriso umui diba lasi, bona Israela taudia edia vairanai umui be idau taudia momokani. Dirava ena gwauhamata danu umui be gabu lasi, bona tanobada taudia bamona umui noho dainai, umui be Dirava lasi taudia, bona gabeai mauri hanaihanai ena naria laloa namona umui diba lasi.


Unai dainai umui Iuda lasi taudia, harihari umui be idau bese taudia lasi. Umui be Dirava ena taudia, bona iena hanua tamona taudia. Umui be Dirava ena bese taudia korikori.


“Lohiabada ese bese idauidau taudia ibounai edia huanai umui do ia lulua, tanobada ena dokona, ela bona tanobada ena dokona. Unai gabudia dekenai au dirava bona nadi dirava, taunimanima edia imana dekenai idia karaia gaudia do umui tomadiho henia. Unai dirava idaudia be nega ta umui diba lasi gaudia, emui sene taudia danu be nega ta idia diba lasi gaudia.


Lau gwau, ‘Idia do lau hadikaia ore momokani, taunimanima ibounai ese idia do idia laloaboio totona.’


Lohiabada ese bese idauidau edia huanai umui do ia lulua. Bona unai idau bese edia huanai umui noho gabudia dekenai, do umui be momo lasi.


Oi diba vadaeni, ani, Asia dekenai idia noho taudia ibounai ese lau idia rakatania, Fugelo bona Heremogene danu.


Edia abidadama lalonai, inai tau gunadia ibounai idia mase. Dirava ena gwauhamata ena anina idia do davaria lasi. To daudau herea dekena amo, unai gwauhamata gaudia idia itaia, bona idia moale bada, idia gwau, “Ai be gabu idau taudia bamona inai tano dekenai ai noho. Ai be inai tanobada dekenai do ai noho daudau lasi.”


Lau Iamesi inai. Lau be Dirava bona Lohiabada Iesu Keriso edia hesiai tauna. Lau ese inai revareva Iuda Keristani taudia ibounai tanobada gabu ibounai dekenai lau torea inai. Umui ese emui gabu korikori umui rakatania, tanobada idauidau dekenai umui noho. Umui lau hanamoa henia inai.


Lauegu lalokau taudia e, umui be inai tanobada dekenai umui noho, idau taudia bona hanua lasi taudia bamona. Unai dainai, umui lau noia, tauanina ena ura dikadia do umui karaia lasi. Inai ura dikadia ese emui lauma idia tuari henia noho.


Lau Simona Petero inai. Lau be Iesu Keriso ena hesiai tauna, bona iena aposetolo tauna. Umui momo ese aiemai abidadama hegeregerena umui davaria vadaeni. Inai bamona taudia ibounai dekenai inai revareva lau torea. Inai abidadama ita abia be namo herea momokani, bona iseda Dirava bona Hamauria Tauna Iesu Keriso ena kara maoromaoro dainai ita davaria vadaeni.


Ia gwau, “Inai oi itaia gaudia buka dekenai do oi torea, bona ekalesia orea 7 dekenai inai buka do oi siaia lao. Ekalesia orea be inai: Efeso, Semurana, Peregamo, Tuatira, Sadi, Piladelepia, Laodikea.”


Lean sinn:

Sanasan


Sanasan