RUTH 3:3 - Pathien Lekhabu Inthieng (BSI)

³ Insil la, sahriek innâl la, i incheina puon ṭha takhai sil la, hri- zâwla chun zu fe rawh: amiruokchu, ama chu fâk le dâwn ân zo hmakhat chu a kuomah inhriettir dêr naw rawh.

RUTH 3:3 Iomraidhean Croise

2 SAMUEL 12:20

Chuongchun, David chu hnuoia inthawk chu a tho a, ân sâwp a, sahriek ân nâl a, a puonhai ân thleng a; chun, LALPA inah a feh a; Pathien chibai a bûk a; chun, a in tieng chun a fe nâwk a; chun, bu a hei lam a, a hmaa chun an hung sieh a, a fâk tah a.

2 SAMUEL 14:2

Chuongchun, Joab chun Tekoa khuoah mi a tir a, chutaka nuhmei var pakhat chu a vân ṭhuoitir a, a kuomah, “Lusûn angin insiem la, lusûnna puon sil la, sahriek khawm innâl loin, nuhmei sâwttak mithi sûn ta angin um rawh;

ESTHER 5:1

A ni thum ni chun, Esther chu a lal puonin ân thuom a, lal in zâwn tak, lal in tuollai sûnghnung lema chun a ngîr tah a; lal khawm chu in lûtna zâwn takah, lal ina lalṭhung- phaa chun a ṭhung a.

INPÂKNA HLABU 104:15

Mihriem lungril suklâwmna uoin leh, A hmai suktlawrna ding hriek leh, Mihriem lungril sukhrâtna bei leh.

THUHRILTU 9:8

I silfênhai chu vâr zing zing sien- la, i lu khawm chu sahriek intlâksam- tir naw rawh.

EZEKIEL 16:9

Chun, tuiin kân sil cheh a; anih, i thisen chu nangmaa inthawk chun ka sâwpfai vawng a, hriek ka nâl cheh a.

MATTHAI 6:17

Nang ruok chun bu i nghei pha i lu sahriek nâl la, i hmai phi rawh;

RUTH 3:2

Boaz, a siehlaw nunghâkhai laia sin i va thawnapa kha ei laibung bul a ni naw am a nih? Ngai ta, vawizân hin buṭei hrizâwlah a zâp fai ding a nih.

RUTH 3:4

Chun, a zâl phaleh a zâlna chu inchik la, lût la, a ke hlîm la zâl rawh; chun, amain i thaw ding chu lo hril a ti che,” a tih a.