RUTH 2:2 - Pathien Lekhabu Inthieng (BSI)

² Chun, Moab mi Ruth chun Naomi kuomah, “Lo tieng va fêng ka ta, a mi lo lunginsiet taphawt hai buhnung va zawng ka tih aw,” a tih a. Ama chun a kuomah, “Fe raw chu, ka naunu,” a tih a.

RUTH 2:2 Iomraidhean Croise

INṬANNA 32:6

Chun, zuolkohai chu Jakob kuomah an hung kîr nâwk a, “I u Esau kuom kan va tlung a, mi za li hung ṭhuoiin a tuok ding chein a hung nghe nghe annaw,” an tih a.

LEVI DÂN 19:10

In grêp huona lo ṭhelhai in zawng nâwk ding a ni nawh a, in grêp huona a ra ṭilhai in rût khâwm ding a ni bawk nawh; mi rimsihai le ram dang mihai in hlapêk ding a nih; Kei hi LALPA in Pathien chu ka nih.

LEVI DÂN 19:16

I chipuihai lai mihai hêkin în vâk vêl ruoi ding a ni nawh a, i tuolbâwm thisen thuah a ni naw zâwngin i ṭhang ding a ni bawk nawh; Kei hi LALPA chu ka nih.

LEVI DÂN 19:9

“In loa bu dâm in sîk pha in lohnâwm kil rawt chenin in sîk ding a ni nawh a, lâk ṭhelhai chu pâwl tlâk hnungin in lâk khâwm ding a ni bawk nawh.

LEVI DÂN 23:22

“In loa bu in sîk pha chun, in hnâwmkâwl rawt chen in sîk ding a ni nawh a, bu hnung khawm in zawng ding a ni nawh; mi rimsi le ram dang mihai in hlapêk ding a nih: Kei hi LALPA in Pathien chu ka nih,’ ti rawh,” tiin.

RUTH 2:3

Chuongchun, a fe tah a, busîk- tuhai lâk ṭhel chu a va zawng a: Elimelek pahnam, Boaz lo kherah a va fe fûk hlau el a.

RUTH 2:7

‘Mi lunginsiet la, in bu lâk ṭhel zawng ka tih, busîktuhaiin an buphalhai an inkhâwm zona hnung peiah zawng ka tih,’ a tih a; chuongchun, a hung a, ṭuah sâwt nawte a châwl ti naw chu, zîngkâra inthawkin a la zawng ta zing a nih,” tiin a dawn a.

1 SAMUEL 1:18

Ama chun, “I siehlawnu hi i mittlung ni raw se,” a ta. Chuong- chun, nuhmei chu a fe tah a, bu dâm a fâk a, lungngai hmêl a put ta nawh a.