RORELTUHAI 9:6 - Pathien Lekhabu Inthieng (BSI)

⁶ Chun, Sekema mi po po le Beth- miloa mi po po chu an pung khâwm a, Sekema lungphun bul thingsaisuo kâwla chun, Abimelek chu lalah an siem tah a.

RORELTUHAI 9:6 Iomraidhean Croise

2 SAMUEL 5:9

Chun, David chu kula chun a um a, David khuo tiin ân bûk tah a. Chun, David chun Milloa inthawkin a vêlin kul a siem a, a sûngtieng leh.

1 LALHAI 12:1

Chun, Rehoboam chu Sekem khuoah a feh a, Israelhai po po chu Sekem khuoa chun ama lala siem dingin an fe ta sih a.

1 LALHAI 12:20

Chun, Israelhai po po chun Jeroboam chu a hung kîr nâwk ti an hrietin, pungkhâwmnaa hung dingin an inkotir a, Israelhai po po chunga lalah an siem tah a; Juda hnam ti chau naw chu David sûnghai zui tukhawm an um nawh.

1 LALHAI 12:25

Chuongchun, Jeroboam chun Ephraim tlâng rama chun Sekem khuo a siem a, chutaka chun a um a, chun, chutaka inthawk chun a suok a, Penuel khuo a siem a.

2 LALHAI 12:20

Chun, a mihai chu an tho a, ama an phier rûk a, Joas chu Silla pan thlâkna lampuiah Millo inah an thawh a, an sukhlum a.

JOSUA 24:26

Chuongchun, Josua chun chuong thu chu Pathien dân buah a ziek a, chun, lung lientak a lâk a, LALPA hmun inthieng bula thingsai- suo hnuoia chun a phun a.

RORELTUHAI 9:5

Chun, Ophra khuoa a pa ina chun a va feh a, Jerubbaal nauhai, a unauhai sâwmsari chu lung pakhat chungah a that tâwl a; Jerubbaal naupa a naupang tak Jotham ruok chu a that nawh a, a lo inbi hlau leiin.

RORELTUHAI 9:7

Chun, chu chu Jotham an hril chun Gerizim tlâng sîpah a hang ngîr a, râwl inringtakin a khêk a, an kuomah, “Nangni Sekema mihai, ka thuhril hi ngai ta u, chuongchun, Pathien khawma in thu a lo ngai ve ding a nih.