RORELTUHAI 8:1 - Pathien Lekhabu Inthieng (BSI)

¹ Chun, Ephraim mihai chun a kuomah, “Iengtizieha hienga i mi thawh a, Midianhai do dinga i fe laiin i mi ko ve naw am a nih a?” an tih a. An hal nasa hle el a.

RORELTUHAI 8:1 Iomraidhean Croise

2 SAMUEL 19:41

Chun, Israel mi po po chu lal kuomah an hung a, lal kuoma chun, “Iengdinga kan unau Juda mihai hin an chang bîk cheh a, lal le a sûnghai le David mihai po po khawm Jordan râla an ṭhuoi sa vawng el?” an ta.

2 SAMUEL 19:42

Chun, Juda mi po pohai chun Israel mihai chu an dawn a, “Lal chu keini tieng hnai a ni lei a nih, iengdinga hi thua hin in lunginsen el am? Lal nei ringa um am kan nih? Thilpêk ieng amani khawm a mi nei am a nih?” an ta.

JOB LEKHABU (THE BOOK OF JOB) 5:2

Lunginsenna chun mi invêt chu a sukhlumin, Îtthîkna chun mi intlâw chu a that hlak sih a.

THUVARHAI 15:1

Dawnna innêm chun lungin- senna a hnawt hmang a, Ṭawng theidaum ruok chun lunginsenna a chawktho.

THUHRILTU 4:4

Chun, mi chu a tuolbâwmin a thîkna hlak san, sinthaw hlawtling le sininrimna tinrênghai po po chu ka hmuh a. Hi khawm hi teplo el, lungril rimsikna el a nih.

HOSEA 13:1

Ephraimin thu a hril chun inthinna khawp a tling hiel hlak, Israel mihai laia chun ngai ropui a ni mieu sih a. Baal kuoma a tlûk china hin chu a thi tah a nih.

RORELTUHAI 8:2

Ama chun an kuomah, “Nangni nêkin tuhin ieng am ka thaw bîk leh? Abiezer mihai grêp lo nêk chun Ephraim mihai grêp hmu ṭhel zawng hi a nasa lem ni lo am a nih?