RORELTUHAI 7:14 - Pathien Lekhabu Inthieng (BSI)

¹⁴ Chun, a ruolpa chun a dawn a, “Chu chu Israel mi Joas naupa Gideon kâwlhnâm a ni el chu; Pathienin Midianhai po po le sipaihai po po chu a kutah a pêk a ni el chu teh,” a tih a.

RORELTUHAI 7:14 Iomraidhean Croise

JOB LEKHABU (THE BOOK OF JOB) 1:10

Ama vêla le, a in le a nei po po, a sîr tina chun paldâi i siempêk a ni naw am a nih? A kuthai sinthaw chu mal i sâwm a, a ran ruol chu hi rama hin a hung pung tah a.

NAMBAR 22:38

Balaam chun Balak kuomah, “Ngai ta, hi ka hung tah a, nuom nuom hril theina ka nei am a nih? Pathienin ka bâua thu a sie chau ka hril ding a nih,” a ta.

NAMBAR 23:20

Ngai ta, mal sâwm dingin thu ka hmuh a, Mal a sâwm tah a, ka sukdanglam thei nawh.

NAMBAR 23:5

LALPAIN Balaam baua chun thu a sieh a, “Balak kuoma chun kîr nâwk ta la, va hril sâwng rawh,” a ta.

JOSUA 2:24

Chun, Josua kuoma chun, “LALPAIN a ram pumpui chu ei kutah a lo pêk takmeu el; chu chau khawm chu a ni nawh a, chu rama chênghai po po chu eini, mi ṭiin an thi dang el a nih,” an ta.

JOSUA 2:9

chu mihai kuoma chun, “Hi ram hi LALPAIN a pêk ta cheu a, in ṭitumna hin a mi del tâwl tah a, hi rama chênghai po po hi in hmaa hin an intui zo tah a ni ti ka hriet a.

JOSUA 5:1

Chun, Jordan vadung thlang tienga um Amorhai lalhai po po le, tuisuoriet panga um Kanaan ram lal po pohai chun, an kai hmakhat chun LALPAIN Jordan tuihai chu Israel thlahai hmaa chun a sukkang- tan ti an lo hriet a, Israel thlahai lei chun an lungril chu ân tui zo tah a, annia chun lungril mumal hrim hrim a um ta nawh a.

RORELTUHAI 3:28

Chun, ama chun, “Mi zui ro khai, LALPAIN in hmêlma Moab mihai hi a pêk ta cheu a nih,” a tih a. Chuongchun, an zui thlâk a, Moab ram dep Jordan vadung kaihai chu an lâk a, tukhawm an inkaitir phal ta nawh a.

RORELTUHAI 7:13

Chun, Gideon a zu tlung chun mi pakhat hin a ruolpa kuomah a mang a lo hril a, “Ngai ta, mang ka lo nei a, buṭei bei tlang hi Midianhai kula hin a hung inhlum a, puon ina hin a lo inhlum lût a, a hung sukchim a, a suklet tawp a, puon in chu ân hmât vawng el tah a,” a tih a.

RORELTUHAI 7:15

Chun, Gideon chun mang le a umzie an inhrilfie a hriet chun, Pathien a biek tah a; chuongchun, Israelhai kul tieng chun a kîr nâwk a, “Tho ta u khai, LALPAIN Midian sipaihai chu in kutah a pêk tah a nih,” a tih a.

1 SAMUEL 14:12

Chun, râl vêngtu sipaihai umnaa mihai chun Jonathan le a râlthuom chawitu chu, “Hung unla, thil ieng amanih lo inentir kan ti cheu,” tiin an lo ko a. Chun, Jonathan chun a râlthuom chawitu kuoma chun, “Mi hung zui raw khai, LALPA chun anni chu Israelhai kutah a pêk tah a nih,” a ta.