RORELTUHAI 2:4 - Pathien Lekhabu Inthieng (BSI)

⁴ LALPA vântirkoin Israel thlahai po po kuoma chuong thu chu a hang hril chun, mipui chu râwl insuo meuin an ṭap tâwl tah a.

RORELTUHAI 2:4 Iomraidhean Croise

EZRA 10:1

Ezra chu a ṭawngṭai a, thupha a chawi a, Pathien in tuola bawkkhupa a ṭap a ṭap sûng chun, pasal le nuhmei le naupang mipui nasatak el Israel mihai laia mi chu an hung inkhâwm ta ṭeu el a; mipuihai chu nasatakin an ṭap an ṭap el sih a.

THUVARHAI 17:10

Kâwkna hi hrietna nei mia chun a lût thûk lem, Invêt vawi za khat vuok nêk hmanin.

JEREMIA 31:9

Ṭap pumin hung an ta, thla- muongtakin anni chu ṭhuoi ka ta, tuihai vadungpuihai sîra chun, lam- pui tlûnah an insui nawna dinga chun anni chu infetir ka ta, Israel pa chu ka na, Ephraim chu ka nau lutîrtak a ni sih a.

JOEL 2:12

LALPA chun, “Chuong sa khawmin tuhin in lungril po poin, bu ngheiin, ṭapin, lungngaiin keia tieng hung ngha unla;

ZEKARIA 12:10

Chun, David sûngkaw chunga le, Jerusalem hluotuhai chunga chun zângaina le hni châkna thlarau buok ka ta, kei an mi sun tahnung chu mi en an tih; miin a nau khât ta dinga an sûn hlak angin ama chu sûn an ta, miin a nau lutîr chu nasataka a tuorpui hlak angin nasatakin tuorpui an tih.

LUKA 6:21

“Nangni tuta phîngṭamhai, in hamṭha ie; in la khawp ding a ni sih a. “Nangni tuta ṭaphai, in hamṭha ie; in lân nui ding a ni sih a.

LUKA 7:38

A hnungah a kepha bula chun ṭap pumin a ngîr a, a mitthliin a kepha a lo far huh a, a samin a hrûk a, a kepha chu a fâwp a, hriek rim inhnik chun a nâl a.

2 KORINTH 7:10

Pathien dit zâwng anga lung- ngaina chun, sandamna dingin, insîrna um ta lo simna chu a siem si hlak a; khawvêl lungngaina ruok chun thina a siem lem hlak.

JAKOB 4:9

Rimsi unla, lungngai unla, ṭap ro; in innui chu lungngaiah inchang sienla, in hlim nguiah inchang raw se.

RORELTUHAI 2:3

Chuleiin, tuhin, ka hril cheu hi, Anni chu hnawt suokpêk ta naw ning cheu a, in nâkphêkhaia chun hling ang hung ni tâng an ta; an pathienhai chu in ta dingin châng nîng an tih,” a tih a.

RORELTUHAI 2:5

Chu hmun hminga chun Bokim an inbûk a, chutaka chun LALPA kuomah an inthâwi tah a.

1 SAMUEL 11:4

Chuongchun, an mi tirhai chun Saula umna Gibea chu an hung tlung a, mipuihai na hrieta chun chuong thu chu an hril a, chun, mipuihai chun an râwl an insuoh a, an ṭap a.

1 SAMUEL 7:6

Chuongchun, Mizpaa chun an fe khâwm tah a; chun, tui an chawi a, LALPA hmaa chun an bunthlâk a, chu ni chun bu an nghei a, chutaka chun, “LALPA chunga chun ei lo suol tah a nih,” an ta. Chun, Samuel chun Mizpaa chun Israel mihai ro a rêl- pêk a.