RORELTUHAI 2:18 - Pathien Lekhabu Inthieng (BSI)

¹⁸ LALPAIN rorêltuhai a siem- pêk pha chun LALPA chu rorêltu kuoma chun a um a, rorêltu dam sûng chun an hmêlmahai kuta inthawk chun a sansuok pei a; anni sukrimsitu le nêksâwrtuhai leia an inrûm chun LALPA chun za a ngai nâwk hlak a.

RORELTUHAI 2:18 Iomraidhean Croise

INṬANNA 6:6

Chuongchun, hnuoia hin mi- hriem a lo siem ta lei chun LALPA chu ân sîr a, lungril natnain a hmang pha tah a.

2 LALHAI 13:4

Chun, Jehoahaz chun LALPA kuomah a ngên a ngên a; chun, LALPAIN a thu chu a lo ngaipêk a, Israelhai nêksâwra an um a, Suria lalin anni a nêksâwrzie chu a hmu zing sih a.

INPÂKNA HLABU 12:5

LALPA chun, “Rimsihai an nêksâwr lei le, pasiehai inrûm lei chun, Tho nghâl el ka ta, An innuisan chu himtakin inumtir ka tih,” a tih a.

INPÂKNA HLABU 90:13

Aw LALPA hung kîr nâwk la, ieng chen am i lunginsen ding a na? I siehlawhai chungthua chun i lungril inlêt rawh.

FESUOKNA 2:24

Pathienin an inrûm chu a hriet a, Abraham, Isak le Jakob kuoma a thuthlung chu Pathienin a hriet zing a.

FESUOKNA 3:12

Ama chun, “I kuomah um ngei ngei ka tih, chun, ka tir che a nih ti inchikna chu hi hi nîng a tih: Aiguptaa inthawka Israel mihai i hung ṭhuoi suok pha, hi tlâng chunga hin Pathien rawng la bâwl in tih, ti hi,” a tih a.

FESUOKNA 32:14

Chun, LALPA chun a mihai chunga thâwng ka tih tiha a hril thil ṭhanaw chu a lâkkîr tah a.

HOSEA 11:8

Aw Ephraim, iengtin am thlauthla thei ka ti che a? Aw Israel, iengtin am inthla thei ka ti che a? Iengtin am Adma angin siem thei ka ti che a? Iengtin am Zeboiim angin inumtir thei ka ti che a? Ka sûnga hin ka lung hi ân lêt a, Ka lunginsietnahai chu ân mûtâi nâwk ta lem a.

JONA 3:10

Chuongchun, Pathienin an thilthawhai chu enin, an lampui ṭha naw chu an nghatsan ti a hmu a, an kuoma a hril tah thaw a tum thil ṭha naw chu, Pathien chun ân lêt a; a thaw ta nawh a.

NAMBAR 10:9

In rama hmêlma hnuoisietu cheu do dinga in fe ding phâ râlkhêl mûtin tawtawrâwthai chu in mût ding a nih; chuongchun, LALPA in Pathien hmaa chun hriet zing nîng in tih, chun, in hmêlmahaia inthawk chun sanhim ni bawk in tih.

DÂN PAHNINA 32:36

LALPA chun a mihai ro a rêl ding a na, A siehlawhai khawm thawpêk a tih; An thilthawtheina inhmang a, Khuokhir le khir naw tukhawm um dêr loa a hmu pha chun.

JOSUA 1:5

I dam sûng po po chun tukhawm i hmaah ngîr thei naw ni hai a, Mosie kuoma ka um ang khan i kuoma khawm ka um ve ding a nih; inhlâw- samtir naw ning cheh a, mâk khawm mâksan naw tawp ka ti che.

RORELTUHAI 10:16

Chuongchun, anni laia hnam dang pathienhai chu an sie hmang vawng a, LALPA rawng chu an bâwl tah a; chun, Israelhai lunginzîngna lei chun a lungril a lungngai ta bêk bêk el a.

RORELTUHAI 11:32

Chuongchun, Jepthah chu Am- mon mihai do ding chun a fe tah a; chun, LALPAIN a kutah a pêk tah a.

RORELTUHAI 2:19

Nisienlakhawm, rorêltu chu a thi phingleh an hnungtawl nâwkin, pathien danghai rawng bâwla chi- bai bûk dinga zui thuah an thlatu- hai nêkin an thaw ṭha naw nâwk- zuol a, an thil thaw hlakhai le an ngawltâwtna khawm an bân chuong nawh a.

RORELTUHAI 3:9

Chun, Israel thlahai chun LALPA chu an ko phingleh LALPA chun Israel thlahai chu sansuoktu a hung siempêk a, ama chun a hung sansuok tah a, chu chu Kaleb sang Kenaz naupa Othniel a nih.

RORELTUHAI 6:12

LALPA vântirko a kuomah a hung inlâr a, a kuomah, “Nang mi hrât huoisen, i kuomah LALPA chu a um,” a tih a.

RORELTUHAI 6:16

LALPA chun a kuomah, “I kuomah ka um pei ding annâwm; chuongchun, Midianhai chu mi pakhat ang elin hne vawng el i tih,” a tih a.