RORELTUHAI 2:12 - Pathien Lekhabu Inthieng (BSI)

¹² LALPA an thlatuhai Pathien, Aigupta rama inthawka anni ṭhuoi suoktu kha an nghatsan a, pathien dang, an kâwl vêla umhai pathienhai laia mi chu an zui a, chibai an bûk a; chuongchun, LALPA chu an suklung- sen tah a.

RORELTUHAI 2:12 Iomraidhean Croise

INPÂKNA HLABU 106:36

A milim rawnghai an bâwl a, Chuong chu an ta dingin châng a lo ni tah.

INPÂKNA HLABU 78:58

An hmun insânghaiin ama chu an suklungsen hlak sih a, An milim siemhaiin an inthîktir bawk a.

FESUOKNA 13:14

Chun, nakie hun la hung tlung dinga khawm i naupain, Hi hi a umzie ieng am a na? tiha ân dawn che chun, a kuomah hieng hin hril i tih, “Suoka umna ram Aiguptaa inthawk LALPAIN kut thahrâtin a mi ṭhuoi suok tah a.

FESUOKNA 13:16

Chun, i mithai kâra thilkhim ding le i kut chunga inchikna dingin nîng a tih; LALPA chun kut thahrât chun Aigupta rama inthawkin a ṭhuoi suok ta si cheh a, tiin,” a tih a.

FESUOKNA 13:3

Mosie chun mipui kuoma chun, “Suoka in umna Aiguptaa inthawk in hung suok ni kha hre zing ro: LALPAIN kut thahrâtin chu hmuna inthawk chu a hung ṭhuoi suok cheu a ni kha; chawl ṭhang bei hrim fâk a ni ding a ni nawh.

FESUOKNA 13:9

Chun, LALPA Dân chu i baua a um theina dingin, i mithai kâra hriet zingna ding le, i kuthai chunga nangma ta dinga inchikna dingin nîng a tih; LALPA chun kut thahrâtin Aiguptaa inthawkin a ṭhuoi suok ta si cheh a.

FESUOKNA 20:5

an kuoma chun kûnin an rawng i bâwl ding a ni nawh: LALPA i Pathien hi Pathien thikthusetak, pahai khawhlona chu nauhai chunga hung intlungtir hlaktu, a mi theida- tuhai chu an thla sâwng thum le sâwng li chen chunga khawm, hung intlungtir hlaktu le

JEREMIA 16:11

nang chun an kuomah, ‘In thla- tuhai chun an mi lo nghatsan tah a, LALPA chun a tih: Pathien danghai chu an zui a, a rawng an bâwl a, anni chu chibai an bûk a, kei chu an mi lo mâksan a, ka dân khawm an lo zâwm ta naw lei khan a nih,

DÂN PAHNINA 13:5

Chun, chu zâwlnei amanih, mang neitu amani chu sukhlum ding a nih. Aigupta rama inthawka ṭhuoisuoka, suoka inthawka intlantu cheu LALPA in Pathienin hraw ding thu a pêk cheu lampuia inthawka pêthmang dinga, LALPA in Pathien chunga helna thu a hril leiin. Chuong ang chun nangni laia thil ṭha naw chu in sukbo ding a nih.

DÂN PAHNINA 29:18

Chuong naw chun, nangni laia pasal amanih, nuhmei amanih, sûng- kuo amanih, hnam amanih, chuong hnam pathienhai be ding chun an lungrilin tuhin LALPA ei Pathien chu nghatsanin, nangni lai thil kha le sairam zung ṭo suokna bul dâm lo um khiet rawi in tih.

DÂN PAHNINA 29:25

Chuongchun, miin, ‘Aigupta rama inthawk a ṭhuoi suok laia a thuthlung, LALPA an pi le pu Pathien chu an nghatsan a,

DÂN PAHNINA 32:15

“Nisienlakhawm, Jesurun chu a hung hausa a, a hung hel a, A hung thâu a, a hung inchawm a, a hung nâm tah a; A siemtu Pathien a nghatsan a, A sandamna Lungpui chu a ngainêp a.

DÂN PAHNINA 33:17

A ropuina chu a bâwngchal pieng hmasa ropuina ang a na, A ki chu ramsiel ki ang a nih. Chuhai chun, hnam tin sik a tih, kâwlkawdawng chenin, Ephraim sâng sâwmhai an na, Manasse sâng dâm chu an nih,” a ta.

DÂN PAHNINA 4:25

“Tu le tehai in hung nei a, chu rama sâwt rei in um hnunga, in insukkhawhlo a, ieng amanih angpui dâma milim siem fâwmhai in indin a, a lung suksen dinga LALPA in Pathien mithmua thil ṭha naw in thaw vai chun;

DÂN PAHNINA 5:9

Chuong chu chibai i bûk ding a ni nawh a, an rawng i bâwl ding a ni bawk nawh. Kei LALPA i Pathien hi Pathien thîkthusie, pahai khawhlona leia nauhai hrem hlak, a mi theidatuhai chu suon thumna le suon lina chena hrem hlak,

DÂN PAHNINA 6:12

fîmkhur hle el ro; chuong naw chun, Aigupta rama inthawka suoka inthawka ṭhuoi suoktu cheu LALPA chu theinghil el rawi in tih.

RORELTUHAI 10:11

LALPA chun Israel mihai kuom- a chun, “Aigupta mihaia inthawk, Amor mihaia inthawk, Ammon mihaia inthawk le, Philistin mihaia inthawk dâmin ka sansuok cheu ni lo am a nih?

RORELTUHAI 5:8

Pathien tharhai an chel a, Daikawtkhâr bulhaia khan indona a hung um a, Israel rama mi sîng li zet laia khan Phaw le fei kha um hrim a um am a nih?

RORELTUHAI 8:33

Chun, Gideon a thi phing chun Israel mipui chu an hnungtawl nâwk nghâl tah a. Baalhai kuoma chun, an hung uire tah a, Baal-berith chu an pathienah an hung siem a.