RORELTUHAI 19:3 - Pathien Lekhabu Inthieng (BSI)

³ Chun, a pasal chu a tho a, a siehlaw le sabengtung pahni ṭhuoiin va thlêma lungâwitaka ṭhuoi kîr nâwk tumin a va hnawt a. Ama chun a pa ina chun a lo ṭhuoi lût a. Nunghâk pa chun ama a lo hmuin a lo lâwm hle el a.

RORELTUHAI 19:3 Iomraidhean Croise

INṬANNA 34:3

Chun, a lungril chu Jakob naunu Dina chunga chun a um tlat a, chu nunghâk chu a hmangai a, bau ṭhatakin a biek a.

INṬANNA 50:21

Chuleiin, ṭi naw ro, nangni le in nau-le-tehai chu châwm pei ka tih,” a tih a. Chuongchun, a thlamuon a, bau ṭhatakin a biek tâwl a.

JEREMIA 3:1

“Miin a nuhmei a mâk a, ama chu a mâksan a, pasal dang ta a hung ni tah a, amapa chu amanu kuoma chun a lût nâwk ding am a nih? Chuong a ni chun chu ram chu nasa- taka sukpawrche a ni naw ding maw? Nang khawm chu, ngaizâwng tam- takhai le chun nawchizawr angin i lo khawsa tah a, anachu, ka kuoma bawk i hung kîr nâwk ding? LALPA chun a tih.

HOSEA 2:14

Chuleiin, ngai ta, thlêm ka ta, thlalêrah ṭhuoi ka ta, Bau ṭhatakin ama chu bieng ka ta,

HOSEA 2:16

Chun, chu nia chun, LALPA chun a tih, Ka pasal mi tîng i ta, Ka Baal mi ti ta naw ti nih;

LEVI DÂN 19:17

I lungrilin i unau i theida ding a ni nawh, i tuolbâwm chu i kâwk ngei ding a nih, a suolnaa în thiengna dingin.

LEVI DÂN 20:10

“Miin a tuolbâwm nuhmei a uiretpui chun, uiretupa le uirenu chu sukhlum ngei ding an nih.

NAMBAR 22:22

Chun, a fe lei chun Pathien lung chu a hung chawk tah a, chun, LAL- PA vântirko chu a lo dang dingin lampuia chun a lo ngîr a. A sabeng- tung chunga chuong a na, a sie- hlawhai pahni a kuomah an um veh a.

MATTHAI 1:19

Chun, a pasal Josef chu mi feltak a na; tlâng ihriet a nuom nawh a; arûka mâk el a nuom a.

JOHAN 8:11

Ama chun, “Lalpa, tukhawmin an mîn changtir nawh,” a ta. Chun, Isûn, “Kei khawmin thiemnaw kân changtir naw che; fe la, tuta hnung chu suksuol nâwk ta naw,” a ta.]

GALATI 6:1

Unauhai, mi suol iengkhawm a thaw laia phâwkin um sien la, nangni thlarau mihai, “Thlemna tuok ve rawi ka tih,” tia invêng ṭha pumin chuong ang mi chu thuhnuoirawl- takin tungding nâwk ro.

RORELTUHAI 15:1

Chu hnung sâwt rak loa chun, bu sîk hun lai hin, Samson chun kêlte chawiin a nuhmei chu a va kan a, “Pindan sûnga sawn ka nuhmei kuomah ka va lût ding a nih,” a tih a. Nisienlakhawm, a pa chun a lût a lo phal ta nawh a.

RORELTUHAI 19:2

A thaikêm chun a uiretsan a, chuongchun, Juda ram Bethlehemah a pa kuomah a tlânsan a, chutaka chun thla li zet a um a.

RORELTUHAI 19:26

Khuo a hung var phingle chun nuhmei chu a feh a, a hotupa tlunginpa kawtkhâr bula chun a tlu dêr a, khaw- var hnung chenin a um ta zing a.

RORELTUHAI 19:4

Chun, a tarpupa, nunghâk pa chun a kuoma um dingin a lo thlo a, a kuoma chun ni thum a um a, an fâkin an dâwn tlâng a, chutaka chun a riek a.