RORELTUHAI 18:5 - Pathien Lekhabu Inthieng (BSI)

⁵ Chun, anni chun a kuomah, “Kan fena dinga hin kan tluongtlung ding le ding naw Pathien mi râwnpêk raw khai,” an tih a.

RORELTUHAI 18:5 Iomraidhean Croise

1 LALHAI 22:5

Chun, Jehosaphat chun Israel lal kuoma chun, “LALPA thu chu la ngai hri phawt la tie,” a ta.

2 LALHAI 16:15

Chun, lal Ahaz chun, “Mâichâm lientaka hin zingtienga pumraw- hmang thilinhlânhai, zântienga bei- phit thilinhlân dâm, lal pumraw- hmang thilinhlân dâm, a beiphit thilinhlân dâm, a ram mipui po po pumrawhmang thilinhlân dâm, an beiphit thilinhlân dâm, an dâwn ding thilinhlân dâm le hin inhlânin raw la; chun, a chunga chun pumrawhmang thilinhlân thisen po po le, inthâwina thisen po po chu the rawh, dâr mâichâm ruok chu ka biekna ding ning a ta,” tiin thiempu Urija chu thu a pêk a.

ISAI 30:1

LALPA chun, “Nau helhmang- hai chu an chung a rik ie! chuonghai chun mi an râwn a, kei ruok chu an mi râwn si nawh a, an suol chunga suol an belsana dingin inkhumnain an inkhum a, ka thlarau thu ruok chun an inkhum si nawh a;

EZEKIEL 21:21

Babulon lal chu lampui inṭhena lai, lampui pahnihai inchinna taka chun, dawi hmang dingin a ngîr zing sih a; hnungtieng hmatieng thalhai chu a hêm vêl a, milimhai chu a râwn a, sathin chu a en bawk a.

HOSEA 4:12

Ka mihai chun an thing an râwn a. An hmawl chun a hril hlak. Nawchizawrna lungril chun a ṭhuoi hmang a, An Pathiena inthawk chun an hur hmang ta sih a.

THILTHAWHAI 8:10

Mi po po chun mi setaka inthawka ân laltak chenin, “Hi mipa hi Pathien thilthawtheina, ‘Ropui,’ an ti kha a ni hi,” tiin a thu an ngaisak tâwl hlak.

RORELTUHAI 17:13

Chuongchun, Mika chun, “Tu zet hin chu Levi chi ka thiempu dingin ka nei ta sih a, LALPA chun mi suktluongtlung ngei a tih ti ka hriet,” a ti tah a.

RORELTUHAI 17:5

Chun, Mika chun pathienhaiah a nei a, zakawsîng le milimhai a siem a, a naupa pakhat chu a thiempu dingin a suktum tah a.

RORELTUHAI 18:14

Chun, Lais ram enthlithlai dinga suokhai mi panga chun an dawn a, an unauhai kuomah, “Hieng inhaia hin zakawsîng dâm, milim siem fâwm dâm, milim sung fâwm dâm, a um ti in hriet am? Chuleiin, tuhin ieng am in thaw ding ngaituo ro,” an tih a.

RORELTUHAI 18:4

Ama chun an kuomah, “Mika hin hieng ang hin a mi lo siem tah a, a mi ruoi a, a thiempuah ka um a nih,” a tih a.

RORELTUHAI 18:6

Chun, thiempu chun an kuomah, “Thlamuongtakin fe ro khai, in fena ding chu LALPAIN a hrietpui zing cheu,” a tih a.

1 SAMUEL 9:9

(Kha hma khan chu Israelhai lai khan miin Pathien an râwn nuom chun, “Hung rawh, hmutheitu kuomah fêng ei tih,” an ti hlak a; tulaia Zâwlnei an ti hlak hi, kha hma khan chu Hmutheitu an ti hlak a nih.)