RORELTUHAI 13:5 - Pathien Lekhabu Inthieng (BSI)

⁵ ngai ta, inrai i ta, naupasal i nei ding a ni sih a, a lua chun bakmêt chem hrim ruoi ni naw nih a, naupang chu sula a um laia inthawkin Pathien ta dinga Nazarit mi a ni ding a ni sih a, ama chun Israel mihai hi Philistin mihai kuta inthawk chun sansuok ṭan a tih,” a tih a.

RORELTUHAI 13:5 Iomraidhean Croise

2 SAMUEL 8:1

Chun, chu hnunga chun David chun Philistin mihai chu a thawh a, a hne tah a; chuongchun, David chun Philistin mihai thuneina khaw- pui chu a lâkpêk tah a.

1 CHANCHIN SUINA 18:1

Hi hnunga hin hieng hi a hung ni a, David chun Philistin mi- hai chu a hne a, anni chu a tukdawl a, Philistin mihai kuta inthawk chun Gath le a vêl khuohai chu a lâk tah a.

AMOS 2:11

Chun, zâwlnei ni dingin in naupasalhai laia mi le Nazirit dâm ni dingin in tlangvâlhai laia mi ka siem a, Aw Israel nauhai, chuong ang chu a ni nâwm a nih?” LALPAIN a tih.

NAMBAR 6:5

Insuktumna thu ân tiem sûng po chun a lu khawm vâw dêr lo ding a nih. LALPA ta dinga insuktum ni a kim hmakhat chun suktum nîng a ta, a sam khawm a hla ding a nih.

LUKA 1:15

Lalpa ngaiin mi lien nîng a ta, uoin le zu hrim hrim dâwn naw ni; a nu phing sûnga inthawkin Thlarau Inthiengin hung sip a tih,

RORELTUHAI 16:17

Chuongchun, a lungril po po chu a hril ta vawng a, a kuomah, “Ka lua hin bakmêt chem hrim ruoi a la ni ngai nawh a, ka nu sula ka um laia inthawka Pathien ta dinga Nazarit mia hung um ka nih a, tuhin hung invaw ta lang chu ka hrâtna chu bo vawng el a tih; chuongchun, hung hrât nâwng ka ta, mi dang ang bawk hung ni el ka tih,” a tih a.

1 SAMUEL 1:11

Chun, thu a tiem a, “Aw sipaihai LALPA, i suoknu tlâwmzie hi i hriet tak meu a, i mi hriet zing a, i suoknu hi i mi theinghil nawh a, i suoknu hi naupasal i pêk chun a dam sûng po chu LALPA pe ve thung ka ta, a lu khawm vâw hrim hrim ni naw ni,” a ta.

1 SAMUEL 7:13

Chuongchun, Philistin mihai chu an tlâwm tah a, Israelhai rama chun an fe nâwk ta nawh a. Chun, LALPA kut chun Philistin mihai chu Samuel dam sûng po chun a tai ta zing a.